Thaburi 128:3 - ÎVUKU RÎA ÛVORO MWARO

³ Mûkaguo agekaraga ta mûthavibu ûrîa ûciaraga mûno arî gwaku mûciî; ciana ciaku ikethagîrwa ciîkariî ta matumû ma mûtî wa mûtamaiyû ithiûrûrûkîrîtie metha yaku.

Thaburi 128:3 ပူးပေါင်းရင်းမြစ်များ

Kîam 49:22

“Josefu ekariî ta mûtî ûrîa ûciaraga mûno, ûciaraga mûno ûrî vakuvî na kîthima, mvûa ciaguo itambaga îgûrû rîa rûthingo.

1Maû 8:40

Avîcî a Ulamu maarî njamba cia mbaara na andû a kûguîma. Aarî na avîcî engî, na ciana cia avîcî a avîcî ake eengî. Onthe maarî îgana rîa mîrongo îtano (150) na onthe maarî njiarwa cia Benjamini.

Thaburi 127:3

Ciana, nî îgai kuuma kûrî Ngai-Mûnene; ciana nî kîveo kuuma kûrî ke.

Thaburi 127:5

Gûkena nî mûndû ûrîa wîcûrîtie thiaka yake mîguî. Ke ndagaaconoka agîcira na nthû ciake arî karengerere.

Thaburi 144:12

Anake etû wîthîrî wao marogîa na vinya, ta mîtî ya mwarano îrîa îkûraga waro. Erîtu etû maroekara ta itugî, irî nyumie cia kûgemia nyomba ya mûthamaki.

Thaburi 52:8

Nwatî nie mbîkariî ta mûtî wa mûtamaiyû ûgîkûra nyombarî ya Ngai, nîîvokaga wendo ûtathiraga wa Ngai tene na tene.

Jeremia 11:16

Vîndî îmwe Ngai-Mûnene aamwîtire; mûtamaiyû mûruru, na ûrî na matunda maro. Nwatî rîu, na mûrurumo ta wa ngûa, nîakûûgwatia mwaki, nacio mvûa ciaguo ivîe cionthe.

Ezek 19:10

Nyûkwe eekariî ta mûtî wa mûthavibu ûrî mûgûndarî, naguo wavandîtwe rûtere rwa manjî. Warî na mvûa nyîngî na nîwaciarîte mûno, nîûndû warî vandû vaarî na manjî meengî.

Aroma 11:24

Andû a Ndûrîrî mekariî ta rûvûa rwa mûtamaiyû wa kîthaka rûrîa rûkavûre rûgacoka rûgaciarithanua na njîra îtarî ya kîndûîre na mûtî wa mûtamaiyû wa mûgûndarî. Ayahudi mekariî ta mûtî ûcio wa mûgûndarî. Nîûndû wa ûguo nî ûvûthû Ngai gûcokanîrîria mvûa icio ngavûrange cia kîndûîre mûtîrî wa cio.