Ruthu 4:6 - ÎVUKU RÎA ÛVORO MWARO

⁶ Nake mûndû ûcio nîwacokirie atîrî, “Ethîrwa ûguo nîguo gûgwîkara, nie tîngûra mûgûnda ûcio, nîûndû ûguo nî ta kuga ciana ciakwa itingîûgaa. Gûra mûgûnda ûcio arî we. Nî kava ndigane naguo.”

Ruthu 4:6 ပူးပေါင်းရင်းမြစ်များ

Kîam 38:8

Juda nîwerire Onani mûrwang'ina na Eri atîrî, “Thiî ûmenyane kîîmwîrî na Tamarû ûrîa ûratigirwe nî mûrwanyûkwe akua na wîke ûrîa kwagîrîrîte, nîguo ûciarîre mûrwanyûkwe ciana.”

Alawi 25:25

Mûisiraeli angîkaathîna na endie mûgûnda wake, mûrwang'ina ûrîa maciaranîrîtue nake nwanginya akaagûra mûgûnda ûcio rîngî.

Gûco 25:7

Mûndûmûrûme ûcio angîrega kûvikia mûka wa mûrwang'ina ûcio wakwire, mûndûmûka ûcio watigirwe nîakaathiî kûrî atongoria a îtûûra vau mwîrîgarî na ameere atîrî, ‘Mûrwang'ina na mûthuuriwa nîaregete kûnthambia nîguo rîîtwa rîake rîtikariganîre kûrî andû a Isiraeli.’

Gûco 25:8

Atongoria a îtûûra nîmageta mûndû ûcio nîguo mamwarîrie. Mûndû ûcio angîkaarega kûthambia mûka ûcio wa mûrwang'ina,

Gûco 25:9

mûndûmûka ûcio nîakaaruta mûndû ûcio kîratû kîmwe gîa kûgûrû gwake acoke amûtuîre mata ûthiû mbere ya atongoria a îtûûra na amwîre atîrî, ‘Ûguo nîguo mûndûmûrûme ûrîa ûregete gûciarîra mûrwang'ina ciana ekagwa.’

Ruthu 2:20

Naomi nîwamwîrire atîrî, “Ngai-Mûnene arorathima Boazu! Ngai-Mûnene atugaga waro andû arîa marî mwoyo wana arîa akuû.” Naomi nîwacokire akîîra Ruthu atîrî, “Mûndû ûcio nî wa mbarî yetû, na nî ûmwe wa arîa mangîtûgaa.”

Ruthu 3:13

Rara gûkû ûmûnthî, nîguo rûyû kîraûko tûkamenya kana mûndû ûcio nîagetîkîra gûkûgaa. Ethîrwa nîagetîkîra, nî waro; nwatî ethîrwa nîakaarega, nînevîta na Ngai-Mûnene ûrîa ûtûûraga mwoyo atî nîngakûgaa. Rîu mama nginya rûyû kîraûko.”

Ruthu 3:9

Boazu nîwaûririe mûndûmûka ûcio atîrî, “We nîwe û?” Nake Ruthu nîwamûcokerie atîrî, “Nî nie Ruthu ndungata yaku ya mûndûmûka. Tambûrûkia mûrengeti waku ûnguîkîre nîûndû we nîwe ûngîngaa.”