Ntha 9:20 - ÎVUKU RÎA ÛVORO MWARO

²⁰ Anene amwe a mûthamaki nîmeetigîrire ûrîa Ngai-Mûnene aaugire. Nao nîmaatonyirie ndîthia ciao nyomba vamwe na ngombo ciao.

Ntha 9:20 ပူးပေါင်းရင်းမြစ်များ

Ntha 7:23

Vandû va ûguo, mûthamaki nîwagarûrûkire na akîthiî gwake nyomba atagwîciria ûvoro ûcio.

Ntha 9:21

Nwatî arîa mataathikîrîria ûrîa Ngai-Mûnene aakananagia nîmaatigire ndîthia ciao wana ngombo nja.

Ntha 9:6

Mûthenya ûcio wîngî Ngai-Mûnene nîwekire ûrîa aaugîte nî ageeka. Nyamû irîa irîthagua mîciî cia andû a Misiri cionthe nîciakuire. Nwatî cia andû a Isiraeli itiakua.

Nthi 13:13

Mûndû ûrîa wîraga mataaro ecaragîria thîna ke mwene, nwatî mûndû ûrîa ûtîîaga maathani ma Ngai nîavecagwa kîveo.

Nthi 16:16

Kûgîa na ûûgî nî waro gûkîra kûgîa na thaavu, nîkava kûthuura ûtaûku gûkîra sîlûva.

Nthi 22:23

nîûndû Ngai-Mûnene nîakaamacirîrîra, na nîagaacuna arîa macunaga athîni na amacune wana mîoyo yao.

Nthi 22:3

Mûndû mûûgî onaga thîna îgîûka akamîûrîra, nwatî mûndû mûritu eviraga thînarî akanyitwa nîyo.

Ahib 11:7

Wîtîkio nîguo watûmire Nuhu athikîrîrie Ngai vîndî îrîa aamûkaanirie ûvoro wîgiî maûndû marîa atoonete. Nîwathîkîre Ngai na agîtuma îtarû rîrîa ke na andû ake maatûmîre nîguo mavonokue. Na ûguo Nuhu eekire nîwonanirie atî andû a nthî maarî acûku. Nîûndû Nuhu nîwetîkirie nîwatuirwe Mûthingu nî Ngai.