Ruthu 4:11 - ÎVUKU RÎA ÛVORO MWARO

¹¹ Nao andû acio onthe maarî vau kîvingorî vamwe na athuuri nîmaaugire atîrî, “Tue tûrî aira. Ngai-Mûnene arotûma mûndûmûka ûcio ûgûûka gwaku mûciî atuîke ta Rakeli, wana ta Lea, arîa maaciarîre Jakovu ciana nyîngî. Nawe ûrothatûkwa ûrî mûvîrîgarî wa Efiratha na ûgîe îgweta kûu Bethilehemu.

Ruthu 4:11 ပူးပေါင်းရင်းမြစ်များ

Kîam 23:10

Efironi ke mwene meekarîte na Ahiti arîa engî varîa vacemanagîrua kîvingorî Kîam îtûûra rîrîa rînene. Nake nîwacokerie Iburahimu andû acio engî makîgucaga atîrî,

Kîam 24:60

Rebeka nîwarathimirwe nî andû ao na ciugo ino: “Mwarwaiya, ûrothegea nginya ûtuîke ng'ina wa andû ngiri makûmi meengî! Njiarwa ciaku irovoota andû a matûûra ma nthû ciao!”

Kîam 29:16

Labani aarî na erîtu aîrî. Ûrîa mûkûrû eetagwa Lea nake ûrîa mûnini eetagwa Rakeli.

Kîam 29:25

Kîraûko gwakîa Jakovu nîwonire atî aanengeretwe Lea. Kwoguo Jakovu nîwaûririe Labani atîrî, “Ûrambîkire û nîkî? Kinthî ndirakûrutîre wîra mîaka mûgwanja nîûndû wa Rakeli? Ûramveenirie nîkî?”

Kîam 29:32

Lea nîwagîre îvu na agîciara kavîcî. Nîwaugire atîrî, “Ngai-Mûnene nîwonete mathîna makwa na rîu mûthuuri wakwa nîakûmenda.” Kwoguo Lea nîwatuîrîre kavîcî kau rîîtwa Reubeni.

Kîam 35:23

Avîcî a Lea maarî: Reubeni (îrikithathi rîa Jakovu), Simeoni, Lawi, Juda, Isakaru, na Zebuluni.

Kîam 35:24

Avîcî a Rakeli maarî: Josefu na Benjamini.

1Atha 21:8

Kwoguo Jezebeli nîwandîkire maarûa vandûrî va Ahabu, akîivûûra mûvûûri wa Ahabu na agîitûma kûrî ndungata na atongoria arîa matûûraga na Nabothi îtûûrarî rîake.

1Maû 2:51

Salima nîke warî îthe wa Bethilehemu na Harefu îthe wa Bethigaderi.

Thaburi 132:6

Tûrî Bethilehemu nîtwegwire ûvoro wa îthandûkû rîa kîrîkanîro, na tûkîrîthîrîria mîgûndarî ya Jearimu.

Nthi 14:1

Mûndûmûka mûûgî nîatumaga mûciî wake, nwatî mûndûmûka kîrimû atharagia mûciî wake na njara ciake ke mwene.

Nthi 31:23

Mûthuuriwe nîavecagwa gîtîîo rîrîa marî na athuuri arîa engî, rîrîa marî na athuuri arîa engî a îtûûra.

Jeremia 32:10

Nînekîrire kîrore maarûarî ya mûgûnda na ngîmîvinga mbere ya aira a ûndû ûcio na ngîrîva mûgûnda makîonaga.

Mika 5:2

Ngai-Mûnene augîte atîrî, “We Bethilehemu Efiratha, nîwe îtûûra rîrîa rînini mûno Juda. Nwatî mûndû ûrîa ûkaathana Isiraeli vandûrî vakwa akaauma kûrî we, na nîwa njiarwa cia methe ma tene.”

Mathaayo 2:6

‘We Bethilehemu vûrûrirî wa Juda, We tîwe mûnini mûno gatagatîrî ka matûûra ma Juda, nîûndû mûtongoria nî akauma kûrî we, ûrîa ûkaarîthia andû akwa a Isiraeli.’ ”

Gûco 25:7

Mûndûmûrûme ûcio angîrega kûvikia mûka wa mûrwang'ina ûcio wakwire, mûndûmûka ûcio watigirwe nîakaathiî kûrî atongoria a îtûûra vau mwîrîgarî na ameere atîrî, ‘Mûrwang'ina na mûthuuriwa nîaregete kûnthambia nîguo rîîtwa rîake rîtikariganîre kûrî andû a Isiraeli.’

Gûco 25:9

mûndûmûka ûcio nîakaaruta mûndû ûcio kîratû kîmwe gîa kûgûrû gwake acoke amûtuîre mata ûthiû mbere ya atongoria a îtûûra na amwîre atîrî, ‘Ûguo nîguo mûndûmûrûme ûrîa ûregete gûciarîra mûrwang'ina ciana ekagwa.’

Ruthu 1:2

Mûndû ûcio etagwa Elimeleku na mûka etagwa Naomi. Nao avîcî ake aîrî metagwa Mahaloni na Kilioni na maarî a mûvîrîga wa Efiratha kuuma îtûûra rîa Bethilehemu vûrûrirî wa Juda. Nîmaathiîre vûrûrirî wa Moabu na magîtûûra kûu.