Thaburi 11:4 - ÎVUKU RÎA ÛVORO MWARO

⁴ Ngai-Mûnene arî hekarûrî yake ntheru, gîtî gîake Kîam ûthamaki kîrî kûu îgûrû, aroragia andû onthe kûrîa marî na nîamenyaga maûndû monthe marîa mekaga.

Thaburi 11:4 ပူးပေါင်းရင်းမြစ်များ

1Maû 17:5

Kuuma kavinda karîa naarutire andû a Isiraeli Misiri nginya ûmûnthî, ndianatûûra nyombarî îtumîtwe na mîtarakwe. Mbîthîrîtwe ngîthama kuuma îgemarî rîmwe kûthiî rîngî. Na kuuma gîkaro kîmwe kûthiî kîngî.

2Maû 16:9

Ngai-Mûnene nîaroragia nthî yonthe waro nîguo ekîre vinya andû arîa onthe mamwîvokete. We nîwîkîte ûndû ûyû na ûrimû, kwoguo kuuma rîu kûthiî na mbere ûkethagîrwa ûkîrûa.”

Ayubu 24:23

Atûmaga arîa aganu mone marî agitîre, nwatî ekaraga aroretie mîthiîre yao.

Thaburi 103:19

Ngai-Mûnene nîaigîte gîtî gîake Kîam ûthamaki kûu îgûrû, ke nî mûthamaki wa indo cionthe.

Thaburi 113:5

Nîûrîkû wîkariî ta Ngai-Mûnene Ngai wetû? Ke atûûraga îgûrû mûno,

Thaburi 139:23

Nduîria we Ngai, na ûmenye ûrîa ngoro yakwa îkariî; nthima na ûmenye meciria makwa.

Thaburi 14:2

Ngai-Mûnene arî îgûrû nîaroragia andû gûkû nthî, nîguo one kana kûrî wanarî andû aûgî, wana kana kûrî andû mamûgoocaga.

Thaburi 18:6

Rîrîa naarî thînarî nînetire Ngai-Mûnene, nînaakaîre Ngai wakwa nîguo andethie. Nîwambîguire arî hekarûrî yake, nîwathikîrîrie ngîmûkaîra nîguo andethie.

Thaburi 2:4

Ûrîa wîkaragîra gîtî Kîam ûthamaki kûu îgûrû nîathekaga; Ngai-Mûnene nîamanyûrûragia.

Thaburi 33:13

Ngai-Mûnene nîaroragia gûkû nthî arî îgûrû na nî onaga andû onthe.

Thaburi 44:21

we Ngai, ûngîrî mûmenyu ûvoro ûcio, nîûndû we nîwicî nthitho ya ngoro cietû.

Thaburi 66:7

Ke athanaga na vinya wake tene na tene, metho make nîmonaga mavûrûri monthe. Andû arîa mareganaga nake matigetûgîrie.

Thaburi 9:11

Inani nyîmbo cia gûkumia Ngai-Mûnene, ûrîa ûtûûraga Zayuni! Îrani andû a onthe ûrîa Ngai-Mûnene ekîte.

Nthi 15:3

Ngai-Mûnene onaga kûndû kuonthe; nîonaga rîrîa andû mareka maûndû macûku na rîrîa mareka maûndû maro.

Isaia 66:1

Ngai-Mûnene arauga atîrî, “Îgûrû nî gîtî gîakwa Kîam ûnene, nayo nthî nî njûng'wa ya kwigîrîra magûrû makwa. Nî nyomba ya mûthemba ûrîkû mûngîndumîra, na nî vandû vekariî atîa nîngîvota gûtûûra?

Jeremia 17:10

Nie Ngai-Mûnene nî nie nduîragia meciria ma andû, na ngathima ngoro ciao. Kwoguo mvecaga mûndû kîrîa kîringanîte na mûtûûrîre wake, na kûringana na ciîko ciake.”

Jeremia 23:24

Kûrî mûndû ûngîîthitha kûndû ndangîvota kûmwona? Nîkwa mûtaicî atî nie Ngai-Mûnene ndûraga kûndû kuonthe, îgûrû wana gûkû nthî?

Mika 1:2

Mue andû onthe thikîrîriani; we nthî na indo irîa irî kuo ta thikîrîria. Ngai-Mûnene nîararia maûndû macûku mamwîgiî, araria arî hekarûrî yake ntheru.

Habakuku 2:20

Nwatî Ngai-Mûnene arî hekarûrî yake ntheru; nthî yonthe nî îkare îkirîte îrî mbere yake.

Zakaria 2:13

Andû onthe kirani mûrî mbere ya Ngai-Mûnene, nîûndû nîagûka aumîte kûndû gwake kûrîa kûtheru.

Mathaayo 23:21

Nake mûndû ûrîa wîvîtaga na hekarû, evîtaga nayo na akevîta na Ngai ûrîa ûtûûraga kuo.

Mathaayo 5:34

Nwatî nie nîramwîra atî: ndûkanevîte vîndî îrîa ûreranîra ûndû. Ndûkanevîte na îgûrû nîûndû kûu nîkuo Ngai ekaraga akîathana;

Ciîko 7:49

‘Îgûrû nî rîo gîtî kîrîa mbîkaragîra rîrîa nîrathana, nayo nthî nîyo njûng'wa îrîa mbigagîrîra magûrû makwa. Kwoguo we ûngîndumîra nyomba îrîkû, kana nie mvurûkaga kû?

2Ath 2:4

Ke nîakaaregana na kîndû wa kîonthe gîtagwa ngai, kana kîndû kîonthe andû magoocaga na enenevie mûno. Ke nîagekara hekarûrî ya Ngai na etue atî ke nîke Ngai.

Ahib 4:13

Gûtirî ûndû wana ûmwe ûngîthithwa Ngai. Maûndû monthe methagîrwa marî ûtherirî na matarî mathithe mbere ya metho make. Na nwanginya tûmûtaaragîrie maûndû monthe marîa twîkaga.

Kûguû 4:2

Na wa rîmwe nînecûrirwe nî Roho. Na rîrîa naaroririe Îgûrû nînoonire gîtî Kîam ûthamaki gîkarîrîtwe nî mûndû.