Ruthu 4:15 - ÎVUKU RÎA ÛVORO MWARO

¹⁵ Mûka wa mûvîcîguo nîakwendete na nîagwîkîrîte maûndû mengî gûkîra anake mûgwanja. Na rîu nîagûciarîrîte mûndû wa gûkûgaa ûrîa ûgaatûma ûcokwe nî vinya akûmenyagîrîre ûkûrûrî waku.”

Ruthu 4:15 ပူးပေါင်းရင်းမြစ်များ

Kîam 45:11

Ethîrwa ûrî Gosheni ngavota gûkûmenyerera, nîûndû nîgûkwîthîrwa na mîaka îngî îtano ya yûra. Ndirenda we, andû a mûciî waku kana ndîthia yaku mûkua nî yûra.’ ”

Kîam 47:12

Josefu nîwavere îthe irio, aa mûrwang'ina na andû onthe a nyomba ya îthe kûringana na mwîgana wao.

Thaburi 55:22

Virîra Ngai-Mûnene mathîna maku, na nîagûkûmenyerera; ndangîrekereria andû arîa athingu mavootwe.

Nthi 18:24

Ûrata ûmwe ndwîthagîrwa ûrî wa ma, nwatî kûrî arata evokeku gûkîra mûndû na mûrwang'ina.

Isaia 46:4

Nie nînie Ngai wenyu na nîndûûra nîmûmenyagîrîra nginya ûkûrûrî wenyu wana rîrîa mûkaauma mbuî. Nie nînie namûmbire na nîndûûra nîmûmenyagîrîra; nîngaamûkuua na nîmûvonokie.

Ruthu 4:16

Nake Naomi nîwocire kaana kau na agîtuîka mûreri wako.

1Sam 1:8

Nake mûthuuriwe, Elikana nîwamûririe atîrî, “Hana, ûrarîra nîkî? Na ûrarega kûrîa irio nîkî? Na ûregua kîeva nîkî? Na kinthî nie ndirî vata gûkîra ivîcî îkûmi?”

1Sam 2:5

Andû arîa meethagîrwa marî na irio nyîngî, rîu nîkwa marutaga wîra nîguo moone irio. Nwatî andû arîa meethagîrwa marî avûtu, rîu marî na irio. Mûndûmûka ûrîa warî nthata, rîu nîmûciaru ciana mûgwanja. Nwatî mûndûmûka ûrîa ûrî na ciana nyîngî, rîu atigîtwe atarî na mwana wana ûmwe.