Ntha 34:12 - ÎVUKU RÎA ÛVORO MWARO

¹² Menyerera mûtikarûthe kîrîkanîro na andû a vûrûri ûrîa mûkûthiî gûtonya, nîûndû mûngîrûtha kîrîkanîro nao ûndû ûcio wavota gûtuîka mûtego gatagatî kenyu.

Ntha 34:12 ပူးပေါင်းရင်းမြစ်များ

1Atha 11:2

Ngai-Mûnene nîwathîte Aisiraeli atî matikavikie aka a kuuma mavûrûrirî mau kana arûme a mavûrûri mau mavikia erîtu a Isiraeli, nîûndû nwa matûme andû a Isiraeli mathîkagîre ngai ciao. Nwatî Solomoni nîwavikirie aka kuuma mavûrûrirî mau.

2Atha 17:10

Nîmeerûthîre itugî cia mathiga na mîvuanano ya Ashera ngai ya nga, îgûrû rîa irîma cionthe na rungu rwa mîtî yonthe mîruru.

2Maû 24:18

Andû nîmaatiganîrie hekarû ya Ngai-Mûnene, Ngai wa methe mao na makîambîrîria kûgooca Ashera, ngai ya mûndûmûka na mîvuanano yake. Ngai-Mûnene nîwarakarire nî andû a Juda na a Jerusalemu nîûndû wa mevia mau.

Thaburi 106:36

Nîmaagoocire mîvuanano ya ngai ciao, na ûndû ûcio nîguo watuîkire mûtego wa kûmathiria.

Ndari 33:52

mûkengata andû onthe a vûrûri ûcio, mûgaacûkangia ngai ciao cia mîvuanano irîa irûthîtwe na mathiga na cia cuuma, na mwomomore kûndû kuonthe kûrîa magoocagîra.

Gûco 20:18

Mwarega kûmaûraga, nîmakaamûthomithia mîtugo mîcûku ya kûvoya ngai ciao cia mîvuanano, na mwîthîrwe mwîkîte mevia mbere ya Ngai-Mûnene Ngai wenyu.

Gûco 31:5

Ngai-Mûnene nîakaamûvotithia kûmavoota na mûmeke wata ûrîa nîmwathîte.

Gûco 7:16

Na nîmûkaaûraga andû arîa onthe Ngai-Mûnene, Ngai wenyu akaarekereria kûrî mue. Mûtikameguîre ntha kana mûtungatîre ngai ciao, nîûndû ûcio ûkethîrwa ûrî mûtego kûrî mue.

Gûco 7:2

Rîrîa Ngai-Mûnene, Ngai wenyu akaamarekereria kûrî mue na mûmavoote, nwanginya mûkaamaûraga onthe mathire. Mûtikarûthe kîrîkanîro nao kana mûmeguîre ntha.

Josh 9:7

Nwatî andû a Isiraeli nîmeerire Aahivi acio atîrî, “Tûngîrûtha kîrîkanîro namue atîa na nwa kwîthîrwa mûtûûraga gûkû tûrî?”

Atir 6:10

Naamwîrire atî, Nînie Ngai-Mûnene, Ngai wenyu na mûtikagooce ngai cia Aamoni, arîa ene vûrûri ûyû mûtûîre. Nwatî mûtianthikîrîria.’ ”

Atir 8:27

Gideoni nîwarûthire mûvuanano wa thaavu icio na akîwiga Ofira, îtûûrarî rîake. Nao Aisiraeli onthe nîmaatiganîrie Ngai na makîambîrîria kûmîgooca. Nayo nîyatuîkire mûtego kûrî Gideoni na andû a mûciî wake.