Ntha 8:15 - ÎVUKU RÎA ÛVORO MWARO

¹⁵ Nwatî rîrîa mûthamaki oonire atî ciûra nîikuîte, nîwaûmire ngoro rîngî wata ûrîa Ngai-Mûnene aaugîte na akîrega kûthikîrîria Musa na Aroni.

Ntha 8:15 ပူးပေါင်းရင်းမြစ်များ

Ntha 14:5

Rîrîa mûthamaki wa Misiri eerirwe atî andû a Isiraeli nîmaûrîte, ke vamwe na anene ake nîmeericûkirwe na makiuga atîrî, “Tweka atîa? Twareka andû a Isiraeli maûra na nîtwaûrwa nî ûtungata wao!”

Ntha 4:21

Ngai-Mûnene nîwerire Musa rîngî atîrî, “Wona wacoka Misiri, ûkaaringa ciama cionthe irîa nie ngûvete vinya ûringe mbere ya mûthamaki. Nwatî Nîngaaûmia ngoro ya mûthamaki na ndageetîkîra andû a Isiraeli mathiî.

Ntha 7:4

Mûthamaki wa Misiri ndakaamûthikîrîria. Nanie nîngûretera andû a Misiri îvera rînene na ndongorie andû akwa ciana cia Isiraeli ciume vûrûri wa Misiri. Nîngeka maûndû manene nîguo nduîre vûrûri wa Misiri.

Ntha 8:14

Nao andû a Misiri nîmaaicokanîrîrie vamwe irûndo nene, na vûrûri wonthe ûkînunga nîûndû wacio.

Ntha 8:16

Ngai-Mûnene nîwacokire akîra Musa atîrî, “Îra Aroni aringe nthî na mûragi wake, nîguo rûkûngû ruonthe rwa vûrûri wa Misiri rûtuîke rwagî.”

Ntha 8:28

Kwoguo mûthamaki wa Misiri nîwamerire atîrî, “Nîngûmwîtîkîria mûthiî mûkarutîre Ngai-Mûnene, Ngai wenyu îgongoona werûrî ethîrwa tîmûthiî kûraca. Mvoerani.”

Ntha 8:29

Nake Musa nîwaugire atîrî, “Nathiî nîngûvoya Ngai-Mûnene atî rûyû ngi ikaauma kûrî we, kûrî anene aku na ciume kûrî andû aku. Nwatî ndûgatûvenie rîngî na ndûkaagirie andû a Isiraeli mathiî kûrutîra Ngai-Mûnene îgongoona.”

Ntha 8:32

Nwatî mûthamaki wa Misiri nîwaûmirie ngoro. Îvinda rîu wa narîo nîwaregire gwîtîkîria andû a Isiraeli mathiî.

Ntha 8:8

Nake mûthamaki nîwacokire agîta Musa na Aroni na akîmera atîrî, “Thaithani Ngai-Mûnene arute ciûra ino kuuma kûrî nie na kûrî andû akwa, nanie nî ngûrekereria andû a Isiraeli mathiî makarutîre Ngai-Mûnene kîgongoona.”

Nthi 26:11

Kîrimû kîrîa gîcokagîra ûrimû wakîo, gîkariî ta ngui îrîa îcokagîra matavîka ma yo.

Nthi 29:1

Mûndû ûrîa ûkaanagua ûndû maita meengî akîûmagia kîongo, agaacûkangua wa rîmwe ûndû atangîvona.

Mûvunjia 8:11

Ngoro cia andû ciîthagîrwa ciîvarîrîtie gwîka maûndû marîa macûku nîûndû îverithia rîa ûndû mûcûku rîtiîkagwa na îvenya.

Isaia 26:10

Nwatî wana mûndû mwaganu angîguîrwa ntha, nderutaga gwîka maûndû ma ûthingu; wana rîrîa arî vûrûrirî wa andû arîa athingu, nwa ekaga maûndû ma waganu; na ndakenagua nî ûnene wa Ngai-Mûnene.

Hosea 6:4

Nîmbîka atîa nawe, we Efiraimu? Nîmbîka atîa nawe, we Juda? Wendo wenyu kûrî nie nîta îtu rîa kîraûko, nîta îme rîrîa rîthiraga narua.

Ahib 3:15

Nîûndû Mandîko Matheru maugîte atîrî: “Ûmûnthî mûngîgua mûgambo wa Ngai, mûtikaaûmie ngoro cienyu, ta ûrîa methe menyu meekire rîrîa maareganire na Ngai.”

Ahib 3:8

mûtikaûmie ngoro ta ûrîa methe menyu meekire, rîrîa maareganire na Ngai, ta ûrîa meekariî mûthenya ûrîa maarî werûrî, rîrîa maageririe Ngai.

Kûguû 16:9

Nao nîmaavîvirue nî ûrugarî wa riûa na makîruma Ngai ûrîa ûrî na wathani îgûrû rîa mavera mama. Nwatî nîmaaregire kwîrira na gûkumia ûnene wake.

1Sam 6:12

Nacio ng'ombe icio ikîambîrîria kûthiî irûngîrîrîtie njîra îo yathiîte nginya Bethishemeshi. Nacio ciathiîre ikîanagia itakwîvûgûra mwena wa ûrîo kana wa ûmotho. Nao athamaki a Filisiti nîmaathiîre maciumîte vuva nginya magîkinya mûvakarî wa Bethishemeshi.

1Sam 6:3

Nao athînjîri-ngai na aragûri nîmaacokirie makiuga atîrî, “Ethîrwa nîmûgûcokia îthandûkû rîa Kîrîkanîro rîa Ngai wa Isiraeli-rî, mûtikarîcokie mûtarî na kîveo. Nwanginya mûthiî mûrî na kîveo gîa kûrutîra Ngai kîgongoona nîûndû wa wîvia wenyu. Îo nîyo njîra îrîa mûkaavonua nayo mûmenye gîtûmi kîrîa kîratûmaga ekare akîmûverithagia.”

1Sam 6:6

Mûngîûmia ngoro cienyu ta ûrîa Amisiri na mûthamaki wao maûmirie ciao nîkî? Ngai averithia Amisiri na mûthamaki wa Misiri mûno-î, kinthî matiarekererie Aisiraeli makiuma Misiri na makîthiî?

1Sam 6:9

Namue mwîkare mûkîroretie ûrîa gîkûthiî. Ethîrwa nîkîthiî kîerekerete îtûûra rîa Bethi-shemeshu, ûguo nî kuga atî Ngai wa Aisiraeli. Nî ûtûmîte twîthîrwe tûrî na mathîna mana. Nwatî ethîrwa tî kîthiî kîerekerete îtûûra rîu, nîtûkûmenya atî tîke watûretere mûthiro, nwatî nî ûndû wa gûka wa ûguo tu.”