Ntha 40:10 - ÎVUKU RÎA ÛVORO MWARO

¹⁰ Ûcoke wamûrîre Ngai-Mûnene metha ya kîgongoona ya kûvîvîrua matega wa vamwe na indo ciayo cionthe. Metha îo nîgaatuîka ntheru mûno.

Ntha 40:10 ပူးပေါင်းရင်းမြစ်များ

Ntha 30:29

Ûguo nîguo ûkaamûra indo icio, nacio nîikaathera viû. Na mûndû wa wonthe kana kîndû wa kîonthe gîkaaivutia nîgîgaatuîka kîtheru.

Ntha 40:11

Ûtherie kîraî gîa kwîthambîria wanakîo na vandû va gûkigîrîra wata guo.

Isaia 11:2

Nîagecûrwa nî Roho wa Ngai-Mûnene, roho wa ûûgî na ûtaûku; roho wa ûtaarani na vinya, roho wa ûmenyo na gwîtigîra Ngai-Mûnene.

Isaia 61:1

Roho wa Mwathani Ngai-Mûnene ûrî nanie, nîûndû ke nîanthuurîte na akambîtîrîria maguta, nîguo mvirîre arîa akinyîrîrie Ûvoro Mwaro, ngaûmîrîrie arîa makuîte ngoro, nganîrîre kûrî arîa anyite atî nîmarekererua, nao arîa movetwe njeera nîmamenyithie atî nîmovorwa.

Alawi 6:17

Ndûkaarugwa wîkîrîtwe ndawa ya kwimbia. Nîmavete guo ûrî gacunjî gakwa ka matega makwa ma kûvîvua. Nî katheru mûno ta îtega rîa kûtheria wîvia na ta îtega rîa kûthiria mavîtia.

Alawi 8:11

Nîwocire maguta mamwe na akîmaminjaminja maita mûgwanja îgûrû rîa metha ya kîgongoona vamwe na karaî na varîa kaaigagîrîrwa, nîguo aciamûrîre Ngai-Mûnene.

Luka 1:35

Nake mûraika nîwamûcokerie atîrî, “Roho Mûtheru nîagûka kûrî we, naguo vinya wa Ngai ûrîa ûrî Îgûrû Mûno nîûgaagûkunîkîra ta kîruru. Kwoguo mwana ûcio ûgaaciarwa akethîrwa arî mûtheru na ageetagwa Mûriû wa Ngai.

Johana 17:19

Na nîûndû wao nie nînîyamûrîte ngûtungatîre nîguo wa nao meyamûre magûtungatîre na ma.

Johana 3:34

Ûrîa ûtûmîtwe nî Ngai aragia ciugo cia Ngai nîûndû Ngai nîavecaga mûndû Roho atakûthimîrîra.

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Ahib 7:26

Jesû nî Mûthînjîri-Ngai mûnene ûrîa ûtûvingagîria mavataro metû. Ke nî mûtheru, ndarî ûcuke na ndevagia. Ke nîwamûrîtwe kuuma kûrî evia na Ngai nîamûvirîte îgûrû mûno.