Thaburi 127:2 - ÎVUKU RÎA ÛVORO MWARO

² Mûrutaga wîra wa mana rîrîa mûkûramûka tene, na mûkamamaga mûrî acerere, mûkîruta wîra na vinya nîguo mwone gîa kûrîa; Ngai-Mûnene avecaga arîa endete gîa kûrîa marî toro.

Thaburi 127:2 ပူးပေါင်းရင်းမြစ်များ

Ayubu 11:18

We nîûtûûra ûrî na ûmîrîru nîûndû kûrî na kîîrîgîrîro. Ngai agakûgitagîra na akûvecage ûvurûko.

Thaburi 3:5

Mamaga ûrîrî na ngagwatwa nî toro, ngacoka gûkîra kîraûko nîûndû Ngai-Mûnene nîangitagîra.

Thaburi 4:8

Mamaga ûrîrî na nganyitwa nî toro nîrî na thayû, nîûndû we Ngai-Mûnene, nîwe wenga tu ûngitagîra.

Thaburi 60:5

Tûvonokie na vinya waku na ûtûthikîrîrie, ûtûvonokie tue andû aku arîa wendete.

Nthi 10:22

Irathimo cia Ngai-Mûnene nîcio itûmaga mûndû atonge, na ndarî kîeva aretanagîria na irathimo icio.

Mûvunjia 1:14

Nîmonete maûndû monthe marîa mekagwa gûkû nthî na ngîona atî monthe nî ma mana nîûndû nîta kûvinyûria rûkûngi.

Mûvunjia 4:8

Nînoonire mûndû ûtarî ciana kana andû ao, nwatî ndatigaga kûruta wîra na ndeganagîra na ûtonga ûrîa arî naguo. Ndakiraga eyûria arutagîra û wîra na vinya ûguo na akeima ikeno. Ûcio wanaguo nî wîra wa mana na ûtûûro ûtarî gîkeno.

Mûvunjia 5:12

Ndungata nîîmamaga waro ûtukû, wana ethîrwa îrîte irio nyîngî kana nini. Nwatî gîtonga kîrî indo nyîngî na ititûmaga kîona toro.

Mûvunjia 6:7

Mawîra monthe marîa andû marutaga, marutaga nîûndû wa kûvûta, nwatî ngumba ya irio ndîthiraga.

Jeremia 31:26

Kwoguo andû nîmakaugaga atîrî, ‘Nînamamire na ngîramûka nogokete waro mûno.’ ”

Ezek 34:25

Nîngaarûtha kîrîkanîro Kîam thayû nacio. Nîngaaruta nyamû cia kîthaka kuuma vûrûrirî nîguo ng'ondu ciakwa itûûre irî ngitîre kûu werûrî na imamage mûtitûrî.