Ntha 7:19 - ÎVUKU RÎA ÛVORO MWARO

¹⁹ Nake Ngai-Mûnene nîwerire Musa atîrî, “Îra Aroni oce mûragi wake na akûnjûre njara yake îgûrû rîa nyûnjî cionthe cia Misiri, mîtaro ya manjî, maria monthe nîguo matuîke nthakame. Nakuo nîgûkaagîa nthakame vûrûri wonthe wa Misiri, indorî irîa ciîkagîrwa manjî cia mbaû wana cia mathiga.”

Ntha 7:19 ပူးပေါင်းရင်းမြစ်များ

Kîam 1:10

Ngai nîwetire nthî nyûmû “Nthî” namo manjî mau maacokanîrîrîte vamwe akîmeta “Îria.” Nake Ngai nîwonire ûndû ûcio ûrî mwaro.

2Atha 4:29

Elisha nîwerire Gehazi atîrî, “Îîvarîrie na woce mûragi wakwa na ûthiî naguo. Ûngîcemania na mûndû wa wonthe njîrarî, ndûkamûkethie; na ûngîkethua nî mûndû wa wonthe, ndûkamûketheke. Thiî na wigîrîre mûragi wakwa ûthiûrî wa kaana kau.”

Ntha 10:12

Ngai-Mûnene nîwacokire akîra Musa atîrî, “Ûkîrîria njara yaku îgûrû rîa vûrûri wa Misiri nîguo ûtûme ngige ciûke kuo. Nacio nîikûrîa kîrîa kîonthe gîkûraga, kîrîa gîatigarire vîndî ya mbura ya mbembe.”

Ntha 10:21

Ngai-Mûnene nîwacokire akîra Musa atîrî, “Ûkîrîria njara yaku îroretie na îgûrû maturî. Na nîgûkûgîa nduma nene mûno îngîvota kûnyitîka na îîgûkunîka vûrûri wonthe wa Misiri.”

Ntha 14:16

Ûkîrîria mûragi waku îgûrû na wambararie njara yaku îgûrû rîa îria. Manjî ma îria nîmakûgaûkana, na andû a Isiraeli nîmakûvota kûvîtûkîra nthî nyûmû.

Ntha 14:21

Musa nîwacokire akîambararia njara yake îgûrû rîa Îria. Nake Ngai-Mûnene nîwatûmire manjî ma îria macokue na vuva nî rûkûngi rûnene rûrîa rûvurutanaga rumîte mwena wa îrathîro. Naruo rûkûngi rûu rwavurutanire ûtukû wonthe na rûgîtûma îria rîtuîke nthî nyûmû. Manjî nîmaagaûkanire.

Ntha 14:26

Ngai-Mûnene nîwacokire akîra Musa atîrî, “Tambûrûkia njara yaku îgûrû rîa Îria, nîguo manjî macokanîrîre makunîkîre andû a Misiri, na ngari ciao cia mbarathi na atwari a cio.”

Ntha 4:9

Na ethîrwa matigagwîtîkia na njîra ya ciama icio igîrî na marege gûkûthikîrîria, nîûgaatava manjî kuuma rûnjîrî rwa Nailo na ûcoke ûmetûrûre nthî. Manjî mau nîmakaagarûrûka matuîke nthakame.”

Ntha 8:16

Ngai-Mûnene nîwacokire akîra Musa atîrî, “Îra Aroni aringe nthî na mûragi wake, nîguo rûkûngû ruonthe rwa vûrûri wa Misiri rûtuîke rwagî.”

Ntha 9:33

Musa nîwaumire varî mûthamaki wa Misiri na akîthiî nja ya îtûûra rînene. Na rîrîa aaûkîrîrie njara ciake na îgûrû akîvoya Ngai-Mûnene, ngwa na mbura ya mbembe nîyatigire kuura gûkû nthî.

Isaia 19:10

Itugî cia vûrûri nîikaaunangwa, na aruti wîra wa kîvarûa nî makegua kîeva.

Isaia 5:25

Kwoguo Ngai-Mûnene nî mûrakaru nî andû ake, nîatambarûkîtie njara yake akamaûraga. Irîma nîithingithîte, na ciimba cia andû arîa maûragîtwe ciîkariî ta ndagara njîrarî. Kûnarî ûguo, marakara make matiathira, nwatî nwa atambarûkîtie njara amaverithie.

Habakuku 3:8

We Ngai-Mûnene nî nyûnjî ikûrakarîtie? Nî manjî ma îria makûrakarîtie? Nîwathiîre ûtwîte mbarathi yaku, na ikaari ciaku cia mbaara ûkîvootana.