Ntha 34:15 - ÎVUKU RÎA ÛVORO MWARO

¹⁵ Mûtikaarûthe kîrîkanîro na andû a vûrûri ûcio, nîûndû vîndî îrîa makûgooca ngai ciao na makîirutagîra magongoona nwa mamwîte mûthiî mûkagwatanîre nao na mwavota kûgwa mageriorî wa kûrîa irio irîa itegeretwe ngai ciao.

Ntha 34:15 ပူးပေါင်းရင်းမြစ်များ

1Maû 5:25

Andû a mîvîrîga îno nîmaavîtîrie Ngai wa methe mao ma tene na nîmaagoocire ngai cia andû arîa Ngai aacûkangîtie makîonaga.

Ezira 6:9

Na mûthenya wa mûthenya vecagani athînjîri-Ngai a Jerusalemu kîrîa kîonthe makaavataraga ta tûregwa, ng'ondu, tûtûrûme, nîûndû wa matega ma kûvîvua ma Ngai wa îgûrû. Nîmavecagwe ngano, cumbî, ndivei, maguta ma mîtamaiyû îrîa îciaraga matunda. Menyererani indo icio itigature.

Ezira 9:12

Kwoguo nîmaatwîrire atî erîtu etû matikavikue nî andû ao kana andû etû mavikie erîtu ao. Na tûtikagwatanîre maûndû ma thayû kana tûmatethia maûndûrî wa monthe ethîrwa nîtûkwenda gûtûûra vûrûrirî ûyû na tûgaûtigîra njiarwa cietû tene na tene.

Thaburi 106:28

Nîmaacokire magîtuîka arûmîrîri a Baali marî Peori, na makîrîa magongoona marîa maarutîrîtwe mîvuanano îtarî mwoyo.

Thaburi 73:27

Arîa magûtiganagîria nama nîmakaathira; nîûgacûkangia arîa matarî evokeku.

Ntha 22:19

“Mûndû wa wonthe angîka maûndû ma ûûra nthoni na nyamû nwanginya akaaûragwa.

Ntha 22:20

“Mûndû wa wonthe angîrutîra ngai ya mûvuanano îgongoona tiga nie, Ngai-Mûnene, nîakaaûragwa.

Ntha 23:32

Mûtikaarûthe kîrîkanîro wana kîrîkû na andû acio kana na ngai ciao.

Ntha 32:8

Nîmagarûrûkîte na magatiga njîra îrîa namaathire marûmagîrîre. Nîmeerûthîrîte o ene mûvuanano wa njaû ya ndegwa ya thaavu ya kûrarûrwa na nîmaramîgooca makîmîrutagîra îgongoona, makiugaga atî îo nî ngai îrîa yamarutire vûrûri wa Misiri.

Ntha 34:10

Ngai-Mûnene nîwerire Musa atîrî, “Rîu nîngûrûtha kîrîkanîro na andû a Isiraeli. Nîngeka maûndû ma magegania methorî mao, maûndû matarî manonwa nthî yonthe vûrûrirî wana ûrîkû. Andû onthe nîmakoona maûndû manene marîa nie, Ngai-Mûnene nîngîvota gwîka, nîûndû nîngeka maûndû ma gwîtigîrwa nîûndû waku.

Ntha 34:12

Menyerera mûtikarûthe kîrîkanîro na andû a vûrûri ûrîa mûkûthiî gûtonya, nîûndû mûngîrûtha kîrîkanîro nao ûndû ûcio wavota gûtuîka mûtego gatagatî kenyu.

Jeremia 3:9

Ndoonaga ûmaraa ûrî ûndû mûnene, kwoguo nîwatûmire vûrûri ûgîe na mûgiro na agîka wîvia wa ûtharia na njîra ya kûgooca mathiga na mîtî.

Hosea 4:12

Andû akwa mavoyaga ûtaaro kuuma mûtîrî, kamûtî kao ka ûragûri nîko kamavecaga ûguûrio, Wendi wao wa ûtharia nîûmavîtithîtie, nîmavûrîte ûmaraa na njîra ya gûtungatîra ngai ciîngî, nîmandiganîrîtie nie Ngai wao.

Hosea 9:1

Mue andû a Isiraeli mûtigakene! Mûtigakûngûîre ta mavûrûri marîa mengî, nîûndû mwîthîrîtwe mûkîvûra ûmaraa, mûgatiganîria Ngai wenyu. Mûkenagîrîra mbeca cia ûmaraa, mûrî matîrirî monthe ma ngano.

Alawi 17:7

Andû a Isiraeli matikethîrwa matarî evokeku kûrî Ngai-Mûnene rîngî na njîra ya kûragîra nyamû na kûu nja ya mûromo wa îgema marî magongoona ma ngoma ciîkariî ta mbûri. Andû a Isiraeli na njiarwa ciao nîmatûûra marûmagîrîra watho ûyû.

Ndari 15:39

Mûkethagîrwa mûrî na igaaci icio nîguo mwairoria mûkaririkana maathani monthe makwa na mûkamavingia. Kwoguo mûtikaandiganîria nîguo mûrûmîrîre wendi wa ngoro cienyu na meciria menyu.

Ndari 25:1

Rîrîa andû a Isiraeli matûûraga vûrûrirî wa Shitimu, arûme a Isiraeli nîmaamenyanire kîîmwîrî na aka a Moabu arîa maarî kuo.

Ndari 25:2

Aka acio nîmeetire Aisiraeli mamburarî mao ma kûrutîra ngai ciao magongoona. Andû a Isiraeli nîmaarîre irio na makîgooca ngai cia a Moabu.

Ciîko 15:20

Vandû va ûguo, tue nîtwagîrîrwe nî kwandîka maarûa kûrî o tûmere maûndû mama. Matikarîcage irio irîa irî na mûgiro nîûndû nîciîthagîrwa itegeretwe mîvuanano: matigekage ciîko cia ûmaraa: matikarîcage nyama cia nyamû irîa ciîthagîrwa ithioretwe ngingo itagwîtûrûra nthakame; na matikaarîcage nthakame.

1Akor 10:27

Ethîrwa mue nwa mwîtîrwe irio nî mûndû ûtetîkîtie na mwîtîkîre kûthiî kûrîcanîra nake, rîcagani wa kîrîa kîonthe mûngîvewa mûtakwamba kwîyûria ciûria ciumanîte na thamiri cienyu.

1Akor 8:10

Ethîrwa mue mûrî na “ûmenyo” nîmûrîcaga irio mûrî hekarûrî ya mîvuanano, kinthî mûndû ûrîa ûrî na thamiri mvûthû angîmwona mûkîrîîra irio kuo ndakarîa irio irîa irutîrîtwe mîvuanano?

1Akor 8:4

Kwoguo nie ngîcokia kîûria kîgiî irio irîa ciîthagîrwa irutîrîtwe mîvuanano nîmbuga atî: tue nîtwîcî atî mîvuanano îrûngamaga îthenyarî rîa kîndû gîtarî vo, na nîtwîcî atî Ngai nî ûmwe tu.

1Akor 8:7

Nwatî tî andû onthe maicî ûvoro ûcio. Andû amwe nîmamenyerete mîvuanano mûno, na rîrîa makûrîa irio, monaga irio icio ta arî wa irio irîa irutîrîtwe mîvuanano. Na nîûndû thamiri ciao nî mvûthû vîndî îrîa marîa irio icio, nîmegucaga marî na ûcuke.

Gûco 31:16

Ngai-Mûnene nîwerire Musa atîrî, “Rîu îvinda rîaku rîa kuuma nthî îno rîrî vakuvî; na warîkia kuuma nthî îno, andû makethîrwa matarî evokeku kûrî nie na nîmakaaregana na kîrîkanîro kîrîa naarûthire nao. Nîmakaandiganîria na mambîrîrie kûgooca ngai cia mîvuanano irîa ivoyagwa nî andû a mavûrûri ma kûrîa mûthiîte kwîgwatîra.

Gûco 31:18

Vîndî îo ndikaamatethia nîûndû nîmekîte maûndû macûku na makagooca ngai ciîngî.

Gûco 32:37

Vîndî îo Ngai-Mûnene nîakaaûria andû ake, ‘ngai cienyu irîa mwevokaga imûtethie irî kû?’

Gûco 32:38

Irî kû ngai irîa ciarîcaga mathunya ma nyama cia magongoona na ikanyua ndivei ya îtega? Nîciûke imûtethie rîu; nî ciûke imûgitîre.

Gûco 7:2

Rîrîa Ngai-Mûnene, Ngai wenyu akaamarekereria kûrî mue na mûmavoote, nwanginya mûkaamaûraga onthe mathire. Mûtikarûthe kîrîkanîro nao kana mûmeguîre ntha.

Gûco 7:3

Mûtikavikanie nao: mûtikareke erîtu enyu mavikua nî anake ao kana mûreka anake enyu mavikia erîtu ao,

Josh 23:12

Mûtigatuîke aremi na njîra ya gûtukana na andû arîa matigarîte gûkû mûrî na mwambîrîrie kûvikia aarî ao nao mavikie aarî enyu.

Kûguû 2:20

Nwatî nîrî na ûndû nîramûcukîra: Mue nîmwîtîkagîria mûndûmûka ûcio wîtagwa Jezebeli atambie kîthomo Kîam maveeni. Ke etucaga nî mûrathi wa Ngai, nwatî na njîra ya kîthomo kîu gîake, nîavîtithagia ndungata ciakwa igeka ciîko cia ûmaraa na ikarîa irio irîa irutîrîtwe mîvuanano.

Atir 2:17

Nwatî Aisiraeli matiathîkîra atongoria acio. Nîmaaregire gûtuîka evokeku kûrî Ngai-Mûnene na makîgooca ngai ciîngî. Methe mao nîmaavingagia maathani ma Ngai-Mûnene, nwatî o nîmaatigire kûmûgooca.

Atir 3:6

Erîtu a ndûrîrî icio nîmaavikirue nî anake a Isiraeli, nao anake a ndûrîrî makîvikia erîtu a Isiraeli. Kwoguo Erîtu a Isiraeli nîmaagoocire ngai cia ndûrîrî icio.