Thaburi 128:2 - ÎVUKU RÎA ÛVORO MWARO

² Makaarîcaga maciaro ma wîra wa njara ciao; nîmagaakena na mathatûkwe nîguo.

Thaburi 128:2 ပူးပေါင်းရင်းမြစ်များ

Kîam 3:19

We ûkonaga irio ciaku cia kûrîa ûithithinîrîte nginya vîndî îrîa ûgaacoka mûtheturî, nîûndû kûu nîkuo warutirwe. Waûmbirwe kuuma mûtheturî, na ûgaacoka ûtuîke mûthetu.”

Thaburi 1:3

Eekariî ta mûtî ûrîa ûkûraga rûtererî rwa rûnjî, ûrîa ûciaraga maciaro îvinda rîrîa rîagîrîru, na mathangû ma guo matiûmaga. Nîathatûkagwa wîrarî wonthe ûrîa arutaga.

Thaburi 109:11

Mûndû ûrîa ûmûkombithîtie kîndû, nîamûcune indo îrîa agîte nacio cionthe.

Mûvunjia 8:12

Andû arîa evia mekaga maûndû macûku maita îgana na magatûûra îvinda îraca. Kûnarî ûguo nîmbicî atî andû arîa magoocaga Ngai nîmakaagîa na maûndû maro nîûndû wa kûmûgooca.

Isaia 3:10

Andû arîa athingu nîmagaakena, nîmakaarîa matunda ma maûndû marîa mekîte.

Isaia 62:8

Ngai-Mûnene nîevîtîte na njara yake ya ûrîo, nîakaavingia mwîvîtwa ûcio na vinya wake akiugaga atî: “Ndikaava nthû cienyu irio cienyu rîngî, na ageni matikaanyua rîngî ndivei îrîa mûnogerete.

Isaia 65:13

Kwoguo, nie Mwathani Ngai-Mûnene nauga atî: Ndungata ciakwa ikethagîrwa na gîa kûrîa, nwatî mue mûkethagîrwa mûrî na yûra; ndungata ciakwa ikethagîrwa irî na gîa kûnyua, nwatî mue mûkethagîrwa mûrî na nyonda; ndungata ciakwa igeekaraga irî na gîkeno, nwatî mue mûgeekaraga mûrî na gîconoko.

Jeremia 22:15

Ûreciria we wî mûthamaki nîguo ûcindane na gûtuma nyomba na mîtarakwe? Aguo nîwarîre na akînyua, na akîonania kîvooto na ûthingu, na maûndû make maarî maro.

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

Aefeso 6:3

“nîguo maûndû monthe maku mathiî waro na ûtûûre îvinda îraca gûkû nthî.”

Gûco 28:11

Ngai-Mûnene nîagaatûma mûthatûkwe; nîmûkaagîa na ciana nyîngî, ndîthia nene ya ng'ombe, na irio nyîngî cia mûgûnda mûrî vûrûrirî ûrîa Ngai-Mûnene eerîre methe menyu atî nîakaamûva.

Gûco 28:39

Nîmûkaavanda mîthavibu mîgûndarî yenyu na mûmîmenyerere, nwatî mûtikaanyua ndivei kana mûkethe thavibu icio, nîûndû thavibu nîikaarîwa nî igunyû.

Gûco 28:4

“Ngai-Mûnene nîakaarathima ciana cienyu, maciaro ma mîgûnda yenyu, na arathime ndîthia ya ng'ombe na ng'ondu cienyu.

Gûco 28:51

Andû acio nîmakaarîa ndîthia cienyu na irio cienyu, nginya rîrîa mûkaarîwa nî yûra. Matikaamûtigarîria wanarî ngano, ndivei, maguta ma ndamaiyû, ng'ombe kana ng'ondu, nginya rîrîa mûgaakua.

Gûco 28:8

“Ngai-Mûnene Ngai wenyu nîakaarathima mawîra menyu monthe, na atûme makûmbî menyu mecûre irio, acoke atûme mwîngîve mûrî vûrûrirî ûrîa akûmûva.