Ntha 38:26 - ÎVUKU RÎA ÛVORO MWARO

²⁶ M ûndû wa wonthe watarirwe akinyîtie ûkûrû wa mîaka mîrongo îîrî (20) nîwarutire sîlûva kûringana na kîthimi kîu. Andû acio matarirwe magîkinya andû ngiri magana matandatû ma ithatû na magana matano ma mîrongo îtano (603, 550).

Ntha 38:26 ပူးပေါင်းရင်းမြစ်များ

Ntha 12:37

Andû a Isiraeli nîmaaumire Ramesesi na magûrû mathiîte Sukothu. Andû acio maarî ta arûme ngiri magana matandatû aka na ciana matarî atare.

Ntha 30:12

“Rîrîa ûgaatara andû a Isiraeli, wa mûndû nîakaarîva kîndû gîa kûtheria mwoyo wake kûrî Ngai-Mûnene nîguo rîrîa ûkethîrwa ûkîmatara matikanyitwe nî mûthiro.

Ntha 30:13

Mûndû wa wonthe ûgaatarwa nwanginya akaarîva mwîgana wa mbeca irîa ikendekana ithimîtwe na kîthimi kîrîa kîtheru gîtîkanîrie. Mûndû wonthe nwanginya akaarîva îrîvi rîu rîrî îtega kûrî nie, Ngai-Mûnene.

Ntha 38:27

Itina îgana rîmwe (100) cia itugî cia îgema rîa Ngai-Mûnene na cia kûnyitîrîra itambaa nîciatûmîre sîlûva kilo ngiri ithatû na magana mana (3,400). Wa gîtina gîatûmagîra sîlûva kilo mîrongo îthatû na inya (34).

Ndari 1:2

“We na Aroni tarani andû a Isiraeli, wa mûndû kûringana na mûvîrîga wake na nyomba yake. Andîkani marîîtwa ma arûme onthe

Ndari 1:3

arîa marî na ûkûrû wa mîaka mîrongo îîrî na makîria na mangîtuîka athigari a mbaara na mûmagaanie ikundi ikundi.

Ndari 1:46

maarî ngiri magana matandatû ma ithatû na magana matano ma mîrongo îtano (603,550).

Ndari 2:32

Andû onthe a Isiraeli arîa maandîkirwe wa andû kûringana na mûvîrîga wao, gîkundi wa gîkundi maarî ngiri magana matandatû ma ithano na magana matano ma mîrongo îtano (605,550).

Ndari 26:2

“Tara andû onthe a vûrûri wa Isiraeli, wa mûndû na nyomba yake. Tara andû arîa marî na ûkûrû wa mîaka mîrongo îîrî kûthiî na mbere, arîa mangîvota kûrûa mbaara.”

Ndari 26:51

Arûme onthe a vûrûri wa Isiraeli maarî arûme ngiri magana matandatû na îmwe, na magana mûgwanja ma mîrongo îthatû (601,730).

Mathaayo 17:24

Rîrîa Jesû na arutwa ake maakinyire Kaperinaumu, andû arîa meetagia gooti ya hekarû nîmaathiîre kûrî Petero na makîmûûria atîrî, “Mwarimû wenyu nîarîvaga gooti ya hekarû?”