Ntha 34:16 - ÎVUKU RÎA ÛVORO MWARO

¹⁶ Anake enyu mangîkaavikia erîtu a andû acio ageni, erîtu acio makîgooca ngai ciao nîmagaatûma anake enyu matuîka tî evokeku na nîmakaagooca ngai cia erîtu acio.

Ntha 34:16 ပူးပေါင်းရင်းမြစ်များ

Kîam 24:3

Nîrenda wîvîte na rîîtwa rîa Ngai-Mûnene, Ngai wa îgûrû na nthî uuge, atî ndûgaacarîria mûvîcîwa mûndûmûka kuuma kûrî aarî a Kanaani arîa ndûûranagia nao.

1Atha 11:1

Mûthamaki Solomoni nîwendire aka eengî a kuuma mavûrûrirî mageni. Nîwendire mwarî wa mûthamaki wa Misiri na akîenda aka engî kuuma Hiti, Moabu, Aamoni, Edomu na Sidoni.

1Atha 21:25

(Gûtirî mûndû wîngî werutîrîte viû ta Ahabu gwîka maûndû macûku mbere ya Ngai-Mûnene. Ahabu eekire maûndû mau monthe nîûndû wa kûringîrîrua nî mûka Jezebeli.

2Maû 21:11

Wana nîwarûthîte kûndû gwa kûgoocagîra ngai cia mûvuanano irîmarî cia Judea. Nîwatûmire andû a Juda na a Jerusalemu mevîrie Ngai-Mûnene.

Ezira 9:12

Kwoguo nîmaatwîrire atî erîtu etû matikavikue nî andû ao kana andû etû mavikie erîtu ao. Na tûtikagwatanîre maûndû ma thayû kana tûmatethia maûndûrî wa monthe ethîrwa nîtûkwenda gûtûûra vûrûrirî ûyû na tûgaûtigîra njiarwa cietû tene na tene.

Ezira 9:2

Nîûndû Aisiraeli nîmaavikagia erîtu ao na avîcî ao mageka wa guo. Kwoguo andû a Ngai nîmeetukanîtie na andû a vûrûri na magatuîka acûku. Atongoria na anene nîo methîrîtwe magîka maûndû mau mûno.

Nehemia 10:30

Nîmaaugire atî matikaanenganîra erîtu ao mavikua nî anake a andû arîa matûûraga vûrûri ûcio, kana metîkîra anake ao mavikia erîtu a andû acio.

Nehemia 10:31

Ethîrwa ageni nîmakaarete indo kana irio cia mûgûndarî cia kwendia mûthenya wa thavatû kana mûthenya wîngî mûtheru tûtikaaigûra. Mwakarî wa mûgwanja tûkaarekanagîra mathiirî monthe na tûtikaarîmaga mîgûnda yetû.

Nehemia 13:23

Kavindarî wa kau nînaamenyire atî Ayahudi eengî nîmaavikîtie aka kuuma Ashidodi, Aamoni, na Moabu.

Nehemia 13:25

Nînakararanirie nao na ngîmaruma irumi, amwe ao ngîmariva na ngîmakûranga njuîrî cia ciongo. Nînaamevîtithirie na rîîtwa rîa Ngai atî gûtirî vîndî îngî o kana ciana ciao ikaavikia kana ivikue nî andû acio.

Thaburi 106:39

Ûguo nîguo maatuîkire andû matarî atheru, na magîtuîka andû matarî evokeku kûrî Ngai nîûndû wa ciîko ciao.

Hosea 1:2

Rîrîa Ngai-Mûnene ambîrîrie kwaria na andû a Isiraeli na njîra ya Hosea nîwamerire atîrî: “Thiî ûgûre mûndûmûka mûmaraa na mûgîe ciana nake na njîra ya ûraa, nîûndû andû a vûrûri ûyû nîmareka mevia meengî mûno nîûndû wa kûndiganîria.”

Alawi 21:15

nîguo ndakagwatie ciana ciake gîko gatagatîrî ka andû ao. Nie nînie Ngai-Mûnene na nînie nîmwamûrîte arî Mûthînjîri-Ngai Mûnene.”

Josh 23:12

Mûtigatuîke aremi na njîra ya gûtukana na andû arîa matigarîte gûkû mûrî na mwambîrîrie kûvikia aarî ao nao mavikie aarî enyu.

Josh 23:13

Mweka ûguo, menyani na ma atî Ngai-Mûnene, Ngai wetû ndakeengata ndûrîrî icio ciûre rîrîa mûkaaitharîkîra. Nwatî nîigaatuîka kîndû gîcûku gîa kûmûgucagîrîria mûtonye mûtegorî kana mûgwe îrimarî. Nîigaatuîka ta kîvoko gîa kûmûriva kana ta mîgua îrî methorî menyu nginya rîrîa muonthe mûkaathira vûrûrirî ûyû mwaro Ngai amûveete.

Atir 14:3

Nwatî îthe na ng'ina nîmaamûririe atîrî, “Ûrenda kûvikia mûndûmûka kuuma kûrî Afilisiti arîa matarî aruu nîkî? Nîkwa ûtangîthuura mûndûmûka kuuma kûrî andû a mbarî yetû, kana gatagatîrî ka andû etû onthe?” Nwatî Samusoni nîwerire îthe na ng'ina atîrî, “Nîrenda mûngîrîre ûcio nîûndû nîke mendete mûno.”

Atir 3:5

Kwoguo Aisiraeli nîmaatûûranirie na Akanaani, Ahiti, Amori, Aperizi, Ahivi na Ajebusi.

Atir 3:6

Erîtu a ndûrîrî icio nîmaavikirue nî anake a Isiraeli, nao anake a ndûrîrî makîvikia erîtu a Isiraeli. Kwoguo Erîtu a Isiraeli nîmaagoocire ngai cia ndûrîrî icio.

Atir 8:27

Gideoni nîwarûthire mûvuanano wa thaavu icio na akîwiga Ofira, îtûûrarî rîake. Nao Aisiraeli onthe nîmaatiganîrie Ngai na makîambîrîria kûmîgooca. Nayo nîyatuîkire mûtego kûrî Gideoni na andû a mûciî wake.