Thaburi 1:2 - ÎVUKU RÎA ÛVORO MWARO

² Vandû va ûguo, nîakenaga nî watho wa Ngai-Mûnene, na ageciria îgûrû rîa guo ûtukû na mûthenya.

Thaburi 1:2 ပူးပေါင်းရင်းမြစ်များ

Kîam 24:63

Mathaarî ma kîvwaî Isaka nîwaumagarûkire gûceranga mûgûndarî agîîciragia makîria. Nîwatiirire metho make na akîona ngamîîra ciûkîte.

Ezira 7:10

Ezira nîwevecanîte ûtûûrorî wake kûthoma watho wa Ngai-Mûnene, na gwîka ûrîa watho ûcio ugîte, na kûthomithia andû a Isiraeli mawatho, kîrîra kîgiî watho ûcio, na maûndû megiî mûtûûrîre.

Ayubu 23:12

Ndianatiga kûrûmîrîra maathani make, ciugo ciake nîcigîte ngororî yakwa.

Thaburi 104:34

Ngai-Mûnene arokenua nî meciria makwa, nîûndû gîkeno gîakwa kiumaga varî ke.

Thaburi 112:1

Kumiani Ngai-Mûnene! Kûrathimwa nî mûndû ûrîa wîtigîrîte Ngai-Mûnene, ûrîa ûkenaga mûno rîrîa akwathîkîra maathani make.

Thaburi 119:1

Kûrathimwa nî andû arîa marî mîthiîre mîrûngîrîru; arîa marûmagîrîra watho wa Ngai-Mûnene.

Thaburi 119:11

Nîmbigîte kiugo gîaku ngororî yakwa, nîguo ndigakwîvîrie.

Thaburi 119:35

Ndongoria na njîra ya maathani maku, nîûndû nîngenaga nîmo.

Thaburi 119:72

Watho ûrîa wamvere, kûrî nie nî mwaro mûno gûkîra thaavu na sîlûva cionthe.

Thaburi 119:92

Kethîrwa watho waku tîguo ûtûmaga ngene, nîngîrî mûkuû nî mathîna makwa.

Thaburi 40:8

Nîngenaga ngîka wendi waku, we Ngai wakwa, watho waku ûrî ngororî yakwa.”

Thaburi 88:1

We Ngai-Mûnene, Ngai wakwa, ngûkayagîra ûtukû na mûthenya.

Jeremia 15:16

We wambarîrie, na nie ngîkûthikîrîria, ciugo ciaku igîtûma ngene na njanjamûke, nîûndû nie mbîtanîtue na rîîtwa rîaku, we Ngai-Mûnene Ngai mwene vinya wonthe.

Luka 18:7

Na kinthî ûguo twaguo Ngai atethagia andû ake arîa mamûvoyaga ûtukû na mûthenya? Anga Ngai nwa arege kûmatethia na îvenya?

Luka 2:37

Ana nîwathiîcaga hekarûrî mûthenya wana ûtukû na akathaithaga Ngai mûno na njîra ya kûmûvoya na kwînyerekia.

Aroma 7:22

Ngororî yakwa nîngenete nî ûndû wa watho wa Ngai.

1Ath 2:9

Ariû na aarî a îthe wetû, nîmûraririkana ûrîa twarutaga wîra na tûkîthînîka. Twarutaga wîra ûtukû na mûthenya nîguo tûtigatuîke mûrigo kûrî mûndû wana ûmwe wa cienyu vîndî îrîa twamûvunjagîria ûvoro mwaro wa Ngai.

1Tim 4:15

Thiî na mbere gwîka maûndû mama wîvecanîte viû nîguo ûthiîi waku wa na mbere woneke nî andû onthe.

2Tim 1:3

Nie nînjokagîria Ngai ngatho ûrîa ndungataga na thamiri itarî na ûcuke. Methe metû ma tene nwaguo meekaga. Nînjokagîria Ngai ngatho vîndî îrîa ngûkûririkana mavoyarî makwa thaa cionthe ûtukû na mûthenya.

Josh 1:8

Ririkanaga vîndî cionthe kûthoma îvuku rîîrî rîa watho vîndî îrîa mûkûgooca. Rîthomage ûtukû na mûthenya, na wonage atî nîwathîkîra ûrîa wonthe rîandîkîtwe, nawe nîûkaagîa na mûtûûrîre mwaro.

1Joh 5:3

Nîûndû wendo wetû kûrî Ngai nî atî twathîkîre Maathani make na maathani make tî mûrigo kûrî tue.