Thaburi 1:3 - ÎVUKU RÎA ÛVORO MWARO

³ Eekariî ta mûtî ûrîa ûkûraga rûtererî rwa rûnjî, ûrîa ûciaraga maciaro îvinda rîrîa rîagîrîru, na mathangû ma guo matiûmaga. Nîathatûkagwa wîrarî wonthe ûrîa arutaga.

Thaburi 1:3 ပူးပေါင်းရင်းမြစ်များ

Kîam 39:23

Mûrûngamîrîri wa njera ndaatindanagîra na ûndû wana ûrîkû wa marîa meethagîrwa makîmenyererwa nî Josefu, nîûndû Ngai-Mûnene aarî vamwe na Josefu. Ûndû wa wonthe ûrîa Josefu eekaga Ngai-Mûnene nîwatûmaga ûmûthatûke.

Kîam 39:3

Mwathi wake nîwonire atî Ngai-Mûnene aarî vamwe na Josefu na nîwatûmaga athatûkwe maûndûrî monthe marîa eekaga.

2Atha 18:7

Kwoguo Ngai-Mûnene nîwamûtethagia, na maûndû monthe marîa eekaga nîmaavucaga. Nîwakararirie mûthamaki wa Asîria na akîrega kûmwathîkîra.

1Maû 22:11

“Rîu mûvîcîwa, Ngai-Mûnene, Ngai waku nîekare nawe na arokûvotithia gûtuma hekarû yake wata ûrîa aakwîrîre.

1Maû 22:13

Ethîrwa nîûkaathîkîra mawatho monthe marîa Ngai-Mûnene aaveere Aisiraeli kûvîtûkîra Musa, maûndû maku nîmakaavua. Gîa na vinya, wîyûmîrîrie na ndûgetigîre kana ûgîa na guoya.

2Maû 31:21

Wîra wa wonthe ûrîa mûthamaki Hezekia aarutaga hekarûrî wîgiî kûrûmîrîra watho na maathani ma Ngai, aaûrutaga arî na wîvokeku na nîwavoyaga Ngai wake na akaruta wîra na ngoro yake yonthe. Kwoguo nîwekindîrie.

2Maû 32:23

Andû eengî nîmaaûkire Jerusalemu kûretera Ngai-Mûnene iveo, na nîmaavirîre Hezekia mûthamaki wa Juda indo cia goro. Kuuma vîndî îo mûthamaki Hezekia nîwatîirwe nî mavûrûri monthe.

Ayubu 14:9

ûngîvutania na manjî nîûthundagia, nîûkûraga wata mûtî mwîthî.

Ayubu 22:28

Mîvango yaku yonthe îkavingaga, njîra ciaku ikethagîrwa îrî cia ûtheri.

Thaburi 128:2

Makaarîcaga maciaro ma wîra wa njara ciao; nîmagaakena na mathatûkwe nîguo.

Thaburi 129:8

Arîa mavîtûkagîrîra vakuvî matiugaga atîrî, “Ngai-Mûnene aromûrathima! Nîtwamûrathima na rîîtwa rîa Ngai-Mûnene.”

Thaburi 92:14

Îthiîcaga na mbere gûciara matunda wana îrî mîkûrû, vîndî cionthe îthagîrwa îrî na vinya na îrî mîruru.

Thaburi 92:15

Nîguo monanie atî Ngai-Mûnene nî mûthingu, nîke ûngitagîra na ekaga maûndû ma ûthingu.

Isaia 27:11

Mvûa cia mîtî ya kuo nî nyûmû na ikaunîkanga, nao aka nîmathiîcaga kuna ngû cia mîtî îo. Andû aya a Isiraeli nî aritu. Kwoguo Ngai, ûrîa wamaûmbire ndakaameguîra ntha, ke ûrîa mûmaûmbi ndakaamatuga.

Isaia 3:10

Andû arîa athingu nîmagaakena, nîmakaarîa matunda ma maûndû marîa mekîte.

Isaia 44:4

Igaakûra ta nyaki îmerete vandû varî na manjî meengî, ta mîtî îrîa îkûraga rûtererî rwa nyûnjî.

Isaia 58:11

Nie Ngai-Mûnene ngaamûtongoragia vîndî cionthe, na nîmûvingagîrie mavata menyu vîndî ya thîna. Ngaamwigaga mûrî na vinya na ûgima mwaro. Mûkaavana ta mûgûnda wî mwîtîrîrie manjî, ta kîthima Kîam manjî kîrîa gîtavûcaga.

Jeremia 17:8

Ke ekariî ta mûtî ûvandîtwe rûtere rwa rûnjî, mîri yaguo îtambîte manjîrî. Rîrîa kwagîa na ûrugarî mûtî ûcio ndûmakaga, nîûndû mathangû maguo methagîrwa marî maigû vîndî cionthe. Ndûmakaga rîrîa gûtarî na mbura, nîûndû nîûthiîcaga na mbere gûciara.

Ezek 17:8

Mûthavibu ûcio wavandîtwe mûtheturî mwaro rûtere rwa manjî nîguo ûkûre, ûrute mvûa, na ûciare maciaro na ûtuîke mûthavibu mwaro.

Ezek 19:10

Nyûkwe eekariî ta mûtî wa mûthavibu ûrî mûgûndarî, naguo wavandîtwe rûtere rwa manjî. Warî na mvûa nyîngî na nîwaciarîte mûno, nîûndû warî vandû vaarî na manjî meengî.

Ezek 31:5

Kwoguo mûtî ûcio nîwaracavire na îgûrû, gûkîra mîtî yonthe ya mûtitû. Mvûa ciaguo nîciengîvire na ikîneneva, nîûndû wa manjî marîa magîcaga mîrirî yaguo.

Ezek 47:12

Ndereerî cia rûnjî rûu mîena yoîrî nîgûgaakûra mîtî ya mîthemba yonthe ya matunda ma kûrîwa. Mîtî îo îkethagîrwa îrî mîruru vîndî cionthe na nîgaciaraga matunda mweri wa mweri nîûndû wa manjî marîa manyûrûrûkaga kuuma hekarûrî. Matunda mayo nî ma kûrîa na mathangû mayo nî ma kûvonia andû arîa arwaru.”

Ndari 24:6

Nîta mîvari mîraca ya mîtî ya mîkîndû, kana mîgûnda îrî rûtere rwa rûnjî, nîta ithûnjû ivandîtwe nî Ngai-Mûnene, kana ta mîtî ya mîtarakwe îrî rûtere rwa manjî.

Mathaayo 13:6

Nwatî rîrîa riûa rîarire, nîrîavîvirie mîmera îo, nayo îkîûma narua nîûndû îtiarî na mîri mîrikîru.

Mathaayo 21:19

Rîrîa oonire mûtî wa mûkûyû mûkîrarî wa njîra, nîwathiîre varî guo nwatî akîona ûtarî na maciaro tiga mathangû matheri. Kwoguo ke nîwawîrire atîrî, “We ndûrî vîndî ûgaaciara ngûû rîngî.” Naguo mûkûyû nîwaûmire wa rîmwe.

Mathaayo 21:34

Na rîrîa kavinda ga gûketha thavibu gaakinyire, mûndû ûcio nîwatûmire ngombo ciake kûrî arîmi acio, nîguo imûgîrîre îgai rîake rîa maketha.

Mathaayo 21:41

Nao nîmaamûcokerie atîrî, “Nî ma ke nîakaaûraga arîmi acio acûku, na acoke akomborithie arîmi engî mûgûnda ûcio arîa makaamûvecaga îgai rîake vîndî ya maketha.”

Johana 15:6

Mûndû wa wonthe ûtekaraga ndaarî yakwa nîatecagwa wata ûrîa rûvûa rûtecagwa rûgacoka rûkaûma. Mvûa ta icio nîciocanagua na igaikua mwakirî na ikavîa.

Gûco 28:8

“Ngai-Mûnene Ngai wenyu nîakaarathima mawîra menyu monthe, na atûme makûmbî menyu mecûre irio, acoke atûme mwîngîve mûrî vûrûrirî ûrîa akûmûva.

Juda 1:12

Andû acio maticonokaga vîndî îrîa makûrîcanîra namue mekariî ta maroro ma gîko vîndî îrîa mûrî marugarî ma ngwatanîro. O merîthagia o ene tu. Mekariî ta matû matarî mbura, marîa mavurutagwa nî rûkûngi. Mekariî ta mîtî vîndî ya thano îrîa îtagîcaga na maciaro. Mekariî ta mîtî mîkûûre na îkaûma viû.

Kûguû 22:2

Rwanyûrûrûkîte rûthiîrîrîte gatagatî ka varavara ya îtûûra rîu rînene. Mîena yoîrî ya rûnjî rûu nîkwamerete mûtî wa matunda ma mwoyo. Mûtî ûcio nîûciaraga matunda maita îkûmi na maîrî wa mwaka, na riita rîmwe wa mweri. Namo mathangû ma mûtî ûcio nîmatumagîrwa nî andû a ndûrîrî cionthe kûvonia mîrimû.