Ntha 7:10 - ÎVUKU RÎA ÛVORO MWARO

¹⁰ Kwoguo Musa na Aroni nîmaathiîre kûrî mûthamaki na magîka wata ûrîa Ngai-Mûnene amaathîte. Aroni nîwaikirie mûragi wake nthî vau mbere ya mûthamaki na anene ake. Naguo nîwagarûrûkire ûgîtuîka njoka.

Ntha 7:10 ပူးပေါင်းရင်းမြစ်များ

Thaburi 135:9

Nîke waringire ciama na morirû Misiri, nîguo averithie mûthamaki wa Misiri na ndungata ciake cionthe.

Ntha 12:28

Nao andû acio nîmaathiîre na magîka wata ûrîa Ngai-Mûnene aathîte Musa na Aroni.

Ntha 4:3

Nake Ngai-Mûnene nîwamwîrire atîrî, “Gaikie nthî.” Rîrîa Musa aagaikirie nthî, nîkaagarûrûkire na gagîtuîka njoka. Nake Musa nîwaûrire akiuma varî njoka îo.

Ntha 7:15

Kwoguo rûyû kîraûko, ûgooca mûragi waku ûrîa wagarûrûkire ûgîtuîka njoka ûthiî naguo rûtererî rwa rûnjî rwa Nailo. Thiî ûgeeterera mûthamaki wa Misiri vau nîûndû nîakaathiî rûnjîrî rwa Nailo kîraûko.

Ntha 7:20

Musa na Aroni nîmeekire wata ûrîa Ngai-Mûnene amaathire. Methorî ma mûthamaki na anene ake, Aroni nîwaûkîrîrie mûragi wake na akîringa manjî ma rûnjî rwa Nailo na manjî monthe nîmaagarûrûkire magîtuîka nthakame.

Ntha 7:6

Nao Musa na Aroni nîmeekire ûrîa Ngai-Mûnene amaathîte meke.

Ntha 7:9

“Ethîrwa mûthamaki nwa ende mwîmenyithanie kûrî ke na njîra ya kûringa Kîamma, thiî ûkera Aroni oce mûragi wake na awikie vau nthî mbere ya mûthamaki. Mûragi ûcio nîûgaatuîka njoka.”

Amosi 9:3

Wana mangîkeethitha kîrîmarî gîa Karimeli îgûrû, nîngamacaria nîmarute kuo. Wana mangîkeethitha kûraca nanie îriarî kûrîa kûrikîru mûno, nîngaatha njoka îrîa îtûûraga îriarî îmarûme.

Maariko 16:18

Na mangîkaanyita njoka kana manyue ûrogi, itikaamacûkia. Nîmakaaigîrîra arwaru njara na mavone.”

Luka 10:19

Rîu nie nînamûva ûvoti wa kûthiî mûgîkinyangaga ciîmvuva wana tûng'aurû, na ûvoti wa kûvoota maavinya monthe ma ngoma na gûtirî kîndû gîkaamwîka naaî.