Ntha 34:13 - ÎVUKU RÎA ÛVORO MWARO

¹³ Îthenya rîa ûguo, nîmûkaatharia metha ciao cia magongoona na munange itugî na mîvuano Ashera, ngai yao ya mûndûmûka.

Ntha 34:13 ပူးပေါင်းရင်းမြစ်များ

1Atha 14:15

Ngai-Mûnene nîakaaverithia na ainainie vûrûri wa Isiraeli, ta ûrîa kamûthanje kainainaga karî rûnjîrî. Nîakengata andû a Isiraeli kuuma vûrûrirî ûyû mwaro, ûrîa aaveere methe mao ma tene na amanyagie kûraca na Rûnjî rwa Farati nîûndû nîmarakarîtie Ngai-Mûnene na njîra ya kûrûtha mûvuanano wa Ashera, ngai ya mûndûmûka.

2Atha 10:27

Kwoguo nîmaacûkangirie gîtugî Kîammûre Kîam Baali vamwe na hekarû, na magîtua hekarû îo kîoro, na ûguo nîguo îtûûraga nginya ûmûnthî.

2Atha 18:4

Nîwacûkangirie kûndû kûrîa kwagoocagîrwa ngai cia mîvuanano, nîwomomorire itugî cia mathiga, na agîtemanga mîvuanano ya ngai ya nga ya Ashera. Na nîwaunangire njoka ya gîcango tûcunjî îrîa Musa aarûthîte, îrîa yetagwa Nehushitani, nîûndû andû a Isiraeli nwa maamîvîvagîria ûbani na makamîgooca.

2Atha 23:14

Nîwaunangire itugî cia kûgoocwa cia ngai cia mîvuanano na agîtemanga mîvuanano ya ngai ya nga ya Ashera, agîcoka agîcûria varîa ngai cia mîvuanano îo ciarî na mavîndî ma andû akuû.

2Maû 14:3

Nîwarutire metha cia kîgongoona irîa ciarî ng'eni kûu vûrûrirî na kûndû kûrîa gûtûgîru kwagoocagîrwa ngai cia mîvuanano. Nîwaunangire itugî cia mathiga na akiunanga mîvuanano ya Ashera, ngai ya mûndûmûka.

2Maû 15:16

Mûthamaki Asa nîwathengutirie ng'ina Maaka gîtîrî Kîam ûnene Kîam mûndûmûka mûthamaki, nîûndû nîwarûthîte mûvuanano wa Ashera, ngai ya mûndûmûka. Asa nîwatemire mûvuanano ûcio wa Ashera na ûkîgwa, akîunanga tûcunjî na akîûvîvîria karûnjîrî ga Kidironi.

2Maû 17:6

Jehoshafati nîwendeete mûno na ngoro yake gûtungatîra Ngai-Mûnene. Nîwacûkangirie kûndû kûrîa kwagoocagîrwa ngai cia mîvuanano na mûvuanano wa Ashera, ngai ya mûndûmûka vûrûri wa Juda.

2Maû 24:18

Andû nîmaatiganîrie hekarû ya Ngai-Mûnene, Ngai wa methe mao na makîambîrîria kûgooca Ashera, ngai ya mûndûmûka na mîvuanano yake. Ngai-Mûnene nîwarakarire nî andû a Juda na a Jerusalemu nîûndû wa mevia mau.

2Maû 31:1

Rîrîa ûkûngûîri wa kîrugo wathirire, andû onthe a Isiraeli arîa maaûkîte kîrugorî nîmaaumagarire makîthiî matûûrarî monthe ma Juda na makiunanga itugî cionthe cia mathiga na mîvuanano ya Ashera, ngai ya mûndûmûka. Nîmaacûkangirie kûndû kûrîa kwagoocagîrwa mîvuanano na metha cia magongoona irîa ciarî Juda kuonthe, Benjamini, Efiraimu na Manase. Andû onthe a Isiraeli nîmaacokire matûûrarî mao na wa mûndû mûciî gwake.

2Maû 33:19

Mavoya ma mûthamaki Manase na ûrîa Ngai aamûcokerie, mevia make monthe na kûrega gûtuîka mwîvokeku, kûndû kûrîa aatumire gwa kûgoocerwa mîvuanano na Ashera, ngai ya mûndûmûka na mîvuanano, monthe nîmandîke rûganorî rwa Maûndû ma tene ma Arathi.

Ntha 23:24

Na mwakinya kuo mûtikanavoe ngai ciao kana mûigooce, na mûtikarûmîrîre mîtugo ya ndini ciao. Nîmûgaacûkangia ngai icio ciao na munange itugî ciao cia mathiga varîa magoocagîra.

Isaia 17:8

Matikaaroria rîngî metha cia magongoona irîa matumîte na njara ciao, kana marorie irîa maturîte o ene îrî mûvuanano wa ngai ya mûndûmûka ya Ashera kana metha cia magongoona cia kûvîvîria ûbani.

Isaia 27:9

Kwoguo ûguo nîguo mavîtia ma Jakovu makaathirua, ûguo nîguo wîvia wake ûkaathirua viû; mathiga marîa matumîte metha cia magongoona, makaathîwa matuîke mûthetu, na gûtirî mîvuanano ya Ashera, ngai ya mûndûmûka, wana kana metha cia kûvîvîria ûbani igaatigara.

Jeremia 17:2

Andû enyu magoocagîra metharî cia kîgongoona, na mîvuanano ya ngai cia Ashera, îrîa iigîtwe mîtîrî îrîa mîruru na tûrîmarî,

Mika 5:14

Nîngaaruta mîvuanano ya ngai ya Ashera vûrûrirî wenyu, na njûkangie matûûra menyu.

Ndari 33:52

mûkengata andû onthe a vûrûri ûcio, mûgaacûkangia ngai ciao cia mîvuanano irîa irûthîtwe na mathiga na cia cuuma, na mwomomore kûndû kuonthe kûrîa magoocagîra.

Gûco 16:21

“Watumîra Ngai-Mûnene Ngai wenyu metha ya kîgongoona, ndûkaarûthe mûvuanano wa ngai ya Ashera mwenarî wayo.

Gûco 16:22

Ndûgatume mûvuanano wa gîtugî Kîam îthiga gîa kûgoocaga nîûndû Ngai-Mûnene Ngai wenyu nîathûrîte mîvuanano.

Gûco 7:5

Kwoguo nîmûkoomomora metha ciao cia magongoona, na munange itugî cia ngai ciao, na mûtemange mîvuanano ya Ashera, na mûvîvie mîvuanano yao ya kumua.

Atir 2:2

Namue mûtikathondeke kîrîkanîro wanarî kîmwe na andû arîa matûûraga vûrûrirî ûyû. Nwanginya mwomomore metha ciao cia magongoona. Nwatî mûtiavingia ûrîa naamwîrire. Mwekire ûguo nîkî?

Atir 6:25

Ûtukû ûcio Ngai-Mûnene nîwerire Gideoni atîrî, “Oca ndegwa ya aguo na ndegwa îngî ya ûkûrû wa mîaka mûgwanja. Womomore metha ya aguo ya kîgongoona Kîam Baali na ûtemange mûvuanano wa ngai ya Ashera ûcio ûrî vakuvî nayo.

Atir 6:26

Tumîra Ngai-Mûnene, Ngai waku metha mbaro ya kîgongoona vo, na woce ndegwa ya kaîrî na ûmîvîvie îrî îtega rîa kûvîvua. Ûcoke ûtûmîre icunjî icio ûgûtemanga cia mûvuanano wa ngai ya Ashera irî ngû.”