Ntha 7:23 - ÎVUKU RÎA ÛVORO MWARO

²³ Vandû va ûguo, mûthamaki nîwagarûrûkire na akîthiî gwake nyomba atagwîciria ûvoro ûcio.

Ntha 7:23 ပူးပေါင်းရင်းမြစ်များ

Ayubu 7:17

Mûndû nû nîguo ûrûmbûyanagie nake? Ûtindaga ûkîîthînia nîke nîkî?

Thaburi 62:10

Mûtikaige mwîvoko wenyu varî kûvinyanînîria; mûtikevoke kûgîa na indo na njîra ya gûcuunana na vinya; wana ûtonga wongerereka mûtikaige ngoro cienyu varî guo.

Ntha 7:22

Nao andû arîa maarî na ûûgî wa kûringa ciama a mûthamaki nîmaaringire ciama wanao. Nake mûthamaki nîwaûmirie ngoro wata mbere. Mûthamaki nîwaregire kûthikîrîria Musa na Aroni.

Ntha 7:24

Nao andû onthe a Misiri nîmeenjire ithima ndeererî cia rûnjî rwa Nailo nîûndû manjî kuuma rûnjîrî rwa Nailo matingîanyuîkire.

Ntha 9:20

Anene amwe a mûthamaki nîmeetigîrire ûrîa Ngai-Mûnene aaugire. Nao nîmaatonyirie ndîthia ciao nyomba vamwe na ngombo ciao.

Ntha 9:21

Nwatî arîa mataathikîrîria ûrîa Ngai-Mûnene aakananagia nîmaatigire ndîthia ciao wana ngombo nja.

Nthi 22:17

Vingûra matû wîgue ciugo cia arîa aûgî, thikîrîria wîgue mataaro makwa.

Nthi 24:32

Nînaacokire ngîciria ûvoro wa guo, na ngîthoma ûndû kuumana naguo.

Nthi 28:14

Gûkena nî mûndû ûrîa wîtigagîra Ngai-Mûnene vîndî cionthe, nwatî mûndû wa ngoro nyûmû arîkagîrîria thînarî.

Nthi 29:1

Mûndû ûrîa ûkaanagua ûndû maita meengî akîûmagia kîongo, agaacûkangua wa rîmwe ûndû atangîvona.

Isaia 26:11

Ûûi Ngai-Mûnene, nîûkîrîrîtie njara yaku ûkîenda kûverithia nthû ciaku, nwatî itirona. Cionie ûrîa wendete andû aku na nîigaaconoka; tiga mwaki wa mang'ûrîka maku ûivîvie.

Isaia 47:7

Weîrire atî nîûtûûra wî mûndûmûka mûthamaki tene na tene, na ndweciria maûndû mama ngororî yaku, kana wîciria ûrîa gûgekara mûthiiarî.

Jeremia 36:24

Kûnarî ûguo, mûthamaki kana ndungata ciake megua maûndû mau monthe, matiamaka kana matembûranga nguo ciao nî kîeva.

Jeremia 5:3

We Ngai-Mûnene na kinthî we ndûcaragia kîvooto? We nîûmarivîte nwatî matiîgucaga ûrûrû, we nîûmavîvîtie na mwaki makathira, nwatî nîaregu kûrûngwa. Maûmîtie ngoro gûkîra îthiga; nîmaregete kûvera mevia mao.

Ezek 40:4

Mûndû ûcio nîwambîrire atîrî, “We mûndû, roria waro na ûtege matû wîgue na wîcirie waro ûvoro wa maûndû marîa ngûkwonia. Ûndû ûcio nîguo watûmire ûretwa gûkû. Nwanginya wîre andû a Isiraeli maûndû monthe marîa ûkwona.”

Habakuku 1:5

Ngai-Mûnene arauga atîrî, “Taroria ndûrîrî irîa ikûrigicîrîtie wone, na nîûkûmaka na ûvavûke. Nîûndû nîngwîka ûndû wa ûrî mwoyo, ûndû ûtagetîkia rîrîa ûkerwa guo.

Malaki 2:2

ethîrwa tîmûnthikîrîria na mwonanie na ciîko cienyu atî nîmûmveete gîtîîo, nîngûmûretera kîrumi, na ndûme irathimo cienyu cionthe ituîke kîrumi. Nama nînîirumîte nîûndû ûvoro wa kûndîîa ndûrî ngororî cienyu.

Gûco 32:46

nîwamerire atîrî, “Menyererani mwathîkagîre ciugo irîa namwatha ûmûnthî na mûciîrage ciana cienyu nîguo ivingagie na kinyi ûrîa mawatho mama monthe maugîte irî na wîvokeku.

1Sam 4:20

Na rîrîa aakuvîvîrie gûkua, aka arîa maamûtethagîrîria nîmaamwîrire atîrî, “Îyûmîrîrie! Nîûndû nîwagîa kavîcî!” Nwatî ke ndaamacokeria wanarî ûndû wana kana arûmbûyania na ûvoro ûcio.