Ntha 4:13 - ÎVUKU RÎA ÛVORO MWARO

¹³ Nwatî Musa nîwacokirie atîrî, “We Mwathani wakwa, nîngûkûthaitha ûtûme mûndû wîngî.”

Ntha 4:13 ပူးပေါင်းရင်းမြစ်များ

Kîam 24:7

Ngai-Mûnene, Ngai wa îgûrû nîwandutire mûciî kwa vava kûrîa naciarîrwe na nîwevîtire na akîmbîra atî nîakaava njiarwa ciakwa vûrûri ûyû. Ngai ûcio nîagaatûma mûraika wake athiî mbere yaku, nîguo wonere mûvîcîwa mûndûmûka kuuma kuo.

Kîam 41:35

Kwoguo maathe maûnganie irio icio cionthe mîaka îo ya maketha yûkîte na maciige matûûrarî na mairangîre.

Kîam 48:16

Mûraika ûrîa wamvonokirie kuuma mîtinorî yonthe arotûrathima! Rîîtwa rîakwa na marîîtwa ma methe makwa Iburahimu na Isaka marotûûrua na njîra ya twana tûtû! Twana tûtû tûrogîa na ciana nyîngî na njiarwa nyîngî!”

1Atha 19:4

na akîthiî werûrî rûgendo rwa mûthenya mûgima. Nîwakinyire vandû vaarî na mûtî na agîkara nthî kîrururî Kîamguo, nîwerirîrie gûkua na akîvoya atîrî, “Rîu Ngai-Mûnene maûndû mau monete nîmeganu, wana nî kava nguîte ta methe makwa ma tene!”

Ntha 23:20

“Atîrî, nîngûtûma mûraika athiî mbere yenyu, amûgitagîre rûgendorî na amûkinyie kûrîa nîmûvarîrîtie.

Ntha 4:1

Musa nîwacokerie Ngai-Mûnene atîrî, “Ethîrwa andû a Isiraeli tîmambîtîkia na tîmathikîrîria ûrîa ngûmera na mauge ndûnanyumîrîra, nie ngeka atîa?”

Ntha 4:12

Thiî rîu! Nîngaagûtethia kwaria na nîngaakwîra ûrîa ûkaauga.”

Ntha 4:14

Nake Ngai-Mûnene nîwarakarire nî Musa akîmûria atîrî, “Na kinthî mûrwanyûkwe Aroni ûrîa Mûlawi ndarî vo? Nîmbicî atî nwa amenye kwaria waro. Ke nî aûkîte gûgûtûnga na akwona nî agûkena.

Jeremia 1:6

Nînacokire ngiuga atîrî, “Ûûi, Mwathani Ngai-Mûnene! Taroria, nie ndiîcî kwaria na nîûndû nîrî mûndû mwîthî.”

Jeremia 20:9

Nînacokire ngiuga atî: “Ndikamûgweta, kana mbaria rîngî ngîgwetaga rîîtwa rîake,” ngororî yakwa îthagîrwa îgîakana ta mwaki, ûvingîrîtwe mavîndîrî makwa. Nîngeragia mûno ndûkaume kuo nwatî nînemagwa.

Jona 1:3

Jona nîwambîrîre rûgendo, nwatî aanyitire njîra erekerete Tarishishi nîguo aûrîre Ngai-Mûnene. Nîwathiîre nginya Jopa, kûrîa eethîrîrie meri îmwe îrî vakuvî kûthiî Tarishishi. Kwoguo nîwarîvire mbeca cia rûgendo na agîtwa merirî na makîthiî Tarishishi na andû acio engî, nîguo aûrîre Ngai-Mûnene.

Jona 1:6

Mûtwarithia wa meri nîwathiîre kûrî ke na akîmûria atîrî, “Ûngîvota kûmama ûguo atîa? Ûkîra ûvoye ngai waku! Ngai waku avota gûkwîguîra ntha na agatûvonokia tûtigakue.”

Mathaayo 13:41

Mûrû wa Mûndû nîagaatûma araika ake makaûnganie andû onthe arîa matûmaga andû mevie na arîa aganu nîguo maume ûthamakirî wake.

Johana 6:29

Nake Jesû nîwamacokerie atîrî, “Ûndû ûrîa Ngai endaga mwîke nî gwîtîkia mûndû ûrîa ke aatûmire.”

Atir 2:1

Mûraika wa Ngai-Mûnene nîwathiîre Bokimu aumîte Giligali na akîra Aisiraeli atîrî, “Naamûrutire Misiri na ngîmûrete vûrûrirî ûrîa nerîîre methe menyu ma tene na mwîvîtwa atî nîngaamava. Naugire ndikauna kîrîkanîro gîetû namue.