Ntha 34:6 - ÎVUKU RÎA ÛVORO MWARO

⁶ Ngai-Mûnene nîwavîtûkîrîre vau mbere ya Musa na akiuga atîrî, “Nie, Ngai-Mûnene nîrî Ngai ûrî wega mwîngî na ntha. Ndîrakaraga na îvenya na nîmonanagia wendo ûtathiraga na wîvokeku.

Ntha 34:6 ပူးပေါင်းရင်းမြစ်များ

Kîam 24:27

na akiuga atîrî, “Ngai-Mûnene, Ngai wa Mwathi wakwa Iburahimu arokumua. Ke arî wendo ûtathiraga na nî mwîvokeku ûvororî wîgiî kîîranîro gîake na mwathi wakwa. Ngai-Mûnene nîandongoretie nginya ngakinya kwa andû a mwathi wakwa.”

2Sam 24:14

Daudi nîwerire Gadi atîrî, “Nînîrathînîka mûno! Nwatî ndikwenda kûverithua nî andû. Nî kava tûverithue nî Ngai-Mûnene ke mwene nîûndû arî ntha nyîngî.”

1Atha 19:11

Ngai-Mûnene nîwamwîrire atîrî, “Uma ûthiî ûrûngame mbere ya Ngai-Mûnene îgûrû rîa kîrîma.” Vîndî wa îo Ngai-Mûnene nîwavîtûkîrîre vau. Naruo rûkûngi rûnene mûno nîrwainainirie irîma na rûgîatûranga mathiga tûcunjî mbere ya Ngai-Mûnene, nwatî Ngai-Mûnene ndaarî rûkûngirî. Vuva wa rûkûngi nîgwacokire gûkîgîa kîthingithia, nwatî Ngai-Mûnene ndaarî kîthingithiarî.

1Atha 8:30

Thikagîrîria mavoya makwa vamwe na mavoya ma andû aku vîndî îrîa magûkûvoya marî hekarûrî îno. Tûthikîrîrie na ûtûovere ûrî îgûrû kûu ûtûûraga.

2Maû 30:9

Ethîrwa nîmûgûcoka kûrî Ngai-Mûnene, andû enyu na ciana cienyu nîmakeguîrwa ntha nî andû arîa maamatavire na nîmagaacoka vûrûrirî ûyû, nîûndû Ngai-Mûnene, Ngai wenyu arî ntha na wendo na ndakaariganîrwa nî mue mûngîmûcokerera.”

Nehemia 9:17

Nîmaaregire kwathîka, makîriganîrwa nî maûndû manene marîa wekire gatagatîrî kao, wana nîmaariganîrwe nî ciama irîa wamaringîrîte. Nîmaaûmirie ciongo ciao, na makîthuurîra mûtongoria wa kûmacokia ûkomborî Misiri. Nwatî we ûrî Ngai wovanagîra, ûrî wega mwîngî, wendo waku ndûthiraga na ndûrakaraga na îvenya. Ntha ciaku nî nyîngî, ndwamatiganîria.

Thaburi 108:4

Wendo waku ûtathiraga nî mûnene ûkavîtûka îgûrû, wîvokeku waku ûkinyîte matuurî.

Thaburi 111:4

Nîatûmîte maûndû make ma magegania maririkanagwe; Ngai-Mûnene nî mûtugi na arî ntha.

Thaburi 111:8

na matûûraga tene na tene; maavecanirwe na njîra ya wîvokeku na ûthingu.

Thaburi 112:4

Andû arîa aro, atugi, marî ntha na athingu, nîmaragîrwa nî ûtheri ndumarî.

Thaburi 116:5

Ngai-Mûnene nî mûtugi na nî mûthingu; Ngai wetû arî ntha.

Thaburi 138:2

Nyînamagîrîria ûthiû mberekerete hekarû yaku ntheru, na ngagûcokeria ngatho, nîûndû wa wîvokeku waku na wendo waku ûtathiraga; nîûndû nîûnenevetie rîîtwa rîaku na kiugo gîaku gûkîra maûndû monthe.

Thaburi 145:8

Ngai-Mûnene nî mûtugi na arî ntha, ndarakaraga na îvenya na nîecûrîtwe nî wendo ûtathiraga.

Thaburi 146:6

ûrîa waûmbire îgûrû na nthî, îria na indo cionthe irîa irî kuo; ûrîa ûvingagia ciîranîro ciake vîndî cionthe.

Thaburi 31:19

Kaî wega waku ûrîa wigîrîte arîa magûtîîte nî mwîngî-î! Andû onthe nîmaicî ûrîa wîkaga maûndû maro na ûkagitîra arîa makwîvokete.

Thaburi 57:10

Wendo waku ûtathiraga ûkinyîte îgûrû; wîvokeku waku ûkinyîte matuurî.

Thaburi 86:15

Nwatî we Mwathani, ûrî Ngai wî ntha na wendo, nîûkiragîrîria, ûrî wendo ûtathiraga na wî mwîvokeku.

Thaburi 86:5

We Mwathani, wî mwagîrîru na nîwovanagîra; nîwonagia andû arîa makûvoyaga wendo ûtathiraga.

Thaburi 91:4

Ngai nîagaagûkunîkîra na mathagu make; na ûkethagîrwa ûrî mûgitîre ûrî varî ke; wîvokeku wake ûgaakûgitagîra na ûgakûrûîrîra.

Ntha 20:5

Ndûkenamîrîre mûvuanano wa wonthe kana ûûtungatîre, nîûndû nie Ngai-Mûnene, Ngai waku nî Ngai ûrî wîru. Nîmverithagia ciana cia andû arîa mamenete nginya rûciaro rwao rwa kathatû na rwa kana.

Ntha 22:27

nîûndû îo nwayo nguo îrîa arî nayo ya gwîkunîkîra nayo. Mûndû ûcio angîîguîkire ndûî kîngî? Angîngaîra nîngaamwîgua nîûndû nîrî ntha.

Ntha 33:19

Ngai-Mûnene nîwacokirie atîrî, “Nie, nîngaatûma riiri wakwa ûvîtûkîrîre mbere yaku na nîngaagweta rîîtwa rîakwa ‘Ngai-Mûnene’ mbere yaku. Ngonanagia wendo kûrî mûndû ûrîa ngwenda kwonia wendo na ngegucagîra ntha mûndû ûrîa ngwenda kwîguîra ntha.

Nthi 3:3

Ndûkareke wathîki na wîvokeku ciume kûrî we; ciovagîrîre ngingorî ta mûkathî, na ûciandîke ngororî yaku.

Mûvunjia 8:11

Ngoro cia andû ciîthagîrwa ciîvarîrîtie gwîka maûndû marîa macûku nîûndû îverithia rîa ûndû mûcûku rîtiîkagwa na îvenya.

Isaia 12:4

Mûthenya ûcio nîmûkaaina atîrî, “Cokeriani Ngai-Mûnene ngatho! Mûvoeni mûkîgwetaga rîîtwa rîake. Menyithiani mavûrûri maûndû marîa ekîte, na mwanîrîre atî rîîtwa rîake nî rînene.

Isaia 65:16

Kwoguo, mûndû wa wonthe vûrûrirî wenyu ûrîa ûkenda kûrathimwa, akaathiîcaga kûrathimwa nî Ngai ûrîa wa ma. Nake mûndû wa wonthe ûkevîtaga, akevîtaga akîgwetaga rîîtwa rîa Ngai ûrîa wa ma; nîûndû mathîna marîa makûrû nîmakaariganîra na ndikamaririkana rîngî.”

Jeremia 32:18

We nîwonanagia wendo ûtathiraga kûrî andû ngiri na ngiri nyîngî, nwatî nîûverithagia andû nîûndû wa mevia ma methe. We ûrî Ngai ûrî vinya na ûvoti na rîîtwa rîaku nî Ngai-Mûnene Mwene Vinya Wonthe.

Jeremia 9:24

“Nwatî mûndû ûngîenda kwîgatha nîegathe na ûndû ûyû, atî nîambîcî na atî nie Ngai-Mûnene nîmbîkaga maûndû maro, ma kîvooto na maûndû ma ûthingu gûkû nthî. Maûndû mama nîmo mangenagia. Ûguo nîguo nie Ngai-Mûnene nîrauga.”

Maca 3:23

Ciîthagîrwa irî njerû wa kîraûko wa kîraûko, nîûndû Ngai-Mûnene nîwakwîvokwa.

Joeli 2:13

Tembûrangani ngoro cienyu na mûtigatembûrange nguo cienyu.” Cokererani Ngai-Mûnene, Ngai wenyu, ke ecûrîtwe nî ntha na nî mûtugi, ndarakaraga na îvenya na arî wendo ûtathiraga; ke nîovanagîra agatiga kûverithania.

Jona 4:2

Kwoguo nîwavoire atîrî, “Ngai-Mûnene, na kinthî mama tîmo maûndû wa marîa naaugire rîrîa naarî mûciî? Kîu nîkîo gîatûmire mbûrîre Tarishishi, nîûndû nînaicî atî we ûrî Ngai ûrî wendo na ntha, ndûrakaraga na îvenya, ûrî wendo ûtathiraga na nîwîricûkagwa ûkarega kûverithania.

Mika 7:18

We Ngai, nîkûrî wîngî wîkariî ta we? We wovagîra andû aku mevia arîa maatigirwe marî mwoyo. Marakara maku matitûûraga tene na tene nîûndû nî ûtwonagia wendo ûtathiraga.

Mika 7:20

Nîûkoonania wîvokeku waku kûrî Jakovu na wendo waku ûtathiraga kûrî Iburahimu, wata ûrîa werîre methe metû na mwîvîtwa kuuma tene.

Nahumu 1:3

Ngai-Mûnene ndarakaraga na îvenya nwatî arî vinya nyîngî; ke ndetîkagîra arîa marî na mevia mathiî mataverithîtue. Varîa Ngai-Mûnene avîtûkagîrîra nî vaumaga rûkûngi na kîvuvûkanio; matu nî rûkûngû rûrîa rûgûrûkagua nî makinyo make.

Ndari 12:8

Mbaragia nake metho kwa metho, na mbaragia cararûkû ndagûtûmîra nthimo. Ke nîwîcî ûrîa mvana! Mwaregire gwîtigîra nîkî mûkîaria maûndû macûku megiî ndungata yakwa Musa?”

Johana 1:17

Ngai aavecanire watho na njîra ya Musa, nwatî wega na ûma ciaûkire na njîra ya Jesû Kristû.

Aroma 2:4

Kana nîkwa we ûnyararîte ûtugi wake mwîngî, ûkirîrîria na wetereri. Nama we nîwîcî atî Ngai nî mûtugi nîûndû nîakwonagîrîria njîra ya kwîrira?

Gûco 32:3

Nîngaanîrîra rîîtwa rîa Ngai-Mûnene, nao andû nîmakaauga, Ngai nî mûnene.

Gûco 4:31

Ngai-Mûnene, Ngai wenyu arî ntha. Ndakaamûtiganîria kana amûcûkangia na ndakaariganîrwa nî kîrîkanîro kîrîa ke mwene aarûthire na methe menyu na akîmerîra na mwîvîtwa.

Gûco 5:10

Nwatî nîngoonania wendo ûtathiraga kûrî andû ngiri nyîngî, arîa mamendete na mathîkagîra maathani makwa.

Jakuvu 5:11

Tue tûmetaga arathime nîûndû nîmaaûmîrîrie. Nîmwîguîte ûvoro wîgiî ûkirîrîria wa Ayubu, na nîmwîcî ûrîa Mwathani aamûtanavîre mûthiiarî. Nîûndû Mwathani nîecûrîtwe nî ûtugi na ntha.