Thaburi 100:3 - ÎVUKU RÎA ÛVORO MWARO

³ Menyani atî Ngai-Mûnene nî Ngai. Nîke watûmbire, na tûrî ake, tûrî andû ake, na tûrî ng'ondu cia ndîthia yake.

Thaburi 100:3 ပူးပေါင်းရင်းမြစ်များ

2Atha 19:19

Kwoguo we Ngai-Mûnene Ngai wetû, nakûthaitha ûtûvonokie kuuma kûrî andû a Asîria, nîguo andû a mothamaki monthe ma nthî mamenye atî we Ngai-Mûnene tu, nîwe Ngai.”

1Maû 16:14

Ngai-Mûnene nîke Ngai wetû, maathani make mecûrîte nthî yonthe.

Ayubu 10:3

Wonaga ûgîka waro rîrîa ûkûnginyîrîria? Kana rîrîa ûranyarara wîra wa njara ciaku, na ûkenda wîra wa andû arîa aganu?

Thaburi 119:73

Wanyûmbire na njara ciaku na ûkînthondeka ûguo mbîkariî, mva ûtaûku nîguo menye maathani maku.

Thaburi 12:4

makiugaga atîrî, “Ciugo cietû nîcio igaatûma tûvootane, twaragia ûrîa tûkwenda na gûtirî mûndû ûngîtwatha.”

Thaburi 149:2

Isiraeli, kenerera Mûkûmbi, Andû a Zayuni canjamûkani nîûndû wa Mûthamaki wenyu.

Thaburi 46:10

Augaga atîrî, “Vorerani, na mûmenye atî nînie Ngai, nînie mvetwe gîtîîo mavûrûrirî monthe, nînie ndîîtwe nthî yonthe.”

Thaburi 78:52

Nîwacokire agîtongoria andû ake ta mûrîthi, na akîmavîtûkîrîria werûrî ta ndîthia ya ng'ondu.

Thaburi 79:13

Natue andû aku, tue ng'ondu cia ndîthia yaku, nî tûtûûra tûgûcokagîria ngatho tene na tene, na tûkûgoocage vîndî cionthe.

Thaburi 95:3

Nîûndû Ngai-Mûnene, nî Ngai mûnene, na nî mûthamaki mûnene gûkîra ngai cionthe.

Ntha 6:7

Nîngaamûtua andû akwa, nanie nduîke Ngai wenyu. Mue nîmûkaamenya atî nie nî nie Ngai-Mûnene, Ngai wenyu vîndî îrîa ngaamûruta ûkomborî vûrûrirî wa Misiri.

Mûvunjia 12:1

Ririkanaga ûrîa wakûmbire vîndî îrîa ûrî mwîthî, mbere ya kavinda gakinya rîrîa ûkaauga atîrî, “Ndirakenerera ûtûûro.”

Isaia 63:11

Nwatî nîmaacokire makîririkana mavinda ma tene, mavinda ma Musa, ndungata ya Ngai-Mûnene na makîûria atîrî, “Nîkwa ûrîa wavonokirie atongoria a andû ake kuuma îriarî arî kû? Ûrîa warekirie roho wake mûtheru gatagatîrî kao arî kû?

Isaia 63:19

Twîkariî ta andû matanathwa nîwe wanarî vanini, ta andû matanetanua na rîîtwa rîaku.

Isaia 64:7

Gûtirî wanarî mûndû ûkûvoyaga; gûtirî mûndû ûkûvoyaga ûtethio. We nîûtwîthithîrîte na ûgatûtiganîria nîûndû wa mevia metû.

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Ezek 34:11

“Nie Ngai-Mûnene Ngai nîrauga atî, nie mwene nîngaacaria ng'ondu ciakwa na nîimenyerere.

Johana 17:3

Naguo mwoyo wa tene na tene nî atî andû onthe makûmenye we Ngai wa ma na mamenye Jesû Kristû ûrîa watûmire.

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.

Aefeso 2:10

Ngai aatûmbire ûguo twîkariî na njîra ya Kristû nîguo twîkage ciîko mbaro irîa aavangîte twîkage.

Gûco 32:15

“Andû a Isiraeli nîmaarîre waro na makînora, nwatî makîregana nake; nîmaanorire magîtunguva na makîvaa mûno. Nîmaareganire na Ngai ûrîa wamaûmbire, na magîtiganîria mûvonokia wao mûnene.

Gûco 32:6

Ûguo nîguo mwagîrîrwe nî gwîka Ngai-Mûnene, mue irimû ino na mûtarî na ûûgî? Kinthî tîke aguo ûrîa wamûmbire, ûrîa wamûmbire na akîmûtua rûrîrî?

Gûco 4:35

Mwonirue maûndû mau nîguo mûmenye atî Ngai-Mûnene nî Ngai, na gûtirî wîngî tiga Ke.

Gûco 4:39

Kwoguo menyani kuuma ûmûnthî na mwige ûndû ûyû ngororî cienyu atî, Ngai-Mûnene nî Ngai wa îgûrû na nthî, gûtirî ngai îngî.

Gûco 7:9

Menyani nama atî Ngai-Mûnene, Ngai wenyu nîke Ngai, na nî mwîvokeku. Ke nîavingagia kîrîkanîro gîake na arî wendo ûtathiraga, kûrî njiarwa ngiri cia andû arîa mamwendete na mavingagia maathani make.

1Pet 2:25

Mwekariî ta ng'ondu ivîtîtie njîra, nwatî rîu nîmûcokererete Mûrîthi na Mûmenyereri wa mîoyo yenyu.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.

1Pet 4:19

Kwoguo andû arîa mathînagua kûringana na wendi wa Ngai, nîmagîrîrwe nîkwîthîrwa meigîte viû njararî cia Mûmbi wao na njîra ya gwîka maûndû maro. Nîûndû vîndî cionthe ethagîrwa arî mwîvokeku.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.