Ntha 34:25 - ÎVUKU RÎA ÛVORO MWARO

²⁵ “Mûtikaarute matega ma mîgate îkîrîtwe ndawa ya kwimbia vîndî îrîa mûkûndutîra magongoona ma nyamû. Vîndî ya kîrugo Kîam pasaka mûtikaaige gîcunjî Kîam nyamû îrîa îthînjîtwe nginya kîraûko Kîam mûthenya ûcio wîngî.

Ntha 34:25 ပူးပေါင်းရင်းမြစ်များ

Ntha 12:10

Na mûtikareke imwe itigara ikinyia kîraûko. Kîndû kîngîgaatigara na gîkinyie kîraûko gîkaavîvua.

Ntha 12:20

Mûtikarîe kîndû gîkîrîtwe ndawa ya kwimbia mûrî kûrîa kuonthe mûtûûraga. Mûkaarîcaga mîgate îtekîrîtwe ndawa ya kwimbia.”

Ntha 12:8

Ûtukû ûcio andû a Isiraeli makaarîa nyama cia tûtûrûme ivîvîtue, na irîcanîrue na manyenyi marûrû na mîgate îtarî mîkîre ndawa ya kwimbia.

Ntha 23:18

“Mûtikandutîre matega ma mîgate mîkîre ndawa ya kwimbia rîrîa mûkûndutîra îgongoona rîa nyamû. Maguta ma nyamû irîa ndutîrîtwe îgongoona matikaarare nginya kîraûko Kîam mûthenya ûcio wîngî.

Ntha 29:34

Ethîrwa kûrî nyama kana mîgate îgaatigara îkinyie kîraûko Kîam mûthenya ûcio wîngî, ndîkarîwe. Kîrîa kîonthe gîgaatigara nîgîkaavîvua nîûndû nî kîtheru.

Alawi 2:11

Gûtirî îtega rîa irio cia mûgûnda rîa kûrutîra Ngai-Mûnene rîkaarûthwa rîrî na ndawa ya kwimbia, nîûndû ndwagîrîrwe nî kûvîvia ndawa ya kwimbia kana ûûkî irî îtega rîa kûvîvua kûrî Ngai-Mûnene.

Alawi 7:15

Mûndû ûrîa ûkûruta îgongoona rîa thayû nîakaarîa nyama icio ciîngî mûthenya wa ûcio, na gûtirî wanarî îmwe yacio agîrîrwe nî gûtigaria îkinyia kîraûko Kîam mûthenya ûcio wîngî.

Ndari 9:12

Ndagatigaragie irio ikinyia kîraûko kana auna îvîndî rîa nyamû wa yonthe ya kîrugo Kîam Pasaka. Nîakûngûagîre pasaka akîrûmagîrîra mawatho monthe ma yo.

Mathaayo 13:33

Jesû nîwamavere ngerekano îngî na akîmeera atîrî, “Ûthamaki wa îgûrû wîkariî ta ndawa ya kwimbia mîgate îrîa mûndûmûka oocire na akîmîtukania na mûtu wa ngano wa ndeve igîrî, nginya rîrîa waimbire wonthe.”

Gûco 16:3

Mîgate îrîa mûkarîcaga kîrugorî gîkî ndîkethagîrwa îkîrîtwe ndawa ya kwimbia, na mûkaarîcaga mîgate îo mîthenya mûgwanja wata ûrîa mwekire vîndî îrîa mwaumaga Misiri na îvenya. Mûgate ûyû ûgetagwa wa mathîna, nîguo mavinda marîa monthe mûgûtûûra mwoyo mûririkanage mûthenya ûrîa mwaumire Misiri.

Gûco 16:4

Gûtirî mûndû wagîrîrwe kwîthîrwa arî na ndawa ya kwimbia mûgate vûrûrirî wenyu îvinda rîa mîthenya mûgwanja, kana nyama ya îgongoona îrîa îrutîtwe ya îgongoona îrara îkinyia kîraûko.