Ntha 34:21 - ÎVUKU RÎA ÛVORO MWARO

²¹ “Mûkaarutaga wîra mîthenya îtandatû, nwatî mûthenya wa mûgwanja mûkîvurûka wana ethîrwa nî vîndî ya marîma kana ya maketha.

Ntha 34:21 ပူးပေါင်းရင်းမြစ်များ

Kîam 45:6

Nîûndû kavinda ka mîaka îîrî tu kwîthîrîtue kûrî na yûra, na kûrî na mîaka îngî îtano îtigarîte îrîa gûtakethîrwa gûkîrîmwa kana gûgîkethwa.

Nehemia 13:15

Kavinda kau nînonire andû a Juda makîviva thavibu mûthenya wa thavatû na nîmaaretaga irio cia mîgûnda maikuithîtie mvunda. Na engî nîmaaretaga ndivei, thavibu, na ndamaiyû îtûûrarî rîa Jerusalemu mûthenya wa thavatû maikuîte na mvunda. Nînaamakaanirie na ngîmeera matikendie indo mûthenya wa thavatû.

Ntha 23:12

“Rutaga wîra waku mîthenya îtandatû, nwatî mûthenya wa mûgwanja vurûkaga, nîguo ngombo ciaku, na ageni arîa makûrutagîra wîra mavurûkage, wana ndegwa na mvunda ciaku ivurûkage.

Ntha 31:15

Mûkaarutaga wîra mîthenya îtandatû, nwatî mûthenya wa mûgwanja nî thavatû ya kûvurûka na wamûrîrîtwe Ngai-Mûnene. Mûndû wa wonthe ûkaaruta wîra wana ûrîkû mûthenya wa thavatû nî akaaûragwa.

Ntha 35:2

Mûrî na mîthenya îtandatû ya kûruta wîra wenyu wonthe, nwatî mûthenya wa mûgwanja ûkethagîrwa ûrî mûthenya mûtheru wa thavatû na wa kûvurûka wamûrîrîtwe Ngai-Mûnene. Mûndû wa wonthe ûkaaruta wîra wana ûrîkû mûthenya ûcio nî akaaûragwa.

Isaia 30:24

Ndegwa na mvunda cienyu cia mîraû nîikaarîa macaki marî mavûnge na magacungwa na magekîrwa cumbî.

Alawi 23:3

Mûrî na mîthenya îtandatû îrîa mûkaarutaga wîra, nwatî mûthenya wa mûgwanja, mûthenya wa thavatû, nî mûthenya wa kûvurûka. Mûtiagîrîrwe nî kûruta wîra mûthenya ûcio, nwatî mûgomanage vamwe nîûndû wa kûgooca. Thavatû nî yakwa, na mûkaamîmenyagîrîra mûrî wa kûrîa mûkethagîrwa mûrî.

Luka 13:14

Nake mûnene wa îvoero rîu nîwarakarire nîûndû Jesû nîwavonanirie mûthenya wa thavatû, kwoguo nîwerire andû atîrî, “Twagîrîrwe nî kûruta wîra mîthenya îtandatû; kwoguo ûkagani mîthenyarî îo na mûkavonua, nwatî mûtigaûkage mûthenya wa thavatû!”

Luka 23:56

Nîmaacokire makînûka, makîvarîria indo cianungaga waro na maguta maanungaga waro ma gwîtîrîria mwîrî wa Jesû. Naguo mûthenya wa thavatû wakinya nîmaanogokire wata ûrîa Watho wathanîte.

Gûco 21:4

Nao nîmakaamîvira Kîamndarî vandû varî na rûnjî rûtavûcaga na vatanarîmwa kana vavandwa kîndû. Vau nîvo makaaunîra njaû îo ngingo.

1Sam 8:12

Amwe ao nîakaamatua athani a athigari ngiri îmwe, nao engî amatue athani a athigari mîrongo îtano. Nao arîa engî nîakaamatua arîmi a mîgûnda yake, magîkethaga maketha make. Nî gûkethîrwa kûrî na anake engî arîa makethîrwa marî a kûthondekagîra mûthamaki indo ciake cia mbaara, na cia ikaari ciake cia mbaara.