Ntha 9:27 - ÎVUKU RÎA ÛVORO MWARO

²⁷ Nake mûthamaki nîwatûmanîre Musa na Aroni na akîmera atîrî, “Kavinda gaka nie nînjîvîtie, Ngai-Mûnene ekîte ûrîa kwagîrîrîte. Nwatî nie na andû akwa tûrî avîtiu.

Ntha 9:27 ပူးပေါင်းရင်းမြစ်များ

2Sam 12:13

Daudi nîwerire Nathani atîrî, “Nie nîmvîtîrîtie Ngai-Mûnene.” Nake Nathani nîwerire Daudi atîrî, “Ngai-Mûnene nîwakûovera mevia maku, na tîûkua.

2Maû 12:6

Atongoria a Isiraeli vamwe na mûthamaki nîmeenyivirie na magîtîkîra atî nîmevîtie na nî maaugire atîrî, “Ngai-Mûnene ekîte ûrîa kwagîrîrîte.”

Thaburi 129:4

Nwatî Ngai-Mûnene nî mûthingu, nîatinangîtie mînyororo ya andû acio aganu, îrîa maranjovete nayo.”

Thaburi 145:17

Ngai-Mûnene nî mûthingu maûndûrî monthe, na arî ntha maûndûrî monthe marîa ekaga.

Thaburi 9:16

Ngai-Mûnene nîemenyithanîtie na njîra ya gûtuîrîra andû na kîvooto, nao andû arîa aganu nî manyitîtwe nî ciîko cio o ene.

Ntha 10:16

Mûthamaki wa Misiri nîwacokire agîîta Musa na Aroni na îvenya na akîmera atîrî, “Nie nînjîvîtie mbere ya Ngai-Mûnene, Ngai wenyu na ngevia mbere yenyu.

Ntha 10:17

Rîu njoverani wa rîngî na mûvoe Ngai-Mûnene, Ngai wenyu athengutie îverithia rîîrî rîa gîkuû kuuma kûrî nie.”

Ntha 8:25

Mûthamaki wa Misiri nîwacokire agîtûmana Musa na Aroni metwe. Nake nîwamerire atîrî, “Thiî mûkarutîre Ngai wenyu kîgongoona mûrî gûkû vûrûrirî ûyû.”

Ntha 8:8

Nake mûthamaki nîwacokire agîta Musa na Aroni na akîmera atîrî, “Thaithani Ngai-Mûnene arute ciûra ino kuuma kûrî nie na kûrî andû akwa, nanie nî ngûrekereria andû a Isiraeli mathiî makarutîre Ngai-Mûnene kîgongoona.”

Maca 1:18

“Nwatî Ngai-Mûnene arî na kîvooto nîûndû nîndegete kwathîkîra kiugo gîake, nwatî tanthikîrîriani mue andû onthe, taroriani ûrîa nîrathînîka, erîtu na anake akwa nîatave.

Danieli 9:14

Kwoguo we Ngai-Mûnene, Ngai wetû, nîwevarîrie gûtûverithia na ûgîka guo, nîûndû vîndî cionthe wîkaga ûrîa kwagîrîrîte, nwatî tue tûkarega gûkwathîkîra.’

Ndari 21:7

Nao andû nîmaathiîre kûrî Musa na makîmwîra atîrî, “Nîtwîvirie rîrîa tûreganire na Ngai-Mûnene na twaregana nawe. Rîu voya Ngai-Mûnene nîguo atûthengutirie njoka ino.” Kwoguo Musa nîwavoere andû.

Ndari 22:34

Balaamu nîwacokire akîra mûraika ûcio wa Ngai-Mûnene atîrî, “Nînjîvîtie, Ndiraicî atî ûrûngamîte njîrarî ûmvingîrîrie ndikavîtûke. Kwoguo ethîrwa ndûrona kwagîrîrîte nthiî na mbere na rûgendo rûrû, nîngûcoka mûciî.”

Mathaayo 27:4

“Nie nînjîvîtie nîûndû wa gûcukanîrîra mûndû ûtevîtie nîguo aûragwe.” Nao nîmaamûcokerie atîrî, “Tue tûtiramaka nî ûguo, ûcio nî thîna waku.”

Aroma 2:5

Nwatî we ûrî na ngoro nyûmû na nîûregete kwîrira. Kwoguo nîûreîngîvîria îvera rîaku rîrîa rîgaakinya mûthenya ûrîa marakara ma Ngai na îtua rîake rîa ma rîkaguûranîrua.

Aroma 3:19

Na rîu nîtwîcî atî maûndû monthe marîa marî Wathorî nîma andû arîa marî rungu rwa Watho nîguo gûtikaagîe ciîgwatio, nao andû onthe a nthî matuîke a gûcirithua nî Ngai.

Josh 7:20

Akani nîwacokerie Joshua atîrî, “Nî ma nînjîvîtie Ngai-Mûnene, Ngai wa Isiraeli. Nie nekire atîrî,

1Sam 15:24

Nake Saûlo nîwerire Samueli atîrî, “Îî, nie nînjîvîtie. Nînaaregire gwîka ûrîa Ngai-Mûnene ambathîte, wana ûrîa we wambîrîte. Nînetigîre andû akwa na ngîka ûrîa meendaga.

1Sam 15:30

Saûlo nîwacokirie na akiuga atîrî, “Nie nînjîvîtie, nwatî mva gîtîîo mbere ya atongoria a andû akwa a Isiraeli. Tûcoke nawe nîguo ngagooce Ngai-Mûnene, Ngai waku.”

1Sam 26:21

Nake Saûlo nîwacokirie atîrî, “Nie nîmvîtîtie. Coka Daudi mwana wakwa! Ndigaacoka gûgwîka ûûru rîngî, nîûndû nîwamvonokia ûmûnthî. Nie nîrekariî ta kîrimû, na nîmbîkîte ûndû mûcûku mûno.”