Thaburi 103:3 - ÎVUKU RÎA ÛVORO MWARO

³ Nîke ûndekagîra mevia monthe, na akamvonia mîrimû yakwa yonthe.

Thaburi 103:3 ပူးပေါင်းရင်းမြစ်များ

2Sam 12:13

Daudi nîwerire Nathani atîrî, “Nie nîmvîtîrîtie Ngai-Mûnene.” Nake Nathani nîwerire Daudi atîrî, “Ngai-Mûnene nîwakûovera mevia maku, na tîûkua.

Thaburi 130:4

Nwatî we nîûtwovagîra, nîguo tûgûtîîage.

Thaburi 130:8

Ke mwene nîke ûgaakûûra andû a Isiraeli, kuuma meviarî mao monthe.

Thaburi 147:3

Ke nîavonagia arîa akuû ngoro, na akamova ironda ciao.

Thaburi 30:2

Nînaakûrîrîre we Ngai-Mûnene, Ngai wakwa nîguo ûndethie, na nîwamvonirie.

Thaburi 41:8

Maugaga atîrî, “Nîmûrwaru mûno; na ndangîvora, nîagûkua.”

Thaburi 86:5

We Mwathani, wî mwagîrîru na nîwovanagîra; nîwonagia andû arîa makûvoyaga wendo ûtathiraga.

Ntha 15:26

Nîwacokire akîmeera atîrî, “Nie nînie Ngai-Mûnene, Ngai wenyu na nînie nîmûvonagia. Ethîrwa mue mûkambathîkagîra na kinyi na mwîkage ûrîa kwagîrîrîte methorî makwa, nie ndikaamûtûmîra mîrimû ta îrîa naatûmîre andû a Misiri.”

Ntha 34:7

Nînginyagîria wendo wakwa ûtathiraga njiarwa ngiri nyîngî na ngarekera arîa mekaga naaî na mareganaga nanie na makevia. Nwatî nîngaaverithia ciana wana ciana cia ciana ciao nginya njiarwa ya kathatû na ya kana nîûndû wa mevia ma aciari ao.”

Isaia 33:24

Gûtirî mûndû ûkaauga rîngî atîrî, “Nie nîrî mûrwaru.” Andû onthe arîa matûûraga kûu nîmagaakirîrîrua mevia mao.

Isaia 38:17

Naathînîkire ûguo nîûndû wa wagîrîru wakwa, nwatî nîûvonoketie ûtûûro wakwa, kuuma ûgwatirî wa gîkuû, nîûndû nîûnjoverete mevia makwa monthe.

Isaia 43:25

Nie nînie nakwoveere mevia maku nîûndû wa kwenda gwakwa, na ndikaaririkana mevia maku.

Isaia 53:5

Nwatî aativirue nîûndû wa mevia metû, aathînirue nîûndû wa waganu wetû. Aaverithirue nîguo tûgîe na mwoyo, na tûkîvonua na njîra ya ivoko irîa aarivirwe.

Jeremia 17:14

Ûi Ngai-Mûnene, mvonia nanie nîngûvona, mvonokia na nîngûvonoka, nîûndû we nîwe ngumagia.

Ndari 12:13

Kwoguo Musa nîwarîrîre Ngai-Mûnene akîmwîra atîrî, “Ûûi, Ngai, nakûthaitha ûmûvonie!”

Maariko 2:5

Nake Jesû ona ûrîa maarî na wîtîkio mûnene, nîwerire mûndû ûcio wakuîte ciîga ciake cia mwîrî atîrî, “Mûvîcîwa, nîwoverwa mevia maku.”

Aefeso 1:7

Nîtûrutîtwe meviarî na njîra ya nthakame ya Kristû, ûguo nîkuga nîtwoveretwe mevia metû nîûndû wa wega wake mwîngî

Jakuvu 5:15

Namo mavoya mau mangîvowa na wîtîkio nîmakûvonia mûndû ûcio ûrwarîte na Mwathani acokerie mûndû ûcio ûgima wake wa mwîrî. Na ethîrwa mûndû ûcio nîwîtîkîtie nîakwoverwa mevia make.