Ruthu 4:5 - ÎVUKU RÎA ÛVORO MWARO

⁵ Nake Boazu nîwerire mûndû ûcio atîrî, “Ûkîgûra mûgûnda ûcio kuuma kûrî Naomi, nwanginya ûûgûranîrie vamwe na Ruthu, mûka wa ndigwa ûrîa Mûmoabu nîguo mûgûnda ûcio ûtûûre ûrî wa andû a mûciî wa mûndû ûcio wakwire.”

Ruthu 4:5 ပူးပေါင်းရင်းမြစ်များ

Kîam 38:8

Juda nîwerire Onani mûrwang'ina na Eri atîrî, “Thiî ûmenyane kîîmwîrî na Tamarû ûrîa ûratigirwe nî mûrwanyûkwe akua na wîke ûrîa kwagîrîrîte, nîguo ûciarîre mûrwanyûkwe ciana.”

Mathaayo 22:24

“Mwarimû, Musa aaugire atî mûthuuri angîkua matagîte ciana na mûka nwanginya mûrwang'ina athambie mûndûmûka ûcio wa ndigwa na magîa ciana ciîtanague na mûthuuriwe ûrîa wakwire.

Luka 20:28

“Mwarimû, Musa aatwandîkîre Watho waugaga atî: ‘Mûthuuri angîkua na atige mûka atarî ciana, nwa nginya mûrwang'ina na mûthuuri ûcio avikie mûndûmûka ûcio wa ndigwa nîguo magîe ciana nake irîa igaatuîka cia mûrwang'ina ûcio mûkuû.’

Gûco 25:7

Mûndûmûrûme ûcio angîrega kûvikia mûka wa mûrwang'ina ûcio wakwire, mûndûmûka ûcio watigirwe nîakaathiî kûrî atongoria a îtûûra vau mwîrîgarî na ameere atîrî, ‘Mûrwang'ina na mûthuuriwa nîaregete kûnthambia nîguo rîîtwa rîake rîtikariganîre kûrî andû a Isiraeli.’