Ntha 8:21 - ÎVUKU RÎA ÛVORO MWARO

²¹ Na ethîrwa tîwîtîkîra, nîngûkûretithîria ngi nyîngî mûno. Nacio ngi icio ikûmbîrîre na ciûmbîrîre anene aku wana andû aku na icoke itonye nyombarî ciaku na nyombarî cia andû a Misiri na vûrûri wonthe wîcûrwe nî ngi.

Ntha 8:21 ပူးပေါင်းရင်းမြစ်များ

Thaburi 105:31

Ngai aathanire na gûkîgîa ngi nyîngî mûno, na vûrûri wonthe nîwecûrirwe nî rwagî.

Thaburi 78:45

Nîwatûmire Misiri kûgîe ngi nyîngî na ikîmathînia, na ciûra irîa ciacûkangirie vûrûri wao.

Ntha 10:6

Nîigaatonya ciîcûre nyomba ciaku, nyomba cia anene aku na cia andû aku onthe a Misiri. Ûndû ûcio wa ngige icio ûkethîrwa ûrî mûcûku mûno atî wana methe menyu ma tene matirî moona ûndû ta ûcio.’ ” Nake Musa nîwavuvatîre mûthamaki wa Misiri na akîthiî.

Ntha 8:20

Ngai-Mûnene nîwacokire akîra Musa atîrî, “Rûyû kîraûko tene ûgaaûkîra ûthiî weterere mûthamaki wa Misiri akîthiî rûnjîrî na ûmwîre atîrî, ‘Tiga andû akwa mathiî nîguo makangooce.

Ntha 8:22

Nwatî Gosheni kûrîa andû akwa matûûraga, gûtikethîrwa kûrî na ngi. Ûndû ûcio nîguo ûgaatûma ûmenye atî Nie Ngai-Mûnene nînie nîraruta wîra vûrûrirî ûyû.

Ntha 8:24

Nake Ngai-Mûnene nîwatûmire mîrumbî mînene ya ngi nyomba kwa mûthamaki na nyombarî cia anene ake na cia andû ake. Naguo vûrûri wonthe wa Misiri nîwacûkangire nîûndû wa ngi.

Isaia 7:18

“Vîndî îo, Ngai-Mûnene nîakaaugia mûrûri ete andû a Misiri maûke ta ngi kuuma kûrîa tûrûnjî twa Nailo tumîte, na Asîria maûke ta njûkî kuuma vûrûrirî wao.