Ruthu 1:17 - ÎVUKU RÎA ÛVORO MWARO

¹⁷ Kûrîa ûgaakuîra nîkuo ngaakuîra na nwakuo ngaathikwa. Ngai-Mûnene aromverithie kûngîkaagîa ûndû ûngîtûma tûtigane nawe tiga gîkuû.”

Ruthu 1:17 ပူးပေါင်းရင်းမြစ်များ

2Sam 15:21

Nwatî Itai nîwacokerie mûthamaki atîrî, “Mwathi wakwa, nevîta na rîîtwa rîa Ngai-Mûnene, atî vîndî cionthe tûkethagîrwa nawe, wana ethîrwa nî mûtinorî wa gîkuû.”

2Sam 19:13

Daudi nîwacokire akîmeera meere Amasa atîrî, “We ûrî wa nyomba yakwa kuuma ûmûnthî nînagûtua mûnene wa athigari akwa a mbaara vandûrî va Joabu. Ngai arombûraga ethîrwa tî mvingia ûguo.”

2Sam 3:35

Mûthenya wonthe andû nîmaaringîrîrie Daudi arîe irio, nwatî Daudi nîwevîtire na akiuga atîrî, “Ngai arombûraga ethîrwa nîngûrîa kîndû mbere ya gûtuke!”

2Sam 3:9

Ngai-Mûnene arombûraga ethîrwa tîmvingîria Daudi ûrîa Ngai-Mûnene aamwîrîîre na mwîvîtwa, atî nîakaaruta ûthamaki kuuma kûrî Saûlo na njiarwa ciake na atue Daudi mûthamaki wa Isiraeli na Juda, kuuma Dani îtûûra rîrîa rîrî mwena wa rûgûrû nginya Beerisheba îtûûra rîrîa rîrî mwena wa îveti.”

1Atha 13:31

Marîkia gûkîthika, mûrathi ûcio nîwerire avîcî ake atîrî, “Rîrîa ngaakua, mûkaanthika mbîrîrarî îno twathika mwîrî wa mûndû ûyû wa Ngai, na mûkaaiga mavîndî makwa mwenarî wa mavîndî make.

1Atha 19:2

Nake Jezebeli nîwatûmire mûnjaama kûrî Elija akamwîre atîrî, “ngai irombûraga ethîrwa rûyû îthaa ta rîîrî ndikaagwîka wata ûrîa wekire arathi.”

1Atha 2:23

Solomoni nîwacokire akîîvîta na rîîtwa rîa Ngai-Mûnene akiuga atîrî, “Ngai arombûraga na ambîke ûndû mûcûku makîria, ethîrwa tîmbûraga Adonija nîûndû wa ûguo aûrîtie!

1Atha 20:10

kuuma kûrî Benihadadi yaugaga atîrî, “ngai irombûraga ethîrwa îtûûra rîîrî rîa Samaria nî gûgaatigara wanarî mûthetu ûngîkumbatwa ngundi nî andû onthe arîa manûmîrîrîte. Ngaarîcûkangia viû!”

2Atha 6:31

Mûthamaki nîwaugire atîrî, “Ngai-Mûnene arombûraga ethîrwa Elisha tîatinua kîongo ûmûnthî!”

Thaburi 45:10

Tanthikîrîria waro ûrîa ngûkwîra, we mwarî wa mûthamaki, riganîrwa nî andû aku na andû a mûciî wenyu,

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Ruthu 1:16

Nwatî Ruthu nîwerire Naomi atîrî, “Tiga kûningîrîria ngûtige, atî nîguo tûtikathiî nawe, nîûndû kûrîa ûkaathiî nîkuo ngaathiî; na kûrîa ûgaatûûra nîkuo ngaatûûra. Andû enyu nîo magaatuîka andû akwa, nake Ngai waku nîke ûgaatuîka Ngai wakwa.

Ruthu 4:15

Mûka wa mûvîcîguo nîakwendete na nîagwîkîrîte maûndû mengî gûkîra anake mûgwanja. Na rîu nîagûciarîrîte mûndû wa gûkûgaa ûrîa ûgaatûma ûcokwe nî vinya akûmenyagîrîre ûkûrûrî waku.”

1Sam 14:44

Nake Saûlo nîwerire Jonathani atîrî, “Ngai arombûraga ethîrwe we tî ûkua!”

1Sam 20:13

Nwatî ethîrwa arî na mworoto wa gûgwîka ûûru, Ngai-Mûnene arombûraga ethîrwa nîngaarega gûkumbûrîra ûndû ûcio nîguo ûvonoke. Ngai-Mûnene aroîkara nawe wata ûrîa arekaraga na vava.

1Sam 25:22

Ngai arombûraga ethîrwa ndikethîrwa mbûragîte arûme onthe a mûciî wake rûyû mbere ya gûkîe!”

1Sam 3:17

Nake Eli nîwaûririe Samueli atîrî, “Ngai-Mûnene arakwîrire atîa? Mbîra maûndû monthe. Ngai nîagaakûverithia mûno ethîrwa tî ûmbîra maûndû monthe marîa arakwîrire.”