Ntha 38:21 - ÎVUKU RÎA ÛVORO MWARO

²¹ Ûyû nîguo mûtaratara wa cuuma irîa ciatûmîkire gûtuma îgema rîa Ngai-Mûnene kûringana na ûrîa Musa aathanire itarwe. Îgemarî rîu nîkuo kwaigagwa ivengere igîrî irîa ciandîkîtwe maathani îkûmi. Cuuma icio ciatarirwe nî Alawi arîa maarutaga wîra marûngamîrîrîtwe nî Ithamaru mûvîcî wa Aroni, mûthînjîri-Ngai.

Ntha 38:21 ပူးပေါင်းရင်းမြစ်များ

1Maû 6:3

Amuramu aarî na avîcî aîrî. Nao maarî: Aroni na Musa, na aarî na mwîrîtu ûmwe wetagwa Miriamu. Aroni aarî na avîcî ana. Nao maarî: Nadabu, Abihu, Eleazaru, na Ithamaru.

2Maû 24:6

Kwoguo mûthamaki nîwetire Jehoiada, mûnene wa athînjîri-Ngai na akîmûria atîrî, “Ûregete kwîra Alawi maûnganie gooti kuuma kûrî andû a Juda na Jerusalemu nîkî îrîa Musa ndungata ya Ngai-Mûnene aathanire îrutagwe nîûndû wa gûtuma îgema rîa Ngai-Mûnene?”

Ayubu 11:4

We ugaga atî, kîrîra gîaku nî Kîam ma, na ûrî mûtheru methorî ma Ngai.

Ayubu 22:23

Ûngîcokerera Ngai mwene vinya wonthe na wînyivie, na ûthengutie waganu ûrîa wîkagwa gwaku mûciî;

Ayubu 26:1

Nake Ayubu nîwacokirie atîrî,

Thaburi 15:1

Ûûi Ngai-Mûnene, nû ûngîtûûra hekarûrî yaku? Nû ûngîtûûra Zayuni kîrîmarî gîaku kîrîa kîtheru?

Ntha 25:16

Nacio ivengere cia mathiga igîrî irîa ngûkûnengera ciandîkîtwe mawatho cigwe îthandûkûrî ndaarî.

Ntha 26:33

Curia gîtambaa kîu mbatharî irîa irî îgemarî îgûrû, na vuva wa gîtambaa wige îthandûkû rîa kîrîkanîro rîrîa rîrî na ivengere igîrî cia mathiga. Gîtambaa gîkaagaania îgema maita maîrî: vandû varîa vatheru na vandû varîa vatheru Mûno.

Ntha 38:20

Nthugî cionthe cia îgema rîa Ngai-Mûnene na irîa ciathiûrûrûkîrîtie kîvaro ciarûthîtwe na gîcango.

Ntha 38:22

Bezaleli mûvîcî wa Uri, wa mûvîrîga wa Juda nîwarûthire indo cionthe irîa Ngai-Mûnene aathîte Musa irûthwe. Huri aarî ûma wa Bezaleli.

Ntha 40:3

Îgemarî rîu ûkaaiga îthandûkû rîa kîrîkanîro na ûcurie gîtambaa mbere ya îthandûkû rîa kîrîkanîro.

Ntha 6:23

Aroni nîwavikirie Elisheba, mwarî wa Aminadabu na aarî mwarwang'ina na Nahashoni. Nake nîwaciarire Nadabu, Abihu, Eliazaru, na Ithamaru.

Ndari 1:50

Vandû va ûguo, tua andû a mûvîrîga wa Lawi a gûkuuaga îthandûkû rîa kîrîkanîro vamwe na indo ciarîo cionthe. Nwanginya mamenyagîrîre îthandûkû rîu na matume magema mao marîthiûrûrûkîrîtie.

Ndari 1:53

Nwatî Alawi makaambaga magema mao mathiûrûrûkîrîtie îgema rîa gûcemanîrua marîrangîrîte nîguo gûtikethîrwe kûrî na ûndû ûngîtûma marakara ma Ngai-Mûnene makinyîrîre andû a Isiraeli.”

Ndari 10:11

Îtu rîrîa rîarî îgûrû rîa îgema rîa gûcemanîrua nîrîathengutire mûthenya wa mîrongo îîrî mweri wa kaîrî mwaka wa kaîrî kuuma andû a Isiraeli mauma Misiri.

Ndari 18:2

Kwoguo îta andû enyu a mûvîrîga wa Lawi nîguo mamûtethagie rîrîa we na avîcî aku mûratungata îgemarî rîa gûcemanîrua.

Ndari 24:5

Magema menyu nî mathaka mue andû a Jakovu, kûrîa mûtûûraga nî kûthaka mue andû a Isiraeli.

Ndari 9:15

Mûthenya ûrîa îgema rîa gûcemanîrua rîarûngamirue, îtu nîrîaûkire rîkîrîkunîkîra. Îtu rîu rîethagîrwa rîrî îgûrû rîa îgema rîa gûcemanîrua ûtukû wonthe na rîekariî ta mwaki.

Mathaayo 17:4

Nake Petero nîwerire Jesû atîrî, “Mwathani, na kaî nîûndû mwaro tûrî ava-î! Ethîrwa we nîûkwenda, nie nîngûtuma tûnyomba tûthatû ava; kamwe gaku, kamwe ka Musa na kamwe ka Elija.”

Ciîko 7:44

Methe metû ma tene maarî na îgema rîa kwonania atî Ngai aarî vamwe nao werûrî. Ngai nîwerire Musa ûrîa akûthondeka îgema rîu na Musa akîrîthondeka kûringana na ûrîa Ngai aamwonetie.

2Akor 5:1

Tue nîtwîcî atî kûrî vîndî îgema rîîrî rîetû tûtûûraga rîa gûkû nthî rîkaatharua. Narîo îgema rîu nî mîîrî îno yetû. Vîndî îo Ngai akeethîrwa arî na nyomba yetû kûu îgûrû. Nyomba îo nîke ke mwene ûtumîte na îgaatûûra tene na tene.

Ahib 8:2

Ke atungataga ta Mûthînjîri-Ngai ûrîa mûnene varîa vatheru Mûno îgemarî rîa ma rîrîa rîathondekirwe nî Mwathani nwatî tî mûndû.

Ahib 9:11

Nwatî Kristû nîarîkîtie gûka ta Mûthînjîri-Ngai ûrîa mûnene wa maûndû maro marîa marî vo. Narîo îgema rîrîa atungataga nî rînene na nî rîkinyanîru mûno. Îgema rîu rîtitumîtwe na njara cia andû na tî gîcunjî kîmwe Kîam nthî îno ya kûmbwa.

2Pet 1:13

Nîreciria nî ûndû mwaro mbîkare ngîmûririkanagia maûndû mama îvinda rîonthe rîrîa ngûtûûra mwoyo.

Kûguû 11:19

Nayo hekarû ya Ngai îrîa îrî kûu îgûrû nîyavingûrirwe, na îthandûkû rîa kîrîkanîro rîkîonekana kuo. Nakuo nîgwacokire gûkîgîa na mveni, mîgambo na mîrurumo ya ngwa, kîthingithia na mbura nene ya mbembe.

Kûguû 15:5

Vuva wa ûguo, nînaroririe, na ngîona hekarû ya îgema rîa ûira îrîa îrî îgûrû îvingûrîtwe.

Kûguû 21:3

Nînegwire mûgambo mûnene ûkîaria kuuma gîtîrî Kîam ûthamaki ûkiuga atîrî: “Taroria, rîu mûciî wa Ngai ûrî vamwe na andû! Ke nîagaatûûrania nao, nao nîmagaatuîka andû ake. Ngai ke mwene agaatûûranagia nao, arî Ngai wao.