Ntha 35:21 - ÎVUKU RÎA ÛVORO MWARO

²¹ Na mûndû wonthe ûrîa wegucaga arî na wendi wa gwîka ûguo nîwaretire matega ma gûtuma îgema rîa Ngai-Mûnene. Nao nîmaaretire indo cionthe irîa ciendekaga cia gûtûmîrwa vîndî ya kûgooca na cia gûtuma nguo cia ûthînjîri-Ngai.

Ntha 35:21 ပူးပေါင်းရင်းမြစ်များ

2Sam 7:27

Ngai-Mûnene mwene vinya wonthe, Ngai wa Isiraeli! Ndingîtigîra ngîkûvoya îvoya rîîrî, nîûndû nîûnguûrîrîtie maûndû mama monthe nie ndungata yaku, na nîûmbîrîte atî nîûgaatûma njiarwa ciakwa ituîke athamaki.

1Maû 28:2

Mûthamaki Daudi nîwamerire atîrî, “Tanthikîrîriani andû etû. Nînîrendete gûtuma nyomba ya kwigwa îthandûkû rîa kîrîkanîro Kîam Ngai-Mûnene, Ngai wetû na va kwigwa gaturwa ka magûrû make, na nînavarîrîrie gûtuma.

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

1Maû 29:14

“Nwatî nîrî û nie na andû akwa nî arîkû atî nîguo tûkûrutîre na ûtana? Indo cionthe ciumaga kûrî we na twagûcokeria irîa watûveere.

1Maû 29:3

Kuuma mûthithûrî wakwa nie mwene nîmvecanîte thaavu na sîlûva nîûndû wa wendo ûrîa nîrî naguo wa hekarû ya Ngai wakwa.

1Maû 29:8

Nao arîa maarî na mathiga ma goro nîmaarutire nîguo maigwe mûthithûrî wa hekarû ûrîa wamenyagîrîrwa nî Jehieli wa mbarî ya Gerishoni.

1Maû 29:9

Andû nîmaakenire nîûndû wa ûrîa andû maarutire indo na njîra ya kwîyendera. Mûthamaki Daudi wanake nîwakenire mûno.

Ezira 2:68

Rîrîa Ayahudi arîa maarî îthamîriorî maakinyire Jerusalemu hekarûrî ya Ngai-Mûnene, atongoria amwe nîmaarutire matega mao na njîra ya kwîyendera nîguo matethererie gûtuma hekarû varîa îrîa ngûrû yarî.

Ezira 7:27

Nake Ezira nîwacokire akiuga atîrî, “Ngai-Mûnene, Ngai wa methe metû ma tene arokumua! Nîûndû nîatûmîte mûthamaki agîe na wendi wa kûva gîtîîo hekarû ya Ngai-Mûnene îrîa îrî Jerusalemu.

Thaburi 110:3

Mûthenya ûrîa ûkaathiî kûrûa na nthû ciaku, andû aku nîmakevecana na njîra ya kwîyendera. Ta ûrîa îme riumaga kîraûko tene, nîguo anake aku magaaûka kûrî we irîmarî irîa nyamûre.

Ntha 25:2

“Îra andû a Isiraeli mandutîre matega. Amûkîra matega wa monthe marîa mûndû akwîgua na ngoro yake akîenda kûndutîra.

Ntha 35:20

Andû onthe a Isiraeli nîmaacokire makiuma varî Musa.

Ntha 35:22

Kwoguo andû onthe arîa maarî na ngoro irî na wendi arûme na aka nîmaaretire indo cia mîthemba mîîngî cia thaavu ta mindo, mbete, mîkathî na mathaga ma mîthemba yonthe ma thaavu na magîciamûrîra Ngai-Mûnene.

Ntha 35:26

Wana nîmaarûthire ndigi cia guoya wa mbûri.

Ntha 35:29

Andû onthe a Isiraeli arîa maarî na wendi wa kûvecana nîmaarutire matega ma Ngai-Mûnene nîûndû wa wîra wonthe ûrîa Ngai-Mûnene aathanîte na njîra ya Musa ûrutwe.

Ntha 35:5

Rutagîrani Ngai-Mûnene matega. Mûndû wa wonthe ûrî na wendi wa gwîka ûguo nîaretagîre Ngai-Mûnene matega ma thaavu, sîlûva, na gîcango,

Ntha 36:2

Musa nîwetire Bezaleli, Oholiabu na andû onthe arîa maarî na wara na maavotithîtue nî Ngai-Mûnene, na maarî na wendi wa gûtethia na akîmeera mambîrîrie kûruta wîra.

Nthi 4:23

Menyerera ngoro yaku waro mûno, nîûndû ngororî nîkuo kuumaga maûndû marîa matongoragia ûtûûro wa mûndû.

Jeremia 30:21

Mûtongoria wao akethîrwa arî ûmwe wao, mwathi wao akauma gatagatîrî kao, nîngamwîta nake nîakanguvîvîria, nîûndû nû ûngîgeria kûnguvîvîria na vinya wake? Ûguo nîguo nie Ngai-Mûnene nîrauga.”

Mathaayo 12:34

Mue rûciaro rwa njoka, mûngîvota atîa kwaria maûndû maro na mûrî andû acûku? Kanyua karagia maûndû marîa mecûrîte ngororî.

2Akor 8:12

Ethîrwa mûrî na wendi wa kûvecana, Ngai akaamûkîra kîveo kîenyu kûringana na ûrîa mûndû akûvecana kîrîa arî nakîo, tî kîrîa atarî nakîo.

2Akor 9:7

Mûndû nîwagîrîrwe nî kûvecana wata ûrîa ke atuîte kûvecana. Na mûndû ndakavecane takwa akûringîrîrua, nîûndû Ngai nî akenagua nî ûrîa ûvecanaga akenete.

Atir 5:12

Ûkîra, ûkîra, Debora! Ûkîra! Ûkîra! Ina rwîmbo! Rûngama, Baraki mûvîcî wa Abinoamu, tongoreria mîgwate yaku mûthiî!

Atir 5:3

Tathikîrîriani, mue athamaki! Tathikîrîriani, mue atongoria! Nîngwina, nîngwina, nîngwinîra Ngai-Mûnene wa Isiraeli rwîmbo.

Atir 5:9

Ngoro yakwa yerekerete atongoria a Isiraeli, arîa meerutîre makenete gatagatîrî ka andû. Ngai-Mûnene arokumua!