Ntha 6:26 - ÎVUKU RÎA ÛVORO MWARO

²⁶ Aroni na Musa nîo Ngai-Mûnene eerire atîrî, “Tongoriani andû a Isiraeli maume vûrûri wa Misiri.”

Ntha 6:26 ပူးပေါင်းရင်းမြစ်များ

Kîam 2:1

Ngai nîwarîkirie kûmba nthî na indo cionthe irîa irî kuo.

1Maû 6:3

Amuramu aarî na avîcî aîrî. Nao maarî: Aroni na Musa, na aarî na mwîrîtu ûmwe wetagwa Miriamu. Aroni aarî na avîcî ana. Nao maarî: Nadabu, Abihu, Eleazaru, na Ithamaru.

Thaburi 77:20

Watongoririe andû aku ta ûrîa mûrîthi atongoragîria ndîthia, matongoretue nî Musa na Aroni.

Thaburi 99:6

Musa na Aroni maarî amwe a athînjîri-Ngai ake, Samueli wanake aarî ûmwe wa arîa maamûvoire; nîmaakaîre Ngai-Mûnene na nîwamegwire.

Ntha 12:17

Kûngûagîrani kîrugo Kîam mîgate îtarî mîkîre ndawa ya kwimbia, nîûndû mûthenya ûyû nîguo naarutire mîvîrîga yenyu vûrûri wa Misiri. Kwoguo njiarwa cienyu igaakûngûagîra kîrugo gîkî mûthenyarî ûyû.

Ntha 12:41

Na mûthenya ûcio mîaka magana mana na mîrongo îthatû yakinyire andû a Isiraeli nîmaaumire vûrûri wa Misiri.

Ntha 12:51

Na mûthenya ûcio Ngai-Mûnene nîwarutire andû a mîvîrîga ya Isiraeli vûrûri wa Misiri.

Ntha 13:18

Vandû va ûguo Ngai aamatongoririe na njîra îrîa îthiûrûrûkîte werû îthiîte îriarî îtune. Nao andû a Isiraeli maaumire vûrûri wa Misiri mevarîrîtie na indo cia mbaara.

Ntha 20:2

“Nînie Ngai-Mûnene, Ngai waku ûrîa wakûrutire vûrûri wa Misiri kûrîa warî ûkomborî.

Ntha 32:1

Rîrîa andû a Isiraeli moonire atî Musa nîwekara mûno atacokete kuuma kîrîmarî, nîmaagomanire varî Aroni na makîmwîra atîrî, “Ûkîra ûtûrûthîre ngai îrîa îgaatûtongoragia nîûndû tûtiîcî ûrîa gwîkîkîte kûrî Musa ûrîa watûrutire vûrûri wa Misiri.”

Ntha 32:11

Nwatî Musa nîwathaithire Ngai-Mûnene, Ngai wake na akiuga atîrî, “Ngai-Mûnene, ûrarakara ûguo nîkî nî andû aku arîa warutire vûrûri wa Misiri na vinya na ûvoti mwîngî?

Ntha 32:7

Ngai-Mûnene nîwerire Musa atîrî, “Nyûrûrûka narua nîûndû andû aku arîa warutire vûrûri wa Misiri nîmevîtie na makaregana nanie.

Ntha 6:13

Nwatî Ngai-Mûnene nîwathire Musa na Aroni akîmera atîrî, “Îrani andû a Isiraeli na mûthamaki wa Misiri atî nie nînîmwathîte mûtongorie andû a Isiraeli maume Misiri.”

Ntha 6:20

Amuramu nîwavikirie Jokibedi mwarwang'ina na îthe, na nîwaciarire Aroni na Musa. Amuramu atûûrire mwoyo mîaka îgana rîmwe rîa mîrongo îthatû na mûgwanja (137).

Ntha 6:7

Nîngaamûtua andû akwa, nanie nduîke Ngai wenyu. Mue nîmûkaamenya atî nie nî nie Ngai-Mûnene, Ngai wenyu vîndî îrîa ngaamûruta ûkomborî vûrûrirî wa Misiri.

Ntha 7:4

Mûthamaki wa Misiri ndakaamûthikîrîria. Nanie nîngûretera andû a Misiri îvera rînene na ndongorie andû akwa ciana cia Isiraeli ciume vûrûri wa Misiri. Nîngeka maûndû manene nîguo nduîre vûrûri wa Misiri.

Mika 6:4

Nie nînaamûrutire vûrûri wa Misiri, na ngîmûkûûra kuuma ûkomborî. Nînaamûtûmîre Musa, Aroni, na Miriamu mamûtongorie.

Ndari 33:1

Ûyû nîguo mûtaratara wa marîîtwa ma kûndû kûrîa andû a Isiraeli maambaga magema mao marî rûgendorî rwa kuuma Misiri kûringana na mîvîrîga yao matongoretue nî Musa na Aroni.

Josh 24:5

Vuvarî nînatûmire Musa na Aroni Misiri. Nînaaretithîrie andû a Misiri mathîna na njîra ya maûndû marîa nekire gatagatîrî kenyu. Nwatî nînaamarutire kuo.

1Sam 12:6

Samueli nîwathiîre na mbere kwîra andû atîrî, Ngai-Mûnene ûrîa wathuurire Musa na Aroni na nîke warutire methe menyu ma tene vûrûrirî wa Misiri nîke mûira.

1Sam 12:8

Rîrîa Jakovu na andû a mûciî wake maathiîre Misiri nao andû a Misiri makîmakînyîrîria, methe menyu ma tene nîmaathaithire Ngai-Mûnene nîguo amatethie. Nake Ngai-Mûnene nîwatûmire Musa marî na Aroni, arîa maatongoretie methe menyu ma tene makiuma Misiri, na magîûka gûtûûra vûrûrirî ûyû.