Ntha 37:17 - ÎVUKU RÎA ÛVORO MWARO

¹⁷ Bezaleli nîwarûthire vandû va kwigagîrîra taa na thaavu ntheri. Aarûthire gîtina na gîtugî gîa kûnyitîrîra vandû vau na thaavu ya gûturwa. Maûa marîa maavagemetie maanyitanîte vamwe na gîtugî Kîam vandû vau va kwigîrîrwa taa.

Ntha 37:17 ပူးပေါင်းရင်းမြစ်များ

1Maû 28:15

na wa thaavu ya vandû va kwigîrîrwa taa na mwîgana wa thaavu ya taa ciavo, mwîgana wa sîlûva ya vandû va kwigîrîrwa taa kûringana na ûrîa vandû vau vavûthîkaga.

2Maû 13:11

Nîmarutagîra Ngai-Mûnene matega ma kûvîvua na ma ûbani ûrîa mûnungi waro vîndî cionthe kîraûko na kîvwaî. Nîmarutaga matega ma mîgate îrîa mîamûre na nîmamigagîrîra metharî îrîa ntheru, na nîmaakagia taa irîa irî vandû va thaavu varîa cigagîrîrwa kîvwaî wa kîvwaî. Twîkaga ûrîa Ngai-Mûnene, Ngai wetû athanîte, nwatî mue nî mûmûtiganîrîtie.

Ntha 31:8

metha na indo ciayo, vandû va kwigîrîrwa taa varûthîtwe na thaavu ntheri na indo ciavo cionthe, metha ya kîgongoona ya kûvîvîria ûbani,

Ntha 37:16

Nîwarûthire indo cia thaavu ntheri cia kwigîrîrwa metharî. Indo icio ciarî thaani, mbakûri cia gwîkîrwa ûbani, mbakûri, na njagi cia gwîkîra ndivei. Indo icio cionthe nî cia kûvûthagîrwa vîndî ya matega ma ndivei.

Ntha 37:18

Kwarî na mvûa ithathatû ciaumîte mîenarî ya vandû vau. Mvûa ithatû ikauma mwena ûmwe, na ithatû ikauma mwena ûcio wîngî.

Alawi 24:4

Akaathiîcaga mbere kûmenyerera taa nîguo itikaavore irî mbere ya Ngai-Mûnene. Taa icio ikethagîrwa irî îgûrû rîa vandû va gûcigîrîra varûthîtwe na thaavu ntheri.”

Zakaria 4:11

Nînacokire ngîûria mûraika ûcio atîrî, “Mîtî îno ya mîtamaiyû ûmwe ûrî mwena wa ûrîo na wîngî mwena wa ûmotho wa vandû va kwigîrîrwa taa nîyakwonania ndûî?”

Zakaria 4:2

Nake nîwambûririe atîrî, “Nîndûî ûrona?” Nanie nînaamûcokerie atîrî, “Nînîrona vandû va kwigîrîra taa varûthîtwe na thaavu na îgûrû rîavo vaigîtwe mbakûri. Îgûrû rîa vandû vau vaarî na taa mûgwanja na wa taa îrî na vandû va gwîkîra rûtambi.

Ndari 8:4

Vandû vau va kwigîrîrwa taa vaarûthîtwe na thaavu ya gûturwa kuuma nthî nginya îgûrû wata ûrîa Ngai-Mûnene oonetie Musa.

Mathaayo 5:15

Gûtirî mûndû ûgwatagia taa na akamîkunîkîra na ndeve. Nwatî mûndû agwatagia taa, na akamigîrîra vandû îgûrû nîguo ûtheri wayo ûtherere andû onthe arîa marî kûu nyomba.

Afil 2:15

Nîguo mwîthagîrwe mûrî ciana cia Ngai nginyanîru ntheru na itarî na ûcuke, irîa itûûraga nthî îno îrî na andû aganu na evia. Mûrî gatagatîrî ka andû acio, nwanginya mûkengage ta njata irîa ikengaga matuurî,

Ahib 9:2

Kwarî na îgema rîatumîtwe na rîkagaûkanua maita maîrî. Vandû va mbere vetagwa vandû varîa vatheru. Ndaarî ya vo vaarî na vandû va kwigîrîrwa taa na metha îrî na mûgate wa kûrutîra Ngai îgongoona.

Kûguû 1:12

Nie Johana nînevûgûrire mone ûrîa wambaragîria. Na rîrîa nevûgûrire, nînonire mînyamû mûgwanja ya thaavu îrîa igagîrîrwa taa.