Nthi 31:15 - ÎVUKU RÎA ÛVORO MWARO

¹⁵ Aûkagîra tene gûtarî kûrathamburûkana, akarugîra andû ake irio, na akava ndungata ciake wîra.

Nthi 31:15 ပူးပေါင်းရင်းမြစ်များ

2Maû 36:15

Ngai-Mûnene, Ngai wa methe mao nîwatûmanîte kûrî o maita meengî kûvîtûkîra kûrî anjaama ake, nîûndû nîwamegucagîra ntha wa vamwe na hekarû yake.

Nthi 20:13

Ndûgatûmagîre mavinda maku na kûmama nîguo ndûgatuîke mûthîni, vingûra metho na nîûkaagîa na irio nyîngî.

Nthi 31:16

Eciragia kûgûra mûgûnda na akaûgûra, na nîatûmagîra mbeca irîa athûkûmîte kûvanda mîtî ya mîthavibu.

Mûvunjia 9:10

Rutaga wîra waku na vinya yaku yonthe nîûndû kwa arîa akuû gûtirî kûruta wîra, kana gwîciiria, gûtirî ûmenyo kana ûûgî na kûu nîkuo ûthiîte.

Mathaayo 24:25

Tathikîrîriani! Nie namwîra maûndû mama mbere ya mekîke.

Maariko 1:35

Kîraûko macangîa Jesû aramûka, nîwaumire nyomba na akîthiî kûndû gûtaarî na andû kûvoya Ngai.

Luka 12:42

Nake Jesû nîwamûcokerie atîrî, “Ndungata îrîa îvokekete na mbûgî, nî îrîkû? Nî îrîa îvecagwa nî mwathi wayo wîra wa kûrûngamîrîra ndungata irîa ciîngî na wa kûigaîra irio mathaa marîa magîrîrîte.

Aroma 12:11

Rutagani wîra na kîîo na mûtigatuîke igûta; tungatagîrani Mwathani na ngoro cienyu cionthe.

Josh 3:1

Mûthenya ûcio warûmîrîrîte kîraûko tene, Joshua na andû onthe a Isiraeli nîmaaumire Shitimu na makîthiî rûnjîrî rwa Jorodani. Vau nîvo maambire magema mao na makîrara ûtukû wa mûthenya ûcio.