Ntha 4:24 - ÎVUKU RÎA ÛVORO MWARO

²⁴ Marî vandû varîa maararîrîrîte njîrarî ya kûthiî Misiri, Ngai-Mûnene nîwathiîre kûrî Musa na akîgeria kûmûraga arî varîa aamamîte.

Ntha 4:24 ပူးပေါင်းရင်းမြစ်များ

Kîam 17:14

Mûndûmûrûme wa wonthe ûtarî mûruu, ndakethagîrwa arî ûmwe wa andû akwa nîûndû ke tî mûvingiu kîrîkanîro gîakwa.”

Kîam 42:27

Marî varîa maararire, ûmwe wao nîwatumûrire ngunia yake nîguo arûmie mvunda yake irio. Rîrîra aaroririe, nîwonire mbeca ciake irî vau mûromorî wa ngunia.

1Atha 13:24

nîwamîtwîre na akîthiî. Arî njîrarî, nîwatûnganire na mûnyambû na ûkîmûraga. Kimba gîake nîkîamamire njîrarî, nayo mvunda na mûnyambû ikîrûngama mîenarî yakîo.

1Maû 21:16

Daudi nîwonire mûraika wa Ngai-Mûnene arûngamîte rîerarî gatagatî ka nthî na îgûrû agwete rûviû na njara rûrî rûcomore njûrarî na rûkîrîrîtue îgûrû rîa Jerusalemu. Daudi na athuuri, mekîrîte nguo cia macakaya nîmegwîthirie na magîturumithia mothiû mao nthî.

Ntha 3:18

“Andû akwa nîmakaathikîrîria ûrîa ûkaamera. Nawe, vamwe na atongoria a andû a Isiraeli nîmûkaathiî kûrî mûthamaki wa Misiri mûmwîre atîrî, ‘Ngai-Mûnene, Ngai wa Ahibirania nîatumîrîrîte. Rîu, twîtîkîrie tûthiî rûgendo rwa mîthenya îthatû werûrî nîguo tûkarutîre Ngai-Mûnene, Ngai wetû magongoona.’

Hosea 13:8

Nînîmûrûgîra ta Kîamthi gîcunîtwe twana twakîo, Nînîmûtarûranga ithûri cienyu ta mûnyambû na nîmûrîe vau vau. Nînîmûtarûranga inuku ta ûrîa nyamû ya kîthaka îkaga.

Alawi 10:3

Musa nîwacokire akîra Aroni atîrî, “Ûguo nîguo Ngai-Mûnene aaugire atî, ‘Andû onthe arîa mandungataga marî athînjîri-Ngai nwanginya mandîîage nîûndû wa ûtheru wakwa, na nîngoonania riiri wakwa kûrî andû onthe a Isiraeli.’ ” Nwatî Aroni ndaagamba.