Ntha 9:17 - ÎVUKU RÎA ÛVORO MWARO

¹⁷ Nawe nwakwa ûretûgîria na ûkarega andû akwa mathiî.

Ntha 9:17 ပူးပေါင်းရင်းမြစ်များ

Ayubu 40:9

We wî vinya ta nie? Wavota kûruruma na mûgambo ta wakwa?

Ayubu 9:4

Ngai nî mûûgî na arî vinya nyîngî, kûrî mûndû wanakararania nake na akavootana?

Ntha 9:16

Nwatî nie nîndûmîte ûtûûre nîguo wone ûvoti wakwa nayo ngumo yakwa îtambe nthî yonthe.

Ntha 9:18

Rûyû thaa ta ino nîngaatûma kuure mbura ya mbembe îtarî yanonwa Misiri kuuma tene.

Isaia 10:15

Îthanwa nwa rîtîîre mûndû ûrîa ûrarîtûmîra? Mûcumano nwa wîneneverie mûndû ûrîa ûtinagia naguo? Nîkwa rûthanju rûngîambararia mûndû ûrîa ûrûkagîrîria, kana mûragi ûkîrîrie mûndû ûrîa ûûtûmagîra!”

Isaia 26:11

Ûûi Ngai-Mûnene, nîûkîrîrîtie njara yaku ûkîenda kûverithia nthû ciaku, nwatî itirona. Cionie ûrîa wendete andû aku na nîigaaconoka; tiga mwaki wa mang'ûrîka maku ûivîvie.

Isaia 37:29

Nîûndû nîûndakarîrîte, na nîmbîguîte ûvoro wa mwîtîîo waku, nîngwîkîra ndûano yakwa îniûrûrî rîaku, na mbîkîre gîcûvî gîakwa kanyuarî gaku, na ngûcokie na njîra îrîa waûkire nayo.”

Isaia 45:9

Kaî mûndû ûrîa ûgianaga na mûmûmbi nî mûrume-î, ta nyûngû ya yûmba îkîgiana na mûmîûmbi! Yûmba nîrîûragia ûrîa ûmbaga indo narîo kîrîa araûmba? Wana kana rîmwîra atîrî, “Wîra waku tî mwaro!”

Ezek 28:6

“Kwoguo, nie Ngai-Mûnene Ngai mbugîte nîûndû wîyonaga ûrî na ûgî ta ngai,

Danieli 5:20

Nwatî rîrîa aambîrîrie kûgîa na rwetho, na akîûmia ngoro akîgia na mwîtîîo mwîngî, nîwacunirwe ûthamaki, na riiri wake ûkîthira.

Ciîko 12:23

Na nîûndû Herode ndaakumia Ngai, mûraika wa Mwathani nîwatûmire arware wa rîmwe. Herode nîwarîrwe nî igunyû na agîkua.

1Akor 10:22

Nîkwa tûrenda kûrakaria Mwathani kana nîkwa tûreciria atî tûrî na vinya kûmûkîra?