Thaburi 10:4 - ÎVUKU RÎA ÛVORO MWARO

⁴ Andû arîa aganu matiîciragia ûvoro wa Ngai-Mûnene, nîûndû wa mwîtîîo wao maugaga atî, “Gûtirî Ngai.”

Thaburi 10:4 ပူးပေါင်းရင်းမြစ်များ

Kîam 6:5

Ngai-Mûnene nîwonire atî waganu wa andû warî mwîngî mûno gûkû nthî, na atî meciragia maûndû macûku vîndî cionthe.

Ayubu 22:17

Merire Ngai atîrî, ‘Tigana natuî,’ na makîûria Ngai mwene vinya wonthe atîrî, ‘Ûngîtwîka atîa?’

Thaburi 101:5

Nîngaacûkangia mûndû ûrîa ûkaaguta mûndû ûrîa wîngî, ndigeekarania na mûndû mwîtîi na mwaganu.

Thaburi 18:27

Nîûvonokagia andû arîa menyivagia, nwatî nîûturithagia kîene andû arîa etîi.

Thaburi 27:8

Rîrîa waugire atîrî, “Ûka ûngooce,” nînaacokirie atîrî, “Nîngûka, Ngai-Mûnene;

Thaburi 36:1

Wîvia nîwaragîria mûndû mwaganu ndaarî ya ngoro yake; nîareganaga na Ngai na ndamûtîîaga.

Thaburi 53:1

1 Irimû ciîîraga na ngoro atîrî, “Ngai ndarî vata.” Onthe marî mîtugo ya waganu, na nîmekîte maûndû macûku mûno; gûtirî wanarî ûmwe wîkaga waro.

Thaburi 73:11

Andû arîa acûku maugaga atîrî, “Ngai ndangîmenya; ûrîa ûrî Îgûrû Mûno ndangîmenya ûrîa tûreka.”

Ntha 5:2

Nake mûthamaki nîwaûririe atîrî, “Ngai-Mûnene nîke ûû, na nînîmûthikîrîria nîkî na mbîtîkîrie andû a Isiraeli mathiî? Nie ndiîcî Ngai-Mûnene ûcio na ndingîtîkîria andû a Isiraeli mathiî.”

Nthi 21:4

Mwîtîîo, na mwîgatho nîcio itongoragia andû arîa aganu, na ûcio nî wîvia.

Nthi 30:13

Kûrî andû meyonaga marî aro mûno, na kaî nîmeyonaga marî aro î!

Nthi 30:9

nîguo ndikavae ngûkaane, na mbûrie atîrî, “Ngai-Mûnene nîke û?” Kana nthîne na nthiî ngaîe njonorithie rîîtwa rîaku.

Nthi 6:17

varî mwîtîîo, rûrîmî rwaragia maveeni, njara irîa ciûragaga andû matarî na mavîtia,

Mûvunjia 8:11

Ngoro cia andû ciîthagîrwa ciîvarîrîtie gwîka maûndû marîa macûku nîûndû îverithia rîa ûndû mûcûku rîtiîkagwa na îvenya.

Isaia 2:11

Mwîtîîo wa andû nîûkaathirua, na mwîcaaro wa andû onthe ûcûkangue, na Ngai-Mûnene tu nîke ûgaakumua mûthenya ûcio.

Isaia 3:9

Ûthiû wao nîwonanagia ûrîa marî evia; managîrîra wîvia wao ta wa Sodomu na matiûthithaga. Kaî andû acio marî na thîna-î, nîûndû nîo ene meretererete mathîna.

Isaia 59:7

Mûvinyûragîra gwîka waganu, na mûkevîka kûûraga arîa matarî na mavîtia. Mwîciragia maûndû ma waganu, kûrîa kuonthe mwavîtûkîrîra mûtigaga mwacûkangia na mwomomora.

Isaia 65:2

Natambûrûkagîria andû acio aremi njara ciakwa mûthenya mûgima, acio mathiîcaga na njîra itarî nûngîrîru, na marûmagîrîra mîvango yao o ene.

Jeremia 2:31

Mue rûciaro rûrû, thikîrîriani ciugo cia Ngai-Mûnene. Nîkwa mbîthîrîtwe mbîkariî ta werû kûrî andû a Isiraeli, kana vûrûri ûrî na nduma nene? Nîndûî vi gîtûmaga andû akwa mauga atî, “Tûrî na wîathi na tûtigaûka kûrî we rîngî?”

Jeremia 4:14

We Jerusalemu, theria ngoro yaku îthirwe nî waganu, nîguo ûvonokue. Nî nginya rî ûgûtûûra wîciragia maûndû macûku ngororî?

Zefania 1:12

Vîndî îo nîngoca taa na nthiî Jerusalemu ngîcaragia; Nîngaverithia andû arîa meganaga na makeîraga na ngoro atî, ‘Ngai-Mûnene ndarî ûndû ekaga: mwaro kana mûcûku.’

Zefania 2:3

Cokererani Ngai-Mûnene mue muonthe arîa avoreri, mue arîa mwîkaga ûrîa kwagîrîrîte, cariani ûthingu cariani wînyivia. Kwavoteka ûkethîrwa ûtarî vamwe na andû arîa makaverithua, mûthenya ûrîa Ngai-Mûnene akonania marakara make.

Maariko 7:21

Nîûndû ngororî ya mûndû nîkuo kuumaga meciria macûku marîa matûmaga mûndû ende gwîka maûndû macûku ta; ûmaraa, wîi, ûûragani,

Ciîko 8:22

Kwoguo îrire nîûndû wa waganu ûcio waku na ûvoe Mwathani akwovere nîûndû wa kûgîa na rîciria ta rîu.

Aroma 1:21

O nîmecî Ngai, nwatî matimûvecaga gîtîîo kîrîa kîmwagîrîrîte, kana magacokia Ngatho kûrî ke. Vandû va ûguo, meciria mao maatuîkire ma mana na ngoro ciao ciîcûrîtwe nî nduma.

Aroma 1:28

Nîûndû andû acio nîmaaregire kûmenya Ngai, ke nîwamarekererie magîe na meciria macûku na mekage maûndû marîa matagîrîrîte.

Aefeso 2:12

Vîndî îo mûtiarî na Kristû. Mûtiarî a ngwatanîro ya andû arîa Ngai athuurîte na kwoguo mwarî ageni. Mûtiarî na vandû irîkanîrorî irîa ciaumanîte na ciîranîro cia Ngai kûrî andû ake. Mwatûûraga gûkû nthî îno mûtarî na mwîrîgîrîro na mûtarî na Ngai.

Gûco 8:14

menyererani mûtigetîîe mûriganîrwa nî Ngai-Mûnene, Ngai wenyu, ûrîa wamûrutire vûrûri wa Misiri kûrîa mwarî ûkomborî.