Ntha 34:29 - ÎVUKU RÎA ÛVORO MWARO

²⁹ Rîrîa Musa aanyûrûrûkire kuuma kîrîmarî gîa Sinai akuuîte Maathani îkûmi, ûthiû wake nîwakengaga nîûndû ethîrîtwe akîaria na Ngai-Mûnene, nwatî ndaamenyaga.

Ntha 34:29 ပူးပေါင်းရင်းမြစ်များ

Ntha 16:15

Rîrîa andû a Isiraeli maakîonire nîmaaûranirie o ene atîrî, “Nîndûî gîkî?” Musa nîwamacokerie atîrî, “Ino nî irio îrîa Ngai-Mûnene amûveete mûrîe.

Ntha 31:18

Rîrîa Ngai aarîkirie kwarîria Musa kîrîmarî Kîam Sinai îgûrû, nîwanengerire Musa ivengere igîrî cia mathiga irî na maathani. Maathani mau nî Ngai ke mwene wamandîkîte.

Ntha 32:15

Musa nîwanyûrûrûkire kuuma kîrîmarî akuîte ivengere cia mathiga ciandîkîtwe Maathani mîena yoîrî.

Ntha 34:35

nao nîmoonaga atî ûthiû wake nîwakengaga. Musa nîwacokaga agekunîkîra na gîtambaa rîngî nginya rîrîa akaathiî kwaria na Ngai-Mûnene.

Mûvunjia 8:1

Nû wîkariî ta mûndû mûûgî? Nû wicî ûrîa maûndû mataûrîtwe? Ûûgî wa mûndû nîûtûmaga ûthiû wake ûkenge, na ûtuku wa kîthithi gîake ûkagarûrûka.

Mathaayo 17:2

Nake Jesû nîwagarûrûkire ûrîa oonekaga ekariî wa mamûroretie. Ûthiû wake wavenagia ta riûa, na cio nguo ciake ciacerûvîte cûa.

Maariko 14:40

Rîrîa aacokire rîngî varîa arutwa maarî, nîwamethîrîrie marî toro, nîûndû matingîavotire gwîkara maraûkîtie. Nao nîmaarigirwe nî ûrîa makûmûcokeria.

Maariko 9:6

Petero nîwarigirwe nî ûrîa akuuga nîûndû ke na arutwa acio engî maarî amaku mûno.

Luka 2:49

Nake Jesû nîwamacokerie atîrî, “Nîndûî kîratûmîte mûnjarie? Nîkwa mûtarecî atî nie nîmbagîrîrwe nî kwîthîrwa nîrî nyombarî ya vava?”

Luka 9:29

Vîndî îrîa Jesû aavoyaga, ûthiû wake nîwagarûrûkire, na nguo ciake nacio ikîambîrîria gûkengakenga.

Johana 5:13

Nwatî mûndû ûcio wavonetue ndaamenya ûrîa wamûvonirie nîûndû Jesû nîwaûrîre kîrîndîrî kîrîa Kîamrî vau.

Ciîko 12:9

Kwoguo Petero nîwamûrûmîrîre na makiuma nja ya njeera, nwatî ke ndaamenyaga kana maûndû mau mûraika eekaga maarî ma ma. Petero eeciragia nî kîoneki arona.

Ciîko 23:5

Nake Paûlo nîwamacokerie atîrî, “Ariû na aarî a îthe wetû, nie ndiraicî atî ke nî Mûthînjîri-Ngai ûrîa mûnene. Nîkwandîkîtwe mandîkorî matheru atîrî, ‘Ndûkanarie ûndû mûcûku wîgiî mûnene wa andû enyu.’ ”

Ciîko 6:15

Nao andû onthe arîa maarî Kîammarî nîmaaroririe Stefano na vinya na makîona ûthiû wa Stefano wîkariî ta wa mûraika.

2Akor 3:13

Tue tûtiîkariî ta Musa ûrîa wekunîkire ûthiû na gîtambaa nîguo andû a Isiraeli matikoone ûkengu ûcio ûkîthira.

Gûco 10:5

Nînaanyûrûkire ngiuma kîrîmarî. Nînacokire ngîkîra ivengere icio îthandûkûrî rîrîa naatumîte wata ûrîa Ngai-Mûnene aathanîte, na kûu nîkuo irî.”

Josh 2:4

Nwatî Rahabu nîwocete arûme acio aîrî na akamathitha. Kwoguo nîwacokirie atîrî, “Nîma kûrî arûme maraaûkire gwakwa nyomba, nwatî nie ndicî maraumîte kû.

Josh 8:14

Rîrîa mûthamaki wa Ai oonire athigari a Joshua, nîwaûkîrire na îvenya kîraûko tene arî na athigari ake nîguo makarûe na athigari a Joshua. Mûthamaki wa Ai na andû ake nîmaathiîre merekerete Kîamndarî Kîam Jorodani nîguo makarûe na andû a Isiraeli wa varîa maarûîrîte mbere. Nwatî matiamenyaga atî kwarî na athigari engî a Isiraeli meethithîte vuva wa îtûûra.

Kûguû 1:16

Mûndû ûcio aanyitîte njata mûgwanja na njara yake ya ûrîo, na kanyuarî gake gûkauma rûviû rûûgî rûnooretwe mîena yoîrî. Ûthiû wake wekariî ta riûa rîarîte thaa thita cia mûthenya.

Kûguû 10:1

Nînacokire ngîona mûraika wîngî warî na ûvoti akînyûrûrûka kuuma îgûrû. Ke nîwekîrîte îtu rîrî ta nguo na akathiûrûrûkîrua kîongorî gîake nî mûkûnga mbura. Ûthiû wake wekariî ta riûa, namo magûrû make magekara ta itugî cia mwaki.

Atir 16:20

Nîwacokire akiugîrîria atîrî, “Samusoni! Afilisiti nîmaûkîte!” Samusoni nîwaramûkire na akîîra na ngoro atîrî, “Nînyuma nja na nîîrivarive wata ûrîa nekaga mîthenya îo îngî.” Ndaamenyaga atî Ngai-Mûnene nîwamûtigîte.