Ntha 34:24 - ÎVUKU RÎA ÛVORO MWARO

²⁴ Narîkia kwîngata ndûrîrî irîa ciîngî nîngaanenevia vûrûri wenyu. Na vîndî ya irugo icio ithatû rîrîa mûkethagîrwa mûthiîte mbere ya Ngai-Mûnene, Ngai wenyu kûmûgooca, gûtirî mûndû ûkeerirîria vûrûri wenyu.

Ntha 34:24 ပူးပေါင်းရင်းမြစ်များ

Kîam 15:18

Mûthenya ûcio Ngai-Mûnene nîwarûthire kîrîkanîro na Aburamu na akiuga atîrî, “Nie nîngaava njiarwa ciaku vûrûri ûyû wonthe, kuuma mûvakarî wa Misiri nginya rûnjîrî rwa Farati.

Kîam 35:5

Rîrîa Jakovu na avîcî ake maambîrîrie rûgendo, andû a matûûra marîa maamathiûrûrûkîrîtie nîmaanyitirwe nî guoya nyîngî kuuma kûrî Ngai. Kwoguo nîmaaremirwe nî kûmarûmîrîria.

1Atha 5:1

Hiramu mûthamaki wa Turo nîwatûmire ndungata ciake kûrî Solomoni rîrîa eegwire atî andû nîmaathuurîte Solomoni atuîke mûthamaki vuva wa îthe Daudi. Ekire ûguo nîûndû aatûûrîte endete Solomoni.

1Maû 4:10

Nwatî Jabezi nîwavoire Ngai wa Isiraeli akiuga atîrî, “Ngai ndathima na ûnenevie mîvaka ya vûrûri wakwa. Îthagîrwa ûrî vamwe nanie na ûngitagîre kuuma kûrî ûndû wonthe mûcûku ûrîa ûngîtûma mbîthîrwe na ûrûrû.” Ngai Nîwamûvere kîrîa aavoire.

2Maû 17:10

Ngai-Mûnene nîwatûmire mavûrûri monthe marîa maathiûrûrûkîrîtie Juda metigîre kûrûa na mûthamaki Jehoshafati.

Ayubu 1:10

Nîkwa ûmûgitagîra ke, mûciî wake, wana indo ciake cionthe. Ûndû wa wonthe ekaga we nîûmûrathimaga. Ndîthia ciake cia mbûri na ng'ombe ciîcûrîte vûrûri wonthe.

Thaburi 120:1

Rîrîa naarî mathînarî nînakaîre Ngai-Mûnene, nake akîmbîgua.

Thaburi 78:55

Wa ûrîa andû ake maatonyaga vûrûrirî ûcio, nwaguo eengataga andû arîa maatûûraga kuo; nîwagaîre mîvîrîga ya Isiraeli vûrûri ûcio, na agîtûma andû a Isiraeli matûûre magemarî ma andû acio.

Thaburi 80:8

Waretire mûthavibu kuuma Misiri, ûkîvinyûria ndûrîrî irîa ciîngî, na ûkîûvanda vûrûrirî wao.

Ntha 33:2

Nîngûtûma mûraika amûtongorie na nîngwîngata Akanaani, Amori, Ahiti, Aperizi, Ahivi, na Ajebusi.

Ntha 34:11

Athîkagîra watho ûrîa ngûkûnengera ûmûnthî. Na rîrî, wa ûrîa mûkethagîrwa mûkîthiî na mbere nwaguo ngengataga Amori, Akanaani, Ahiti, Aperizi, Ahivi na Ajebusi.

Nthi 16:7

Ngai-Mûnene angîkenua nî mîthiîre ya mûndû, nîatûmaga wana nthû cia mûndû ûcio ituîke arata.

Alawi 18:24

“Mûtigecûkangie na ûndû wanarî ûmwe wa mama, nîûndû andû a ndûrîrî, na nîo nîrengata nîguo mûthiî mûgatûûre kuo, meecûkangirie na maûndû mama.

Ciîko 18:10

Nie nîrî vamwe nawe, na gûtirî mûndû wana ûmwe ûgûkûtharîkîra agwîke naaî, nîûndû andû eengî îtûûrarî rîîrî nî akwa.”

Gûco 12:20

“Rîrîa Ngai-Mûnene Ngai wenyu akaanenevia vûrûri wenyu wata ûrîa aamwîrîîre na mwîrirîrie kûrîa nyama, nwa mûrîîre wa varîa vonthe mûngîenda.

Gûco 16:16

“Arûme onthe vûrûrirî wenyu makaathiîcaga maita mathatû wa mwaka kûgooca Ngai-Mûnene Ngai wenyu varîa akaathuura va kûgoocagîrwa vîndî ya kîrugo Kîam pasaka, Kîam maketha na gîa tûnyomba. Mûndûmûrûme wa wonthe akaaviragîra Ngai-Mûnene kîveo

Gûco 19:8

“Ngai-Mûnene Ngai wenyu angîkaaramia vûrûri wenyu wata ûrîa eerîre methe menyu na mwîvîtwa, na amûve vûrûri wonthe ûrîa aamerîîre,

Gûco 7:1

“Rîrîa Ngai-Mûnene, Ngai wenyu akaamûkinyia vûrûrirî ûrîa mûkegwatîra ûtuîke wenyu, nîakengata andû a mavûrûri mûgwanja arîa marî vinya kûrî mue maume kuo. Namo nî: Ahiti, Agirigashi, Amori, Akanaani, Aperizi, Ahivi na Ajebusi.