Thaburi 132:2 - ÎVUKU RÎA ÛVORO MWARO

² Ndûkariganîrwe nî ûrîa evîtire kûrî Ngai-Mûnene, ûrîa evîtire kûrî Mwene vinya Ngai wa Jakovu atî:

Thaburi 132:2 ပူးပေါင်းရင်းမြစ်များ

Kîam 49:24

Nwatî ûta wake ndwainainaga, njara ciake nîciîkagîrwa vinya, nî Ngai mwene vinya wonthe Ngai wa Jakovu, rîîtwarî rîa Mûrîthi Mûgitîri wa Isiraeli.

2Sam 7:1

Mûthamaki Daudi nîwatûûrire nyombarî yake, na Ngai-Mûnene akîmûgitîra kuuma kûrî nthû ciake cionthe.

2Sam 7:2

Mûthamaki nîwerire mûrathi Nathani atîrî, “Ta roria wone atî rîu mbîkaraga nyombarî îtumîtwe na mîtarakwe, nwatî îthandûkû rîa kîrîkanîro Kîam Ngai rigîtwe îgemarî!”

1Maû 28:2

Mûthamaki Daudi nîwamerire atîrî, “Tanthikîrîriani andû etû. Nînîrendete gûtuma nyomba ya kwigwa îthandûkû rîa kîrîkanîro Kîam Ngai-Mûnene, Ngai wetû na va kwigwa gaturwa ka magûrû make, na nînavarîrîrie gûtuma.

Thaburi 119:106

Nîmbîranîrîte na mwîvîtwa na nîngindîrîtie ûndû ûcio, atî ngaarûmagîrîra matuîro maku ma kîvooto.

Thaburi 132:5

nginya rîrîa ngaatumîra Ngai-Mûnene vandû va gwîkara, gîkaro Kîam Mwene vinya Ngai wa Jakovu.”

Thaburi 46:11

Ngai-Mûnene mwene vinya wonthe arî vamwe natue, Ngai wa Jakovu nîke mûgitîri wetû.

Thaburi 50:1

Ngai-Mûnene, Ngai mwene vinya wonthe nîararia; nîareta andû onthe a nthî kuuma îrathîro nginya îthûîro.

Thaburi 56:12

We Ngai, nîngaakûrutîra kîrîa naakwîrîre; nîngaakûrutîra matega ma gûgûcokeria ngatho.

Thaburi 65:1

We Ngai, nîtwagîrîrwe nî gûgûkumia ûrî Zayuni, na tûvingie mîvîtwa yetû kûrî we.

Isaia 49:26

Nîngaatûma arîa mamûvinyagîrîria marîe nyama ciao o ene, na marîwe nî nthakame yao o ene ta ndivei. Andû onthe nîmakaamenya atî Nie Ngai-Mûnene, nînie Mûvonokia waku, nînie Mûkûri waku, Ûrîa ûrî Vinya wa Jakovu.”

Isaia 60:16

Nîûkaareterwe irio nî andû a ndûrîrî, athamaki magaakûvecaga irio mbaro, na nîûkaamenya atî nie Ngai-Mûnene, nînie Mûvonokia waku, nînie mwene Vinya mûkûri wa Jakovu.