Ntha 7:17 - ÎVUKU RÎA ÛVORO MWARO

¹⁷ Ngai-Mûnene auga atî nîûkûmenya ke nîke ûû na njîra ya ûndû ûrîa agwîka. Nie nîngûringa manjî ma rûnjî rwa Nailo na mûragi ûyû na nîmakûgarûrûka matuîke nthakame.

Ntha 7:17 ပူးပေါင်းရင်းမြစ်များ

1Atha 20:28

Mûndû wa Ngai ûmwe nîwathiîre kûrî mûthamaki Ahabu na akîmwîra atîrî, “Ngai-Mûnene arauga atî: ‘nîûndû Asîria maugîte atî nie nî ngai ya irîma na tî wa ciandarî, nîngûkûvotithia kûvoota andû acio eengî ûguo na nîmûkaamenya atî nînie Ngai-Mûnene.’ ”

2Atha 19:19

Kwoguo we Ngai-Mûnene Ngai wetû, nakûthaitha ûtûvonokie kuuma kûrî andû a Asîria, nîguo andû a mothamaki monthe ma nthî mamenye atî we Ngai-Mûnene tu, nîwe Ngai.”

Thaburi 105:29

Nîwagarûrire nyûnjî ciao igîtuîka nthakame, na akîûraga nthamaki ciao cionthe.

Thaburi 78:44

Nîwatûmire manjî magarûrûke magîtuîka nthakame, nîguo andû a Misiri mature manjî ma kûnyua.

Thaburi 83:18

Tiga mamenye atî we wenga nîwe Ngai-Mûnene, nîwe wathanaga nthî yonthe.

Thaburi 9:16

Ngai-Mûnene nîemenyithanîtie na njîra ya gûtuîrîra andû na kîvooto, nao andû arîa aganu nî manyitîtwe nî ciîko cio o ene.

Ntha 1:22

Mûthiiarî mûthamaki nîwavecanire watho kûrî andû ake onthe akiuga atîrî, “Kaana wa konthe ga kavîcî gagaciaragwa nî aka a Ahibirania mûgagaikagia rûnjîrî rwa Nailo, nwatî twana tuonthe twa twîrîtu mûkareka tûtûûre.”

Ntha 10:2

Mue nîmûkaavota kwîra ciana cienyu wana ciana ciao maûndû ma vinya marîa nekire na ciama irîa naringîre andû a Misiri. Na mue muonthe nîmûkaamenya atî nie nînie Ngai-Mûnene.”

Ntha 4:9

Na ethîrwa matigagwîtîkia na njîra ya ciama icio igîrî na marege gûkûthikîrîria, nîûgaatava manjî kuuma rûnjîrî rwa Nailo na ûcoke ûmetûrûre nthî. Manjî mau nîmakaagarûrûka matuîke nthakame.”

Ntha 5:2

Nake mûthamaki nîwaûririe atîrî, “Ngai-Mûnene nîke ûû, na nînîmûthikîrîria nîkî na mbîtîkîrie andû a Isiraeli mathiî? Nie ndiîcî Ngai-Mûnene ûcio na ndingîtîkîria andû a Isiraeli mathiî.”

Ntha 6:7

Nîngaamûtua andû akwa, nanie nduîke Ngai wenyu. Mue nîmûkaamenya atî nie nî nie Ngai-Mûnene, Ngai wenyu vîndî îrîa ngaamûruta ûkomborî vûrûrirî wa Misiri.

Ntha 7:20

Musa na Aroni nîmeekire wata ûrîa Ngai-Mûnene amaathire. Methorî ma mûthamaki na anene ake, Aroni nîwaûkîrîrie mûragi wake na akîringa manjî ma rûnjî rwa Nailo na manjî monthe nîmaagarûrûkire magîtuîka nthakame.

Ntha 7:5

Rîrîa ngaakûnjûra njara yakwa îmaûkîrîre na ndute andû a Isiraeli vûrûrirî wao, nîrîo andû a Misiri makaamenya atî nie nînie Ngai-Mûnene.”

Ezek 25:17

Nîngaamaverithia nîrî na marakara mûno na nîmakaamenya atî nie nînie Ngai-Mûnene.”

Ezek 29:9

Vûrûri wa Misiri ûgaatuîka werû ûtarî kîndû, na nîmakaamenya atî nie nînie Ngai-Mûnene. “Waugire atî Rûnjî rwa Nilo nî rwaku na nîwe warûmbire,

Ezek 30:19

Ûguo nîguo ngaaverithia Misiri, nao nîmakaamenya atî, nie nînie Ngai-Mûnene.”

Ezek 30:8

Rîrîa ngaakia mwaki kûu Misiri na mbûrage arîa onthe mamatethagia, nîmûkaamenya atî nie nînie Ngai-Mûnene.

Ezek 32:15

Rîrîa ngaatûma vûrûri wa Misiri wanangîke na ûtuîke werû, na indo ciao cionthe itavwe na ndûme andû akuo onthe maûragwe, nîmakaamenya atî nie nînie Ngai-Mûnene.

Ezek 32:6

Nîngaatûma nthî îcûre nthakame yaku nginya irîmarî, na nyûnjî ciîcûre nthakame yaku.

Ezek 38:23

Kwoguo, mavûrûri meengî nîmakaamenya atî, nie nînie Ngai-Mûnene na nîngoonania ûnene na ûtheru wakwa kûrî ndûrîrî nyîngî.”

Ezek 39:28

Nao nîmakaamenya atî nînie Ngai-Mûnene Ngai wao, nîûndû nînatûmire mavirwe îthamîriorî. Rîu nîmacoketie vûrûrirî wao na gûtirî mûndû wanarî ûmwe wao ûtigîtwe na vuva.

Danieli 4:17

Îtua rîîrî rîathanirwe kûvîtûkîrîra kûrî mûrangîri ûrîa mûvinyaru. Kwoguo andû onthe a nthî nîmamenye atî Ûrîa ûrî Îgûrû Mûno nîke wathaga mothamaki na andû, na nîke ûvecanaga ûthamaki kûrî mûndû ûrîa akwenda, wana ethîrwa nî mûndû ûrîa ûtarî îgweta.”

Danieli 4:32

We nîûkengatwa ume kûrî andû, ûthiî mûgatûûrage na nyamû cia kîthaka. Ûkaarîcaga nyaki ta ndegwa îvinda rîa mîaka mûgwanja. Vîndî îo nîûkaamenya, atî Ngai Ûrîa ûrî Îgûrû Mûno nîke ûrî vinya îgûrû rîa mothamaki monthe ma nthî na nîavecaga mûndû wa ûrîa akwenda ûthamaki.”

Danieli 4:37

Na rîu, nie Mûthamaki Nebukadinezarû, nînîragooca, ngakumia na ngava Mûthamaki wa îgûrû riiri, nîûndû mawîra make monthe nî ma kîvooto, njîra ciake nî cia ma, na nîanyivagia arîa etîi.

Danieli 5:21

Nîwarutirwe gatagatîrî ka andû namo meciria make nîmaagarûrûkire magîtuîka ta ma nyamû. Ke aatûûranagia na nyûmbû, aarîcaga nyaki ta ndegwa, na aararaga nja akîrivagwa nî îme, nginya rîrîa atî Ngai Ûrîa ûrî Îgûrû mûno nîke wathaga mothamaki ma andû na nîke ûthuuraga ûrîa akwenda athanage mothamakirî mau.

Danieli 5:23

Vandû va ûguo, we nîûreganîte na Ngai-Mûnene wa îgûrû; na indo kuuma hekarûrî yake nîiretetwe kûrî we. We na atongoria aku, aka aku, na aka aku a kwiga mwacoka mwanyuîra ndivei indorî icio, na mwambîrîria gûkumia ngai irîa ciûmbîtwe na thaavu, sîlûva, gîcango, cuuma, mûtî na mathiga; irîa itangîona, ciîgua kana imenya ûndû. Nwatî we nîûregete gûtîîa Ngai ûrîa ûkûvecaga mwoyo na ûrîa ûrûmbûyagia maûndû maku monthe.

Kûguû 11:6

Aira acio marî na ûvoti wa kûgiria mbura yure kavindarî karîa methagîrwa makîanîrîra ndûmîrîri ya Ngai. O marî na ûvoti wa kûgarûra manjî magatuîka nthakame, na wa gûtûma kûgîe na mathîna ma mîthemba mîîngî gûkû nthî maita meengî wa ûrîa mangîenda.

Kûguû 8:8

Nake mûraika wa kaîrî nîwavuvire karumbeta gake. Nakîo kîndû kîonekaga gîkariî ta kîrîma kînene Kîamvîcaga nî mwaki, nîgîaikirue îriarî. Nakîo gîcunjî kîmwe Kîam ithatû Kîam îria nîgîatuîkire nthakame.