Ntha 7:20 - ÎVUKU RÎA ÛVORO MWARO

²⁰ Musa na Aroni nîmeekire wata ûrîa Ngai-Mûnene amaathire. Methorî ma mûthamaki na anene ake, Aroni nîwaûkîrîrie mûragi wake na akîringa manjî ma rûnjî rwa Nailo na manjî monthe nîmaagarûrûkire magîtuîka nthakame.

Ntha 7:20 ပူးပေါင်းရင်းမြစ်များ

2Atha 4:29

Elisha nîwerire Gehazi atîrî, “Îîvarîrie na woce mûragi wakwa na ûthiî naguo. Ûngîcemania na mûndû wa wonthe njîrarî, ndûkamûkethie; na ûngîkethua nî mûndû wa wonthe, ndûkamûketheke. Thiî na wigîrîre mûragi wakwa ûthiûrî wa kaana kau.”

Thaburi 105:29

Nîwagarûrire nyûnjî ciao igîtuîka nthakame, na akîûraga nthamaki ciao cionthe.

Thaburi 78:44

Nîwatûmire manjî magarûrûke magîtuîka nthakame, nîguo andû a Misiri mature manjî ma kûnyua.

Ntha 4:9

Na ethîrwa matigagwîtîkia na njîra ya ciama icio igîrî na marege gûkûthikîrîria, nîûgaatava manjî kuuma rûnjîrî rwa Nailo na ûcoke ûmetûrûre nthî. Manjî mau nîmakaagarûrûka matuîke nthakame.”

Ntha 7:10

Kwoguo Musa na Aroni nîmaathiîre kûrî mûthamaki na magîka wata ûrîa Ngai-Mûnene amaathîte. Aroni nîwaikirie mûragi wake nthî vau mbere ya mûthamaki na anene ake. Naguo nîwagarûrûkire ûgîtuîka njoka.

Ntha 7:21

Nthamaki irîa ciarî rûnjîrî rwa Nailo nîciakwire, na manjî makînunga naaî mûno. Nao andû a Misiri nîmaaremirwe nî kûnyua manjî kuuma rûnjîrî rwa Nailo. Kûndû kuonthe vûrûrirî wa Misiri gwecûrîte nthakame.

Ntha 7:6

Nao Musa na Aroni nîmeekire ûrîa Ngai-Mûnene amaathîte meke.

Habakuku 3:8

We Ngai-Mûnene nî nyûnjî ikûrakarîtie? Nî manjî ma îria makûrakarîtie? Nîwathiîre ûtwîte mbarathi yaku, na ikaari ciaku cia mbaara ûkîvootana.

Kûguû 8:8

Nake mûraika wa kaîrî nîwavuvire karumbeta gake. Nakîo kîndû kîonekaga gîkariî ta kîrîma kînene Kîamvîcaga nî mwaki, nîgîaikirue îriarî. Nakîo gîcunjî kîmwe Kîam ithatû Kîam îria nîgîatuîkire nthakame.