Thaburi 123:3 - ÎVUKU RÎA ÛVORO MWARO

³ Twîguîre ntha we Ngai-Mûnene, twîguîre ntha; nîûndû nî tûnyararîtwe mûno.

Thaburi 123:3 ပူးပေါင်းရင်းမြစ်များ

2Sam 6:16

Rîrîa îthandûkû rîa kîrîkanîro Kîam Ngai-Mûnene rîatonyagua îtûûrarî rîa Daudi, Mikali mwarî wa Saûlo nîwarorererie ndiricarî na akîona mûthamaki Daudi akinîra Ngai-Mûnene akîrûgarûgaga. Nake nîwanyararire Daudi.

2Atha 19:3

Ndûmîrîri îrîa Hezekia aamaveere mavirîre mûrathi Isaia yaugaga atîrî, “Hezekia auga atî, ûmûnthî nî mûthenya wa kîeva, nî mûthenya wa kûrumwa na kûnyararwa. Twîkariî ta mûndûmûka akîenda gûciara nwatî ndarî na vinya wa gûciara.

Ayubu 19:15

Ageni arîa marî nyomba gwakwa nîariganîre nînie, ndungata ciakwa cia erîtu indungataga ta mûgeni, nduîkîte ta mûndû matanona.

Thaburi 4:1

Ngai-Mûnene mbîtîkaga rîrîa ngûkûvoya, we, nîwe ûngitagîra! Rîrîa naarî thînarî, we nîwandethirie; mbîguîra ntha na ûthikîrîrie îvoya rîakwa.

Thaburi 57:1

Mbîguîra ntha, we Ngai, mbîguîra ntha, nîûndû mbûkaga kûrî we nîguo ûngitîre. Ngitagîrwa nî kîruru Kîam mathagu maku, nginya rîrîa kîvuvûkanio Kîam mathîna gîkaathira.

Isaia 53:3

Nîyamenirwe na îkîregwa nî andû; aarî mûndû wî kîeva na ûrîîte thîna, na agatuîka wa kwîthithîrwa nî andû; nîwamenirwe na twamwonaga ta atarî kîndû.

Maca 3:30

Nwa nginya etîkîre kûrivwa na kûrumwa.

Ezek 36:15

Na ndikenda mwîgua irumi kuuma mavûrûri mau rîngî kana mamûnyûrûria kana matûme vûrûri wenyu ûvîngwe rîngî. Ûguo nîguo nie Mwathani Ngai-Mûnene mbugîte.”

Ezek 36:6

“Kwoguo we mûndû, vecana ûrathi wîgiî vûrûri wa Isiraeli. Îra irîma na tûrîma na wîre tûrûnjî na cianda ûrîa nie Mwathani Ngai-Mûnene ngûmera. Nîrî na marakara marî na wîru nîûndû wa ûrîa maconorithîtue nî mavûrûri mengî.

Luka 16:14

Rîrîa Afarisai meegwire maûndû mama monthe, nîmaanyûrûririe Jesû nîûndû maarî akorokeru mbeca mûno.

Luka 23:35

Rîrîa andû maarûngamîte vau maroretie, atongoria a Ayahudi nîmaanyûrûririe Jesû makîmwîraga atîrî, “Nîaravonokagia andû arîa engî, tiga evonokie rîu angîthîrwa ke nîke Mesaya ûrîa Ngai athuurîte!”