Ntha 34:28 - ÎVUKU RÎA ÛVORO MWARO

²⁸ Musa nîwekarire vau varî Ngai-Mûnene mîthenya mîrongo îna ûtukû na mûthenya, na ndaanyua kana arîa kîndû kavinda kau konthe. Nake nîwandîkire ciugo cia kîrîkanîro na nîcio Maathani îkûmi ivengererî cia mathiga.

Ntha 34:28 ပူးပေါင်းရင်းမြစ်များ

1Atha 19:8

Kwoguo Elija nîwaûkîrire, akîrîa na akînyua na irio icio nîciamwîkîrire vinya na akîthiî rûgendo rwa mîthenya mîrongo îna, ûtukû na mûthenya akîthiî Horebu, kîrîmarî Kîam Ngai.

Ntha 24:18

Musa nîwaunûkirie kîrîmarî na agîtonya ndaarî ya îtu, na agîkara kuo mîthenya mîrongo îna ûtukû na mûthenya.

Ntha 31:18

Rîrîa Ngai aarîkirie kwarîria Musa kîrîmarî Kîam Sinai îgûrû, nîwanengerire Musa ivengere igîrî cia mathiga irî na maathani. Maathani mau nî Ngai ke mwene wamandîkîte.

Ntha 32:16

Ngai nîke warûthîte na nîke wandîkîte maathani mau ivengererî icio.

Ntha 34:1

Ngai-Mûnene nîwerire Musa atîrî, “Rûtha ivengere cia mathiga igîrî wata irîa cia mbere na nîngwandîka ivengererî icio ciugo irîa ciarî ivengererî cia mbere irîa wenyûrangire.

Ntha 34:10

Ngai-Mûnene nîwerire Musa atîrî, “Rîu nîngûrûtha kîrîkanîro na andû a Isiraeli. Nîngeka maûndû ma magegania methorî mao, maûndû matarî manonwa nthî yonthe vûrûrirî wana ûrîkû. Andû onthe nîmakoona maûndû manene marîa nie, Ngai-Mûnene nîngîvota gwîka, nîûndû nîngeka maûndû ma gwîtigîrwa nîûndû waku.

Mathaayo 4:2

Nake Jesû nîwenyerekirie mîthenya mîrongo îna. Na kwoguo nîwavûtire mûno.

Luka 4:2

kûrîa aagerirue nî Ngoma îvinda rîa mîthenya mîrongo îna. Mîthenya îo yonthe Jesû ndaarî mûrîu kîndû, kwoguo rîrîa mîthenya îo yathirire nîwavûtire.

2Akor 3:7

Watho ûrîa waretire gîkuû wandîkîtwe ivengererî cia mathiga. Naguo waûkire ûrî na riiri wa Ngai ûrîa watûmire ûthiû wa Musa ûkenga mûno na andû a Isiraeli matingîavotire gwîkara maûroretie. Nwatî vuvarî riiri ûcio nîwathirire.

Gûco 10:10

“Nînekarire kîrîmarî îvinda rîa mîthenya mîrongo îna, ûtukû na mûthenya wata ûrîa nekîte mbere. Ngai-Mûnene nîwanthikîrîrie rîngî na akîrega kûmûthiria.

Gûco 10:5

Nînaanyûrûkire ngiuma kîrîmarî. Nînacokire ngîkîra ivengere icio îthandûkûrî rîrîa naatumîte wata ûrîa Ngai-Mûnene aathanîte, na kûu nîkuo irî.”

Gûco 4:13

Nîwamûmenyithirie ûvoro wa kîrîkanîro kîrîa aarîkanîre namue, na akîathana atî mûkîrûmagîrîre; nakîo nî maathani îkûmi marîa andîkire ivengererî igîrî cia mathiga.

Gûco 9:18

Nînaacokire ngîmama ndurumithîtie ûthiû nthî mbere ya Ngai-Mûnene îvinda rîa mîthenya mîrongo îna, ûtukû na mûthenya, ndakûrîa kana nyua kîndû. Nekire ûguo nîûndû nîmwekîte mevia mbere ya Ngai-Mûnene na mûgîtûma arakare.

Gûco 9:25

“Kwoguo nînaamamire ndurumithîtie ûthiû nthî mbere ya Ngai-Mûnene îvinda rîa mîthenya mîrongo îna ûtukû na mûthenya, nîûndû nînaamenyete atî Ngai-Mûnene nîwavangîte kûmûthiria.

Gûco 9:9

Rîrîa naaunûkirie kîrîmarî nîguo ngamûkîre ivengere cia îthiga irîa ciandîkîtwe kîrîkanîro kîrîa Ngai-Mûnene aarûthire namue, nînekarire kîrîmarî kîu mîthenya mîrongo îna, ûtukû na mûthenya ndakûrîa kana kûnyua kîndû.