Thaburi 113:9 - ÎVUKU RÎA ÛVORO MWARO

⁹ Ngai-Mûnene nîavecaga mûndûmûka nthata mûciî; na agatûma agîe na gîkeno nîûndû wa kûmûva ciana. Kumiani Ngai-Mûnene!

Thaburi 113:9 ပူးပေါင်းရင်းမြစ်များ

Kîam 25:21

Rebeka aarî nthata, na Isaka nîwavoire kûrî Ngai-Mûnene nîûndû wake. Ngai-Mûnene nîwegwire mavoya make na Rebeka akîgîa îvu.

2Atha 4:17

Nwatî mûndûmûka nîwagîre îvu na agîciara kaana ga kavîcî mwaka ûcio warûmîrîrîte kavinda wata karîa Elisha aaugîte.

Thaburi 68:6

Ngai nîavecaga athîni kûndû kwa gûtûûra; avingûragîra andû arîa ove na akamatûûria na gîkeno; nwatî arîa mareganaga nake matûûraga vûrûrirî mûmû.

Isaia 54:1

Ngai-Mûnene arauga atîrî, Ina, we mûndûmûka nthata we ûtaanaciara, ugîrîria na wine na vinya, we ûtaanegua ruuo rwa gûciara. Nîûndû ciana cia mûndûmûka ûrîa ûtigîtwe nî nyîngî, gûkîra cia mûndûmûka ûrîa ûrî na mûrûme!

Ndari 5:28

Nwatî mûndûmûka ûcio angîkethîrwa atatharîtie, ndakaanyitwa nî kîrumi na nîakaagîcaga na ciana.

Agal 4:27

Nîûndû mandîkorî matheru kwandîkîtwe atîrî: “Kena we mûndûmûka ûyû ûtagîcaga ciana! Ina na wanîrîre ûrî na gîkeno, we ûtaanegua ûrûrû wa kûgîa na mwana. Nîûndû mûndûmûka ûrîa watigirwe, nî akaagîa na ciana nyîngî gûkîra ûrîa ûtaanatigwa nî mûthuuri wake.”

1Sam 2:5

Andû arîa meethagîrwa marî na irio nyîngî, rîu nîkwa marutaga wîra nîguo moone irio. Nwatî andû arîa meethagîrwa marî avûtu, rîu marî na irio. Mûndûmûka ûrîa warî nthata, rîu nîmûciaru ciana mûgwanja. Nwatî mûndûmûka ûrîa ûrî na ciana nyîngî, rîu atigîtwe atarî na mwana wana ûmwe.