Ntha 6:12 - ÎVUKU RÎA ÛVORO MWARO

¹² Nwatî Musa nîwacokirie atîrî, “Ethîrwa andû a Isiraeli tîmanthikîrîria, nake mûthamaki angînthikîrîria atîa? Nie ndiîcî kwaria waro.”

Ntha 6:12 ပူးပေါင်းရင်းမြစ်များ

Ntha 3:11

Nwatî Musa nîwerire Ngai atîrî; “Nie nîrî û atî nîguo nthiî kûrî mûthamaki ngarute andû a Isiraeli maume Misiri?”

Ntha 3:13

Nake Musa nîwerire Ngai atîrî; “Nîngîthiî kûrî andû a Isiraeli nîmere, ‘Ngai wa methe menyu ma tene nîke ûndûmîte kûrî mue’, na mambûrie, ‘Ke etagwa atîa?’ Ngaameera atîa?”

Ntha 4:1

Musa nîwacokerie Ngai-Mûnene atîrî, “Ethîrwa andû a Isiraeli tîmambîtîkia na tîmathikîrîria ûrîa ngûmera na mauge ndûnanyumîrîra, nie ngeka atîa?”

Ntha 4:10

Nwatî Musa nîwaugire atîrî, “Ngai-Mûnene, we Mwathani wakwa, ndûkandûme nie. Ndicî kwaria waro kuuma tene, wana kuuma vîndî îrîa wambîrîrie kûmbarîria na nînyenyaga.”

Ntha 6:13

Nwatî Ngai-Mûnene nîwathire Musa na Aroni akîmera atîrî, “Îrani andû a Isiraeli na mûthamaki wa Misiri atî nie nînîmwathîte mûtongorie andû a Isiraeli maume Misiri.”

Ntha 6:30

Nwatî Musa nîwacokerie Ngai-Mûnene atîrî, “We nîwicî atî nie ndicî kwaria waro na mûthamaki tîanthikîrîria.”

Ntha 6:9

Nake Musa nîwerire andû a Isiraeli maûndû mau monthe, nwatî matiamûthikîrîria, nîûndû nîmaathirîtue vinya nî ûkombo mûcûku ûrîa maarî naguo.

Isaia 6:5

Kwoguo nînaugire atîrî, “Kaî nîrî na thîna-î! Nînathira, nîûndû mîromo yakwa tî mîtheru na ndûûranagia na andû matarî atheru. Kûnarî ûguo, nîmonete Mûthamaki, Ngai-Mûnene, mwene vinya wonthe!”

Jeremia 1:6

Nînacokire ngiuga atîrî, “Ûûi, Mwathani Ngai-Mûnene! Taroria, nie ndiîcî kwaria na nîûndû nîrî mûndû mwîthî.”

Jeremia 6:10

Nîngîaria na û nîguo nîmakaanie mambîgue? Taroria nîmavingîte matû mao nîguo matikegue, kiugo Kîam Ngai-Mûnene kûrî o nî kîndû gîa kûnyararwa, matikenagua nî kîo.

Jeremia 9:26

Misiri, Juda, Edomu, njiarwa cia Amoni, Moabu na andû onthe arîa matûûraga werûrî na menjaga njuîrî ciao igakuvîva mîena. Andû a ndûrîrî ino cionthe na andû onthe a Isiraeli tî aruu ngororî.”

Alawi 26:41

Nînaareganire nao na ngîmavira îthamîriorî vûrûrirî wa nthû ciao. Mûthiiarî ethîrwa njiarwa cienyu nîikenyivia na ciîrire itige kwîvia,

Ciîko 7:51

Nake Stefano nîwathiîre na mbere na kwaria akiuga atîrî: “Na kaî mue andû aya mûrî aûmû ngoro-î! Atî mue mûtirenda gwîtîkia Ngai wana kana kûthikîrîria ndûmîrîri yake! Atî vîndî cionthe mue nîkwa mûregaga kûthikîrîria Roho Mûtheru. Mue mûreka wata ûrîa methe menyu ma tene meekire.

Gûco 30:6

Ngai-Mûnene, Ngai wenyu nîakaamûva, mue na njiarwa cienyu ngoro îrî na wathîki nîguo mûmwende na ngoro yonthe, na mûthiî na mbere gûtûûra îvinda îraca vûrûrirî ûcio.