Ntha 37:16 - ÎVUKU RÎA ÛVORO MWARO

¹⁶ Nîwarûthire indo cia thaavu ntheri cia kwigîrîrwa metharî. Indo icio ciarî thaani, mbakûri cia gwîkîrwa ûbani, mbakûri, na njagi cia gwîkîra ndivei. Indo icio cionthe nî cia kûvûthagîrwa vîndî ya matega ma ndivei.

Ntha 37:16 ပူးပေါင်းရင်းမြစ်များ

1Atha 7:50

ikombe, tûnyamû twa kûnyitîrîra ndambi, mbakûri, mbakûri cia ûbani, tûraî twa gûkuua makara marî na mwaki, na irenji cia mîrango ya vandû varîa vatheru Mûno na cia mîrango ya nja ya hekarû.

2Atha 12:13

Mbeca irîa ciarutagwa hekarûrî itiatûmîrwa kûrûtha tûraî twa sîlûva, tûnyamû twa gûtinia ndambi, mbakûri, tûrumbeta, kana tûnyamû tûrûthîtwe na thaavu kana sîlûva.

Ntha 25:29

Ûcoke ûrûthe thaani, na mbakûri cia gwîkîrwa ûbani, na ûrûthe mbakûri na njagi cia gwîkîra ndivei vîndî ya matega ma ndivei. Indo icio cionthe irûthwe na thaavu ntheri.

Ntha 37:15

Nîwarûthire mîtî ya mîgaa ya gûkuua metha na akîmîvaka thaavu.

Ntha 37:17

Bezaleli nîwarûthire vandû va kwigagîrîra taa na thaavu ntheri. Aarûthire gîtina na gîtugî gîa kûnyitîrîra vandû vau na thaavu ya gûturwa. Maûa marîa maavagemetie maanyitanîte vamwe na gîtugî Kîam vandû vau va kwigîrîrwa taa.

Ndari 7:13

Îtega rîake rîarî thaani ya sîlûva ya ûrito wa kilo îmwe na nuthu (1.5 kg), karaî kamwe ga sîlûva karî na ûrito wa ngiramu magana manana (800 g) kûringana na kîthimi kîrîa Kîamrî gîtîkîrîku. Thaani îo na karaî kau, ciethagîrwa ciîcûrîte mûtu ûtukanîtue na maguta na ciarî cia îtega rîa irio cia mûgûnda.

2Tim 2:20

Nyombarî îrîa nene nîkwîthagîrwa kûrî na indo cia thaavu, na cia sîlûva, wana ciîngî cia mîtî na cia yûmba. Indo imwe cia icio îtûmagîrwa rîrîa kûrî na ûndû mûnene, nacio irîa ciîngî rîrîa gûtarî na ûndû mûnene.