Nthi 31:26 - ÎVUKU RÎA ÛVORO MWARO

²⁶ Aragia na ciugo irî na ûûgî, na nîataaraga andû arîa engî arî na wendo.

Nthi 31:26 ပူးပေါင်းရင်းမြစ်များ

Esita 4:4

Rîrîa ndungata cia Esita cia aka na andû ngaramba arîa mevokeretwe gûtungata nyombarî ya mûthamaki maathiîre makîra Esita ûrîa Moridekai aarî na kîeva kîngî, nîwathînîkire mûno. Esita nîwatûmanire nguo ivirîrwe Moridekai ekîre, vandû va gwîkîra nguo cia macakaya, nwatî Moridekai nîwaregire gwîkîra nguo icio.

Esita 5:8

Ethîrwa nîngwîtîkîrîka nîwe we mûthamaki wakwa, na ethîrwa nîwonete kwagîrîrîte ûvingie îvoya rîakwa, nîrenda we mûthamaki vamwe na Hamani mûkethîrwa mûrî îrugarî rîakwa rûyû rîrîa ngaavarîria nîûndû wenyu. Vîndî îo nîrîo ngaamwîra kîrîa nîrenda.”

Nthi 10:31

Andû arîa athingu maragia maûndû ma ûûgî, nwatî andû arîa maragia maûndû marîa macûku nîmagaacûkangua.

Nthi 12:18

Ciugo njûku iguraragia ta rûviû, nwatî ciugo cia mûndû mûûgî nîivonagia kîronda.

Nthi 16:24

Ciugo mbaro ciîkariî ta ûûkî, nîciîguithagia mwoyo mûrîo na igekîra mwîrî vinya.

Nthi 19:14

Mûndû nwa agae indo na nyomba kuuma kûrî aciari, nwatî mûndûmûka mûûgî avecanagwa nî Ngai-Mûnene.

Nthi 25:15

Gûkirîrîria nwa gûtûme mûthamaki etîkîre ûndû, na mîario ya ûvoreri nwa îtûme thîna ûthire.

Nthi 31:27

Mûndûmûka mwaro nîamenyagîrîra mûciî wake waro, ndethagîrwa arî kîgûûta.

Rwîmbo rwa Nyîmbo 2:14

We wîkariî ta ndutuura îthithîte mwanyarî wa îthiga. Tiga mone ûthiû waku, tiga mbîgue mûgambo waku, nîûndû mûgambo waku ûrî mûrîo, na ûthiû waku nî mûthaka.

Rwîmbo rwa Nyîmbo 4:11

Mîromo yaku îcamaga ta ûûkî, mûviki wakwa, rûrîmî rwaku rûrî na îriia na ûûkî. Mûnungo wa nguo ciaku wîkariî ta mûnungo wa mîtarakwe ya Lebanoni.

Malaki 2:6

Maathomithagia ûvoro wa ma na matianathomithia maûndû ma maveeni. Nie nao twatûûrire tûrî na thayû na marî na mîthiîre mîaro, na makîthomithia andû engî ûvoro wa gûtigana na mevia.

Luka 1:38

Nake Mariamu nîwerire mûraika ûcio atîrî, “Nie nîrî ndungata ya Mwathani, nîmbîkwe wata ûrîa we wauga.” Nake mûraika ûcio nîwamûtigire.

Ciîko 18:26

Ke nîwambîrîre kwaria îvoerorî arî na ûmîrîru. Nwatî vîndî îrîa Pirisila na Akuila maamwîgwire, nîmaamûvirire kwao mûciî na makîmûtaarîria na njîra îno mbaro makîria, ûvoro wîgiî Njîra ya Ngai.

Ciîko 6:15

Nao andû onthe arîa maarî Kîammarî nîmaaroririe Stefano na vinya na makîona ûthiû wa Stefano wîkariî ta wa mûraika.

Aefeso 4:29

Tigagani kwaragia mîario îno mîcûku, nwatî aragiani mîario îrîa mîaro îrî na umithio kûrî andû na ya kûmatethia na kîrîa mavatarîte. Nao andû arîa makegucaga mûkîaria magekagwa waro nî mîario îo.

Akol 4:5

Îthagîrwani mûrî na ûûgî rîrîa mûgwîka maûndû gatagatîrî ka andû arîa matetîkîtie Kristû. Vûthagîrani waro kanya wa konthe karîa mwagîa nako.

1Pet 3:1

Na njîra wata îo, wa namue aka athîkagîrani athuuri enyu, nîguo kûngîthîrwa kûrî na athuuri amwe matetîkîtie kiugo Kîam Ngai, magetîkagia mona mîtugo yenyu. Mûtikethagîrwa mûrî na vata wa kûmeera wa naarî atîa,

Atir 13:23

Nwatî mûka nîwamûcokerie atîrî, “Kethîrwa Ngai-Mûnene nîwendete gûtûûraga, ndangîretîkîrire matega metû na ndangîtwonetie maûndû mama monthe kana atwîra maûndû ta mama.”