Ntha 39:1 - ÎVUKU RÎA ÛVORO MWARO

¹ Bezaleli na Oholiabu nîmaatûmîre ndigi cia rangi wa vururu, njambarawe, na rangi ndune gûtuma nguo mbaro mûno cia gwîkîragwa nî athînjîri-Ngai vîndî îrîa megûtungata marî vandû varîa vatheru. Maatumire nguo cia Mûthînjîri-Ngai Aroni wata ûrîa Ngai-Mûnene aathîte Musa.

Ntha 39:1 ပူးပေါင်းရင်းမြစ်များ

Thaburi 93:5

We Ngai-Mûnene, mawatho maku matûûraga tene na tene, Hekarû yaku îtûûraga îrî ntheru tene na tene.

Ntha 25:4

Cuka mwaro wa bamba, na ndigi cia rangi wa vururu, na njambarawe, na cia rangi ndune. Na nguo itumîtwe na guoya wa mbûri,

Ntha 26:1

Ngai-Mûnene nîwacokire akîra Musa atîrî, “Ûgaatuma îgema rîa gûcemanîrua na itambaa îkûmi cia nguo ya vamba itumîtwe na ndigi cia rangi ya vururu, njambarawe, na rangi îno ndune. Gîtambaa kîu kîgemue na wara na mîvuanano ya akerubi.

Ntha 28:5

Mavundi mau magaatûmîra ndigi cia thaavu, vururu, njambarawe na cia rangi ndune cia gûtuma gîtambaa Kîamro.

Ntha 31:10

nguo cia ûthînjîri Ngai cia Aroni irîa itumîtwe waro, nguo cia avîcî ake cia gwîkagîra rîrîa magûtungata marî athînjîri-Ngai.

Ntha 35:19

na matume nguo mbaro mûno cia gwîkagîrwa nî athînjîri-Ngai rîrîa magûtungata marî vandû varîa vatheru. Nguo icio nî irîa ntheru cia Aroni na cia avîcî ake cia gwîkagîra rîrîa magûtungata.”

Ntha 35:23

Mûndû wonthe warî na itambaa mbaro, na ndigi cia rangi wa vururu, njambarawe kana cia rangi ndune, na itambaa cia guoya wa mbûri, kana njûo cia ng'ondu ivakîtwe rangi ndune wana kana njûo mbaro nîwairetire.

Ntha 38:31

Gîcango îo nwayo yarûthire itina cia itugî cia kîvaro na cia mûromo wakîo, na nthugî cionthe cia îgema na cia kîvaro Kîam rîo.

Ntha 39:41

nguo itumîtwe waro cia gwîkîrwa nî athînjîri-Ngai marî vandû varîa vatheru, nguo ntheru cia Aroni, mûthînjîri-Ngai na cia avîcî ake.

Ezek 42:14

Rîrîa athînjîri-Ngai mauma hekarûrî na nîmarenda kûthiî nja kîvarorî, nwanginya marute nguo irîa ntheru megûtungataga nacio maitige nyombarî ino. Nwanginya mekîre nguo ciîngî cia kûthiî nacio kûrî andû.”

Ezek 43:12

Ûyû nîguo watho wa hekarû: kûndû kûrîa kuonthe kûmîthiûrûrûkîrîtie kûu kîrîmarî îgûrû nwanginya kwîthîrwe kûrî kwamûre na kûtheru.”

Ahib 9:12

Rîrîa Kristû aavîtûkîre îgemarî nîwatonyire vandû varîa vatheru Mûno rita rîmwe rîa kwîgana. Ndaakuua nthakame ya mbûri na ndegwa nîguo akarute îgongoona. Vandû va ûguo, ke aavecanire mwoyo wake na agîtûma tûgîe na ûvonokio wa tene na tene.

Ahib 9:25

Kristû ndaatonya vandû varîa vatheru Mûno nîguo erute maita meengî ta ûrîa Mûthînjîri-Ngai mûnene wa Kîyahudi aatonyaga kuo mwaka wa mwaka akuuîte nthakame ya nyamû.